Urdu Poetry Forum

me ko anhi yaad ke me ne iss section mein koi thread start ki ho , but aaj kar raha hoo'n.

yahan pe me ko beshumaar , n i mean beshumaar , log aise nazar aa rahey hain jo mosharaf ko pasand nahi kartey. mulk mein , dunya mein jo ho raha hai uss ka zimmey dar musharaf ko thehraatey hain.

amreeka ka dil bhi musharaf se bhar gaya hai , ke ab wo un ki baat bhi nahi maanta jaise pehley maanta tha.

issi liye ab "ooper" se bhi election karwaaney ke order aa gey hain.

bainazeer aur nawaz ne bhi ittehaad kar liya hai , aur haalaat-o-aasaar bata rahey hain ke ab ki baar again se bainzaeer kursi sanbhaalein gi.

mera sawal yeh hai ke pakistan ko mazboot , corruption se paak , independent , taraqiiyaafta , muslim state banaaney ke liye kisey rehnuma chun'na chahye ? mulk ki baad doar kis bandey/bandi ke hatah mein honi chahye ?

kyonke yahan jo roaz parhney ko milta hai uss se to sabit ho hi chuka hai ke musharaf kafir hai aur dozakh mein jaye ga.

nawaz uncle ko do dafa aazmaaya ja chuka hai , aur yeh wuhi nawaz hain, jinhoo
'n ne kashmir ki jeeti baazi haath se janey di thi "ooper" ke orders ke tehat, matlab yeh bhi musharaf ki tarah wuhi kartey hain jo "ooper" se kaha jaye.

bainazeer ko bhi 2 dafa aazmaaya ja chuka hai, aur yeh wuhi khaatoon hain jinhoo'n ne larry king live mein lkaha tha ke unn ke doar mein Dr. Qadeer ne technology transfer ki au unhein iss baat ka ilm hai. yani ke yeh wo khaatoon hain jo sirf musharaf ke khilaaf janey ke liye state secrets poori dunya ko bataney se guraiz nahi kartien.

fir aatey hain qazi uncle .......... unn ki amreeka dushmani sab par wazeh hai , amreeka unhein sakht qisam ka napasand hai aur jis ka wo aaye din izhaar bhi kartey rehtey hain. dharna dena bhi inhein khoob aata hai. magar pata nahi inn ki aolaad amreeka mein kya kar rahi hai aur pakistan mein kyon nahi ? aur yeh bhi sochna chahye ke yeh agar iqtedaar mein aaye to kis tarah ki hakoomat banayein gey ? kya yeh mulk ko aik islami muaashra dein gey ? cause me ne to aaj tak inhein kabhi kisi aisi baat pe bayaan detey nahi suna jo ke muaashrati kharabi ho . kabhi jeli peeroo'n , mulk mein barhti hui fahashai aur uryaaniyyat ke baarey mein kabhi inn ki taraf se aur inn ki party se koi bayaan nahi ? jab bhi suna yahi suna hai ke" aik call pe aik laakh bandey islamaabda ki taraf march karein gey".

imran uncle .............. inn ka abhi kisi ko sahi se pata nahi ke inn ki kya policies hain ? aik dafa aik column parha tha inn kw west aur islam ke baarey mein jo ke bohat zabardast tha aur bohat achhi tarah baat ki thi inhoo'n ne, magar aasaar yahi bataatey hain ke awaam inn pe trust nahi karti ?

altaf uncle ........... to wo to mulk mein aatey hi nahi , wo london baith ke bus telephone kartey rehtey hain aur jaanisaaroo'n se khitaab kartey rehtey hain. waise un ke baarey mein meri maloomaat sirf yahi karachi ke chand logoo'n se suni sunaayi tak mehdood hai. jab me pakistan meint has to punjab mein inn ka inna zikar anhi hoita tha , magar yahan pe karachi ke chand barey boorhoo'n ne jo stories sunaayein hain unn se to yeh koi dehshatgard type cheez lagtey hain , baqi haqeeqat kya hai , yeh Khuda hi behtar janta hai.

aur kon hai inn ke ilaawa mulk mein aisa naam jo ke hakoomat bana ke power mein aa sakey.

musharaf to nakaam ho gaya , kisi na kisi din mara jaye ga jald hi , yeh na ghar ka raha na ghaat ka. shuroo ke 2-3 saal mulk bachaney ke liye kuch achhey kaam kiye they , magar baad mein "opper" waloo'n ko khsuh karney ke liye iss ne apnoo'n ko naraaz kar diya, aur ab apnoo'n ko khush karna chaha to "ooper" waley naraaz ho chukey hain.

