Urdu Poetry Forum

__________________

---mere khial se---

pakistani taraki is lie nahi karta kion k awam jahil hai
jo in muhtlif parties main laghe hue hain

__________________

hmmmmm thanks.............. .................... ......

Aap ki raaiy apni jaga theek hai.. or main is khiyal say bilkul ittifaaq karti hon k teefay chamaar say lay kar chohdri abdul lateef khan tak hamara poora muashra corrupt huchuka hai, teefa jo jotiyan gaanth raha hai wo bhi corrupt hay, molana lateef sahb jo mazhabi rahnuma hain wo bhi corrupt hai, dr , engeener, hamara qanon sab corrupt hain, mera matlab ye hai k majmoe toar pr aik say lay kar 16 karoorwan pakistani mujh samait kisi na kisi hawalay say corrupt hain, aik fard muashray ki ikaae hota hai usi ikaae say muashra janam layta hai, or hamari to ikaae hi kharab hai to phir ham kiya musharaf, qazi, baynazeer or kiya nawaz shareef ko rooain, ye sab log hamaray muashray hi ki paidawar hain...hamari ikaae kharab hai, hamain ikaae ko drust karna hoga... to hi ham taraqqi kar saktay hain, warna ham doctors or engeeners to paida kartay rahain gay .laikin aik to wo hamray nakara taleemi nizaam ki waja say ziyada usefull nahi hoga or doosray wo hamaray corrupt muashray ki paidawaar honay ki waja say corrupt hogay jis ki waja say ham taraqqi nahi krsaktay
ab sawal ye paida hota hai k hamara her fard ya hamari ikaae corrupt q hai,, yehi ahm sawal hai jisay solve kar k ham tarqqi kar saktay hain, main is sawal k jawab main yahi kahti hon kay is ki sab say bari waja islaam say doori hai, ham bazaahir to muslman hain laikin islaam ki haqeeqi rooh say ham nabalad hain. ham nay islaam ko aik naqaab k toar pr orh rakha hai, main kisi or ko nahi kahti laikin khud say to kah hi sakti hon k kiya main khud sachi pakki musalman hon? kiya main khud aik usefull pakistani hon, to emandaari say mera jawab nafi main hoga.
main yehi kahna chahti hon k agr ham main say her aik pakistani apna muhasba krsakta hai or islaam ki haqeeqi roh, jo mohabbat, aman, salamti, sachaai, ifat damni, or amaanat or diyaanat k kahmeer say uthi hai usay apna orhna bichona bana lain to ham or hamara pakistan taraqqi krsakta hai, wrna likhnay walay likhtay rahain gay or un ki tahreero main aaj kal ki tarha asar nahi rahay ga q k asar usi baat main hota hay jo amal karnay walay ki zuban say niklain, agar ham main say her aik apna muhasba shuro krday to aik say lay kar 16 karoorwain pakistani tak dheeray dheerya ye muashra sudharta jaaiy ga,

Asalam-o-alikum
Pehli``Barish

__________________

hmm i really agree with you ... har banday ko as a pakistani apna muhasiba karna chahiay ... aur deikhna chahiay k usay pakistan ki behtri ki khatir kis simat mein jana chahiay magar pakistan k saray k saray loog agar currept hein to un ko theak honay k liay har shakhs ko kisi aik initiative ki zarorat ho gi aik strong and affective initiative ki .... aur aik cheiz jisay ham leader kehtay hein isi initiative ko create karnay ka kaam karta hai .... agar leader acha ho ga sincier ho ga to woh hemein us simat mein jido jehad karnay k liay initiate karay ga jo k hamari asal manzil hai.
but agar woh aisa nai karta apni zaat k faiday k liay hamein use kar rha hai to yeh us k haq mein to bura hai hi yeh hamara liay zehar e qatil hai ....
i think we need some good and sincier leaders ki zarorat hai jo k hamein sath le k theek simat mein barh sakein ..........

__________________

Not really.
Pakistan ke leaders Pakistan ki pedawaar hi hain. Jesi qaum wese hi leaders.

Lekin, agar ghalati se koi acha leader Pakistan ko mil bhi jaye to qaum koi-na-koi wajah dhoond kar uske khailaaf ho jayegi, misaal ke taur per, Islam.

Ye ik essa dilemma hai ke jiksa hoi bhi hal nahi hai.

Ya to ham Pakistan ko dunyai taraqi ki taraf le jayen ya Islam ki rah per chalayen.
Islami rah per Pakistan ko chala mushkil hi nahi balke taqreeban namumkin hai.
Iski wajah apko pink color ki post main milegi.

Corruption.

Pakistan as a whole is a failed nation.

Pakistan ki paidaish 1947 main howi. 60 saal ki umr main Pakistan ne kiya kerliya hai?

WWII ka ikhtetaam 1945 main howa tha. Jo mumalik doosri jang-e-azeem main puri terha se shamil the, misaal ke taur per, Japan, Germany, Fance, England, USSR aur khuch aur chote mulk, wo sab mumalik bohat buri terha se tabah ho chuke the. Paidaish ke waqt Pakistan ki economy shayad in sab mumalik ke barabar hi hogi. Aaj un main se ziadatar mumalik ne kitni taraqqi kerli hai aur Pakistan kahan hai?

Oh! But we have nukes.

Dekhte jaiye aap sab log, ye nukes bohat jald hi hamare hathon se nikal jayenge.

Aaj hum Pervez Musharraf ko nikal dain aur uske badle main koi aur leader chun lain to bhi ye nukes hamare nahi rahainge.
Baynazeer Bhutto ka Pakistan wapas ana aur ane ka tareeqa ik oppertunity ko avail kerna nahi hai. Bare bhai ke order se ayee hain aur unko ane se rokne wala bhi koi nahi hai. Aaj agar Musharraf ke bajaye koi aur kursi per betha hota to usko bhi ye khail khailna hota.

Agar Pakistani samajhte hain ke wo America ka khail jante hain to wo khud aaj America ke pawns hain. Pakistan main aaj jo kuch bhi ho raha hai usper America qeh-qahe laga raha hai.

Haqiqat to ye hai ke ham se ziada achi terha se America musalmaan ko janta hai.

Wo janta hai ke Islami qoowat ko control kerne ka sabse asaan tareeqa ye hai ke musalmaan ko musalmaan se larado.

Ham sab jante hain ke ham Pakistani musalmaan bohat ziada emotional hain aur dimaagh ka istemaal ziada-tar 2 number ka kamon main kerte jisse Pakistan ko koi fayeda nahi hota.

__________________
"I know the pieces fit 'cause I watched them fall away..."
Tool

__________________