Urdu Poetry Forum

**s_k_nawaz** · #**121** 08-07-2007, 07:41 PM

Quote:

Originally Posted by Mian_Imran

Most Important Question

S.K.Nawab Bhai

Aap k Altaf Bhai k pass Money kahan say aati hay???????????????

Me nay to yahi suna hay k wo 1 poor family say belong kerta tha.

Meray Bhai Mian Imran Altaf Hussain k pas bhi Money waheen say aati hay jahan say Nawaz Shareef k pas aai, jahan say Benazir k pas aai, jahan say Qazi Hussain Ahmed and Moulana Fazl-ur-Rehman k pas aai.

ab aap ye soch rahay hongay k in logon k pas itni Money kahan say aai? to bhai ye sochnay ki baat nahi hay sab log jantay hain, haan ye alag baat k log admit nahi kar saktay, kuch mushkil kaam hay na?

**s_k_nawaz** · #**122** 08-07-2007, 07:48 PM

Quote:

Originally Posted by Mian_Imran

For your Kind Info

Shareef loogon ko Hakomat nay bahar bhaja (wo khud nahi giaay)

Baynazeer khud he gai dar k maray

aur aap k Altaf Bhai

ab aap he behter janti hian k wo kuion aur kasay gaiay.

Am sure, Government nay un ko send nahi kia

Itni Aqidat Shareef logon say

Bhai bhaija kahan hay, woh shareef log to itnay shareef thay k seat chhornay ko bhi tayyar nahi thay, kehtay thay k isi kursi par baith kar to main awam ki khidmat kar sakta hoon (or apni bhi

) Chief of Army Staff ka Airplan crash kar k marna bhi chahtay thay shayad. ab jab pakray gaey to jaan bacha kar or QARZ UTARO MULK SANWARO wala paisa lay kar BHAGA hi to hay woh shareef admi.

Benazir ka aap khud bata rahay ho k kaisay gaeen hain.

Altaf Hussain ka mujh say pooch rahay ho..... Jung Group of Newspapers main koi jannay wala ho to puranay Newspapers hasil karlain 1988 k baad k sari batain clear ho jain gi.

or kuch

**s_k_nawaz** · #**123** 08-07-2007, 07:56 PM

Quote:

Originally Posted by Mian_Imran

City Nazim ka Altaf Bhai kahan rehta hay????????????

hian na ghor talab baat??????

Haan Bhai bilkul ghor talab baat hay, isi ghor-o-fikar ki to aap ko dawat di ja rahi hay.

Bhai aap batain gay k aap k Shareef Log, woh log Jin ki nazeer nahi milti (yani Benazir) or baqi k fasadi mulla hazrat un k Nazim hazrat, MNA or MPA hazrat kitnay pani main hain, saray hi ghareeb ghurba hain kia? nahi na mera khayal hay jitna Election Expense in parties ka itna Pakistan ka budget hota hoga.

or jahan tak baat hay Nazim kay Altaf Bhai ki to dunia ko pata hay k woh aik poor family ka member hay, phir uskay pas itna paisa kaisay aaya? main agar kabhi is baat ko realize karna ho to MQM k kisi jalsay ki karwai daikh lijiye ga tassub ki patti aankhon say utar kar.

Jab awam Altaf hussain ki awaz sunti hay to Awam ka kia behaviour hota hay? note kijiye ga.

Jab Altaf Hussain kuch kehta hay to uspar Awam ka kia response hota hay, ye bhi note kijiye ga. shayad aap ki samajh main aajaey k Nazim ka Altaf hussain kahan rehta hay or kaisay rehta hay.

Karain gay na ghor?????????????