yeh bhi hai ke "Momin aik sooraakh se do dafa nahi dasa jata"

ham to do do dafa dang kha chukey hain , ab teesri baar khaney ja rahey hain , cuase ooper waley bhi bibi ko wapas dekhna chahtey hain , nawaz uncle bhi keh chukey hain ke wo musharaf ko jata dekhna chahtey hain bus aur iss ke liye wo bainazeer ke haq mein baithney ko tayyar hain.

pakistan ka future kya hai inn haalaat mein ? kya musharaf ke jaaney ke baad nawaz aur bainazeer mulk ko theek se chala sakein gey ? cause inn ke record to Allah ke fazal se aisa kuch show nahi karta ?

aap ki kya raaye hai iss baarey mein

Meri raa'ye...well...

Pehle to...tumhari is mufassil aur tareekhi beyaan per aik aadh tubsara ho jaaye....

Ho gaya?

To ab aate hain halaat-e-hazira ki teref to...

Hmmm...kiya kehoon....mayoosi gunah hai....subur ka paimana lubraiz...aur ... aur future ka bera ghuruk.....

Yaar...ab khud socho....Nawaz ka daur...aur Raiwand.....Nawaz ka daur...aur ittefaq foundations....Nawaz ka daur...aur import export terrifs....yaani jahan se bhi dekho...dhaandli hi dhaandli. ...baghairti ki koi hud hai...to...mujhe nuzur nahin aa rehi yaar...

Acha...phir...Bibi jee....un ka case hi alag hai...Bhutto ko meri qaum nain mara...jee yeh un ka PTV per beyaan tha...woh aik program tha, jis main unhon bhutto jee ki wafaat ko munaya tha...i mean...phansi ko...aur woh koi do ghunte...yaani humari PM....do ghunte TV per aa ker...aansoo buha buha ker humare mahol ko alooda kerti reheen....is ke ilaawa...unginet scandals...like the princess and Mr. 10 percent...yaani Zardari....phir surry main mehel...ghoron ke stable....blah blah...yeh to...nawaz uncle ko bhi peeche chor geyi hain....yaani...in ki misaal aik aise jonk jaisi hai...jo siref khoon choosna jaanti hai....

Ab deeger afraad.....jaise Qazi sahab...to woh bhi issi thaali ke chutte butte hain...

Ab aur kaun ....

To woh hai Apne Inquilaab bhai jaan.....ab woh kub uth'te hain...khawaab-e-ghuflut se...to woh yaan humari awaam jaanti hai....

Yaan..woh foreign hand....main is per muzeed roshni daalne se aari hoon...

maayoosi gunaah hai , beshak ........... magar ham baar baar ke aazmaye hoo'oo'n ko kyon moqa de rahey hain dobara ke aao jo pehley reh gaya tha wo aa ke le jao.

i envy Ahmadi Nayyad ......... aik gahreeb skool teacher , 20 saal puraani gari , wuhi purana ghar ....... chehrey se kaisi yateemi barasti hai , kis shaan se khara hai amreeka ke saamney , kitni jurrat hai uss mein, aur iss ki sirf yeh waja hai ke jo jo hakoomat aayi uss ne apney liye kaam nahi kiya uss ne Iran ko dekha ke Iran ka fayeda kis mein hai. hamarey haa'n jo banda jab bhi aaya uss ne yahi socha ke 2 lagaye hain to 4 kaise banaaney hain.

log kehtey hain ke yeh mulk Allah ke saharey chal raha hai aur chalta rahey ga. meri nazar mein yeh ghalat concept hai. ke banda bus dua kar de ke mulk ko bacha lena. jab tak insaan tadbeer na karey uss ki dua ka koi faayeda nahi. warna to har koi ghar baith ke sirf dua kar deta ke mujhey khana chahye aur khana hazir ho jata , dua ke saath tadbeer laazmi hai. ham dua kartey hain tadbeer nahi kar rahey.

me ko to aik hi hall nazar aata hai , inqilaab ........... pakistan ki youth ko chahye , parhi likhi , educated youth ko , yani ke students ko chahye ke wo apni aawaz buland karein. aur infiraadi koshishoo'n ko ijtimaayi koshishoo'n mein dhaalein.
pakistan banaaney mein sab se bara haath students ka tha. quaid-e-azm jis jis gey unhoo'n ne sab s epehley students s emulaaqaat kia aur unhein bataya ke pakistan hasil karney ke liye unn ki zaroorat hai. ab bhi yahi chahye ke students ab pakistan ko bachanye ke liye bhi aik saath ho jayein. warna kab tak aur kahan tak yeh mulk itna kuch bardaasht kar sakey ga. aadha to ham ne kho diya , jo baqi bacha hai uss ke peechey parey hain sab.