**junkifunki** · #**124** 08-07-2007, 08:00 PM

haan issay kis ko inkaar hay k nawaz sharif or baynazir chor or lutayray hayn...
magar in mein say koi Altaf jaisia khooni bhairiya nahi hay....kabhi Qaid-e-Tehreek, Kabhi Altaf Bhai or Kabhi peer sahab ban kar natak rachata hay.....ab 94 wala time tu raha nahi k dehshahtgardi karayn qaid-e-tehreek or raag alapa jaay k agencies kar rahi hayn...ab tu bhai aik tiny say mobile cameray say poori video ban jaati hay.....khooni bhairiyon nay 12 MAy ko jo khooni natak karachi mein khaila ussay poori dunya nay live dekha hay.....haan yeh mana jaa sakta hay k 12 May ko agencies nay bhi bharpoor saath diya mutahida ka dehshat gardi mein....yeh wahi darinda hay jisnay Qaid-e-Azam ka mazaar per Pakistan ka flag jalaya tha...yeh wahi khooni hay jiski video aaj bhi youtube per maujood hay jis mein yeh india say maafi mang kar keh raha hay k taqseem-e-hind aik bohot bari ghalti thi.......

**s_k_nawaz** · #**125** 08-07-2007, 08:04 PM

Quote:

Originally Posted by Aas

Mere bhai AAS bohot afsos hooa k aap ki nazar kamzor hay ummed hay kay aqal kamzor nahi hogi.

Agar yehi baat maine aap ko kehi hoti to?.......Zara soch samajh ker ilfaz ka chunaao kerain...

Khair...aap aik kaam kerain...mera reply phir se aik baar perh lain...aap mujhe yeh cheeda cheeda facts suna rehe hain....mugur kis khate main...i have no distinctive clue as against....Jub main khud munda_khi ko aur aap ko bhi apne replies main yeh keh chuka hoon ke,...Pakistan ki baqa aur khushali ke liye filhaal koi bhi democratic party nuzur nahin aayi, ke us nain koi khatir khuwah kaam kiya ho, kissi mushkil ka bera paar kiya ho!!!...aap pata nahin kiyoon MQM ki muqbooliyet le ker aa gaye hain...aur waise bhi aaj kel agar aik baar phir polling ho gi to saaf pata chul jaye ga ke MQM kitne pani main hai...

Mera wohi kehna S_K_Nawaz sahib...reply dekh ker jawab dain.

Shukriya.

Dont get angry, there isn't any personal disliking, its all about the different point of views, beyond this you all are my friends.

**s_k_nawaz** · #**126** 08-07-2007, 08:09 PM

Quote:

Originally Posted by Aik Lamha

Iss ka jawab meiN dooNga

1... aakhir meiN nay Hyderabad meiN MQM k aik mazboot garh meiN parwarish payee.... MQM waloN ko buhat qareeb se dekha... .. aur phir karachi meiN bhi in se achay khasay talluqat heiN... to haqeeqat kuch youN hay hay...

aik sochi samjhi sazish k tehat 12 May ko chief Justice nay baghair Altaf Bhai ki ijazat k Karachi aa ker Karachi meiN wukla se khitaab ka plan banaya... phir aik aur sochi samjhi sazish k tehat kisi nay MQM say ussi din rally nikalnay ka plan banwaya... aur ussi sochi samjhi sazish k tehat Farooq Sattar se akhbar meiN zabardasti bayan dilwaya gaya k Bhai.. ab ma'amla sarkon per hay to sarkoN per to hum hi jeetaiNgay phir MQM ki hukoomat nay bari tameez se Chief Justice se request ki k wo Karachi na ayeiN... laikin chief justice k wukla nay aik sochi samjhi sazish k tehat ye logical baat kehdi k MQM nay ba'ad meiN rally announce ki hay to uss se cancel karayeiN rally.. phir aglay hi din issi sochi samjhi sazish k tehat kisi nadeeda haath nay Sindh hukoomat se MQM ki rallly disapprove karanay k bajaye Approve kara di...

aur issi din ussi nadeeda haath nay sochi samjhi sazish k tehat Munir Malik k ghar per firing kerwai.. jo ittifaq se Chief Justice k wukla meiN se thay ... phir 11 May ko aik aur sochi samjhi sazish k tehat kisi nay Karachi meiN muttahida k masoom ohdey daroN se 144 lagwa ker Chief Justice k istaqbal k liye lagay huway camps ukherwa diye...
phir Farooq sattar ka bayan bhi aya 11 may ko jo k yaqeenan kisi nay zabardasti dilwaya hoga k 12 may ko tasadum ka khatra hay..

pooray karachi se kisi nay sochi samjhi sazish k tehat MQM aur haleefoN k ilawa sari jama'atoN k 1500+ karkunaan giraftar kerliye...
11 May ki raat ko hi aik sochi samjhi sazish k tehat Karachi ki sari ahem sarkeiN containers rakh ker block ker di gayeeN... airport anay aur janay walay rastoN ko block kerdiya gaya.. aur aik aur souchi samjhi sazish k tehat ye sub Muttahida k ohdey daroN se kerwaya gaya takay Muttahida jaisi nunni munni masoom farishta sift jama'at budnaam ho jaye... phir establishment nay mutahida k ma'soom karkunoN k haath pakray.. aur unko Highcourt lay ja ker chor diya.. jahaN un bachoN nay thora khail kood kerliya... shararateiN keeN.. jinko aik sochi samjhi sazish k tehat highcourt per hamlay ka naam diya gaya.. phir kisi nay un channels per hamla bhi kerwa diya MQM waloN se jo apnay piyaray Altaf Bhai ki taqreer nashr nahiN ker rahay thay...

12 May ko kuch khufiya hathoN nay MQM k ilaqoN meiN, MQM k jhanday lay ker... hathoN meiN bandooqeiN leeeN.. aur sochi samjhi sazish k tehat hangama kiya.. wo sub aap k samnay hey...

yahaN hi baat khatum nahiN hoti... jis waqt karachi meiN ye sub horaha tha.. kisi nay sochi samjhi sazish k tehat Mush payen ki taqreer meiN ye jumla likh diya k Karachi meiN aaj awam nay apni taqat ka muzahira kiya ....jis ko hamaray bholay sadar nay bola bhi.. aur apni durgat banwai...

pehlay kisi sochi samjhi sazish k tehat Shaukat Aziz se kisi nay barhkiyaaN marwayeeN k 12 May k waqeyaat ki tehqeeqat hoNgi... laikin ba'ad meiN MQM k Ally sindh government k chief se bhi kisi nay kehelwa diya k koi tehqeeqat nahiN hoNgi...

Aik aur sochi samjhi sazish k tehat MQM se kisi nay press release jari kerwai k MQM k 10 12 karkunaan bhi iss meiN maray gaye heiN.. laikin phir sochi samjhi sazish k tehat ye ta'adad sukertay sukertay 1 karkun tak reh gai.. aur aakhir kaar wo bhi MQM ka karkun sabit nahiN hosaka..

to janab ye hay... ye sub kuch aik sochi samjhi sazish k tehat horaha hay..

MQM walay to bilkul shareef, seedhay saday, hamdard, parhay likhay, ba kirdar, ba murawwat aur ba ikhlaaq heiN... wo to baycharay kabhi chiriya tak nahiN maartay..

issliye jo kuch bhi huwa, horaha hay ya hoga.. wo sub kuch establishment ki sochi samjhi sazish k tehat hoga.... bud qismati se ye baat Farooq Sattar nay aik TV program meiN kahi to maizbaan nay pooch liya k bhai aap hukooomat meiN heiN, fauj se aap ki bari dosti hay... phir ye konsi establishment hay jis k khilaf aap boltay rehtay heiN? to Farooq sattar payen muskuranay lagay...kioN k kisi sochi samjhi sazish k tehat unko is sawal ka jawab bataya hi nahiN gaya tha

Good Story!
and Good Analysis!

Main nay bhi mulk kay mukhtalif hisson main is tarha ki kai kahaniyan daikhi hain.
Keep it up aap Insha Allah bohot tarrqi karain gay Story Writing main.