Goood


Achi tabsara arayee hay...

sub se pehlay tou meiN un lgouN ko iss list se nikaal dooN jo k mulk meiN siyasat aur hukoomat k ahel hi nahiN rahay...

In logouN ko tou bhool jayeiN..

1. Pervaiz Musharraf... (ye koi siasi leader tou haiN nahiN.. iss ki tou mojooda position bhi sawaliya nishan hay... sadar sahab ko inhouN nay nikal diya.. .aur MashAllah senate tak dissolve kerdi.. jo dissolve ho hi nahin sakti , doosre pakistani qanoon k tehat tou in ka boss in ko 12 october 1999 mein fire ker chuka.. so ab ye mehez aik ghasib aur chor aadmi hay aur kuch nahin)

2. Benazir bhutto.... (remember surrey palace, Mr. 100% , leaking out of sensitive intelligence information to India, etc)

3. Nawaz Sharif...... (Remember kargill, import/export tarrif scandle, budget meiN sub kuch mehenga.. furness oil sasta.. kioN k wo in ki fondries mein use hota tha... )

4. Altaf Hussain... (the bloody terrorist... iss ka naam ainda na laina meray samnay :angry6)

5. Imran Khan..... (abhi bacha hay )


.....

ab baat kertay heiN kay kon ahal hay.. .waisay tou aik baat kahooN... iss system k tehat koi achi qayadat aur leadership pakistan ko mayassar a hi nahin sakti... corrupt system se corrupt results hi ayeingay.. ab dekhiye na.. printer kitna bhi acha ho... paper kitna bhi saaf suthra dalaiNgay... agar ander se printing ka mechanism hi kharab hay tou output kia aye ga..

Photoshop khud corrupt ho jaye tou images kaisay sahi banaiNgi

waghaira

Qazi Hussain Ahmed ki shakhsiyat ko chor ker.. Jama'at k kirdar ko dekheiN.. tou Pakisatn ki sari siyasi jama'atouN mein sub se ziada munazzam, parhay likhay... suljhay huway aur nazariyati loug iss waqt jam'aat meiN hi heiN..

Karachi k rehnay walay loug Jama'at-i-Islami k Alkhidmat group ki karkerdagi pichaly 4 saal k shehri hukoomat k dour meiN dekh chukay heiN...

Jama'at k bud tareen dushman bhi Nazim Naimat-ullah khan k khilaf koi corruption sabit nahin ker sakay.. off the record tou buhat sarouN ne mana... k Naimatullah has a clean sheet..

Waisay tou inquilab hi hamari manzil hay.. (q k uss k ilawa koi aur chara nazar nahiN ata)

but agar mojooda halaat aur mojooda setup meiN koi mujhsay kahay k hukoomat saazi kon karay... tou mera intikhab Jama'at hogi... kioN kay yahi wo jama'at hay jis meiN deendar aur dayanat daar loug abhi tak mojoood heiN...

__________________

but ......... who from the jamat will be in power (PM , President) Qazi , or other 2names like him) , i'm pretty sure no one will opt for nazim nematullah to be the next person from the jamat to control this country , right ???

i dunno about the exact top order structure of Jama'at ... but as everything is decided by Shoora or Advisory council... and also if they follow their own rule i.e. don't give power and position to the desirious..

one can foresee that the person will be the better than any other we now have in our inventory... :

well... this is all theory.. Jam'at is not gonna get into power at this level... reason is obvious i.e. Jama'at has the largest vote bank in country... but unfortunate for them .. it is all scattered across whole country... to win the elections.. you need concentrated vote bank... + US would never want this party to come into power..


US.. has truly invaded pakistan... and intruded at the level no one could have ever imagined... that is why i said k the ultimate solution would be an inquilab.. .that would throw US and its interests.. out of pakistan like Iran's Inquilab did..