**s_k_nawaz** · #**127** 08-07-2007, 08:17 PM

Quote:

Originally Posted by Aas

Waqayi....aap ke is soche samjhe quote nain...us sochi samjhi sazish ke kuch ehem pehlu atish fashaan kiye...

Hairet hai....ab bhi awaam ki sui waheen atki huwi hai...agar is ko perhne ke ba'd bhi waheen atki rehi to...

To kiya...humara musale yehi to hai...a mind set...which is set.

Thank you for your critical view.

Adios.

Jee Haan Is Soch Samajh ka to Masla hi yahi hay k kuch log baar baar bolay janay walay jhoot par bhi bharosa nahi kartay or baaz log..............

baaz log har season main apna leader change kartay hain, kabhi A League, kabhi B League, to Q kabhi N.

yaar ham sab Pakistani hain, hain na?????????? phir ham sirf Karachi ki fikar main kyoon maray ja rahay hain? hamain to pooray Pakistan ki fikar karni chahiye, hay na?
MQM ka kia sirf Karachi main hi seats lay gi na (jaisa k aap kehtay hain) to fikar to us party ki karain jo pooray mulk main seats lay sakti hay, Paisay say, Dhandli say, Dehshat gardi kar k ya Mulk ki bholi bhali awam ko Islam k naam par bewaqoof bana kar. Magar kia karain k MIND SET IS THE MINDSET WHICH IS SET................. .....

PHIR AAINGAY OR KARAINGAY MULK KA KABARA!

**s_k_nawaz** · #**128** 08-07-2007, 08:22 PM

Quote:

Originally Posted by Aik Lamha

kisi nay khud ko witness kaha.. kisi k liye... to ayeiN hum bhi apni witnesseiN batatay heiN... mujhay iss se koi gharz nahiN k jamiyat kaisi hay... agar jamiyat dehshat gard hay to is sse MQM k dehshat gard honay ki saNgeeni kam nahiN hoti... AyeiN.. me aap ko MQM ki wo herkataiN batata hooN.. jo meiN nay Latifabad meiN un k markaz k qareeb rehtay huway dekheeN...

aap chahaiN to yaqeen na kijiye ga..

me naam looNga sub k ... aap chahaiN to confirm karwa lijiye ga ye saray waqeyaat...

Latifabad Number 8, Jama'a cloth Market k samnay wali gali MQM ka garh kehlati thi... 1988 se shuru kertay heiN.. ye uss waqt ki baat hay .. jab hum 9 saal k thay... hum ko halaat ka pata nahin tha.. muhallay k saray larkay MQM ka hissa thay.. kisi na kisi hud tak... hamaray ghar bhi atay jatay rehtay thay... balkay hamaray ghar ka sehan buhat kushada tha to MQM ki weekly meetings wahiN hoti theeN.. hum meiN surtabi kernay ki himmat thi na isski ijazat... buss jab tak meeting hoti thi.. hamara apna adha ghar ham se cheen liya jata tha

hum bhi bachpanay meiN khush hotay thay. k chalo qoum k kisi kaam to aye..

Muhallay k sarkarda karkunaan meiN ... Nadeem Umer, Sohail Mushadi(MNA raha hay), Kanwar Naveed ( jo zara door rehta tha), Faisal Mushadi, Arif choozi, Waseem khoti.. Nauman , Adnan...etc etc thay ..

1988 se 1990 tak Sindhi Muhajir fasadaat urooj per thay.. Latifabad MahajiroN ka area tha.. laikin wahaN uss waqt tak sindhi bhi rehtay thay... Muttahida nay 1989-1990 k dawran un tamam sindhioN ko jo uss waqt tak wahaN se nahiN gaye thay... apnay hamloN ka nishana banaya aur kayee sindhioN ko maar dala.. aik operation batata hoN jis meiN Nadeem Umer, aur Faisal mushadi bhi shamil thay.. unhoN nay aik sindhi ghar per hamla kiya.. maaN baaap , 2 bachouN ko maar dala... aik baita bhag gaya.. aur aik beiti aur kaam kernay wali kisi tarhaaN bach gai... wo bachi jo bach gai.. wo meri choti behen ki class fellow thi.. class 2 meiN thi... phir zahir hay ussko uss k rishtay daar lay gaye... uss larki se salouN ba'ad meri behen ki mulaqat huwi to uss nay nafrat se dhutkaar diya.. uss waqt tak to uss ka gumshuda bhai hunoooz gumshuda hi tha..

Jama' cloth market se bhatta laina Arif choozi ki zimmaydari tha.. jo buhat hardcore karkun nai t ha.. haaN na'aray laganay aur jhanday laganay meiN agay agay... agar koi dukandar bhatta denay meiN chooN chura kerta to Arif payen uss ka case Nadeem Umer payen ko forward ker deitay...

Nadeem Umer aur Faisal Mushhadi bachpan k dost thay aur saray dakay shakay aik saath hi mara kertay thay...phir suna k kisi dakaiti meiN Faisal Mushhadi nay tanzeem ka hissa nahiN diya... .. Nadeem Umer ko ooper se ahkamaat mil gaye k Faisal payen ko saza di jaye.. Nadeem payen nay Faisal Mushhadi payen ko Sidduque Plaza k aik Sindhi doctor k clinic banaaam Niaz clinic me ja ker goli maar di.. aur ilzaam Niaz payen per laga diya.. Niaz payen.. bari mushkil se bhagay..

Iss waqaye k ba'ad Nadeem Umer meiN tanzeem se baghawat ka ahsas jaga... wo ghantoN konoN me baith ker routa rehta... phir aakhir uss nay ye raz fash ker hi diya.. jis ki saza usay kuch iss tarhaaN mili k uss epr qatilana hamlay shuru hogaye... wo jahaN jata usski mukhbari ho jati... phir aakhir kaar uss nay 1992 k ba'ad bannay wali tanzeem Haqeeqi meiN shamooliyat ikhtiyar kerli... ab wo ilaqa Haqeeqi ka garh samjha jata hay.. .Jama'a cloth wlaay double mushkil meiN haiN k ab unko 2 bhattay deinay aprtay heiN.. Nadeem payen ko alag.. Muttahida ko alag..

Hyderabad aik chota shehar hay.. jahaN communities buhat strong heiN.. karachi ki tarhaaN loug aik doosray say la talluq nahiN hotay.. issi liye her Hyderabad wala kisi na kisi tarhaaN doosray ko janta hay.. is liye Hyderabad meiN rehnay walouN se wo bateiN nahiN ch up sakteeeN jin se karachi meiN rehnay aur palnay barhnay walay na ashna hotay heiN... MQM ka jo kirdar meray samnay raha hay.. uss k ba'ad sawal hi paida nahiN hota k meiN iss dehshat gard jama'at ko siyasi jama'at manooN

meiN to jahil hooN... aap Hyderabad k kisi bhi parhay likhay Muhajir nawjawan se uss k khyalaat ma'aloom kerlijiye...

HMMMM.... ISKA MATLAB HAY HAMARAY MULK MAIN BOHOT TALENT HAY, KOUN KEHTA HAY KAHANI OR AFSANA NIGAR IS DOUR MAIN NAHI

**s_k_nawaz** · #**129** 08-07-2007, 08:28 PM

Quote:

Originally Posted by Mian_Imran

JAWAB aata hay ya Goli aati hay, ab to yeh bad main fata chalay gay

Bhai Karachi to mashhoor hi ghareeb-parwar shehar k naam say hay. Lakhon log dosray sooboon saay aakar yahan apni rozi roti kama rahay hain, agar aap ko lagta hay k idhar goli milti hay to phir itnaaay bohoooot saray log kaisay yahan zindagi guzar rhay hain, hmm ??????

Urdu Poetry Forum

~* Muthida Qaumi Moment *~

**~* Muthida Qaumi Moment *~**