Urdu Poetry Forum

__________________
We are all going to go.The big question we still have to ask is not where we are going but what we are doing here in the first place.

sher afghan nay jo dawa kiya tha woh pura huva aur maulana samiul haq jhotay sabit huay.

Asalam-o-Alaikum

aap ka intakhab boht acha hai, lekin aap ke muntakhib kerda columns mai jo qadar mushtarik nazar aati hai woh hai ke aap ne MMA ko focus kya hua hai, bilashuba mulki siyasat mai jo kuch MMA ne kya or ker rahe hain, us ka gehra asar hai....
lekin yahan hakoomati jama'aton ki siyasat ka kaheen tazkara ku nahi, yaani musharaf sahib ki "A" team ka....
janab mai tou yeh samjhta hoon ke MMA ki janib se jis qisam ki siyasat kheli gayi, chahay us ke zimmedar Fazlurrehman hon ya koi bhi, us ke baad in ka vote bank boht mutasir ho ga.
mujhe is baat ka bhi yaqeen hai ke jis terhaan NA-250 ke zimni election mai Polling stations sunsaan ho ker bhi 30% vote cast ho gaye, next election mai log aytamad na honay ki wajah se boht kam vote cast karain gay, or hasil woh hi ho ga jo mojooda hukmaran tabqay ki khuwahish hai...
yeh yaqinan wese hi election hon gay jese india kashmir mai karata hai....

__________________

Mukhshif bhai apnay shayad is thread kay topic par ghaur nahin kiya. Ab Musharraf sahib ya unki hukumat main shamil jamatain khud apni hukumat kay khilaf awam ko sarkon par tu lanay say rahay. Agar hukumat kuch ghalat kar rahi hai tu uskay khilaf awam ko muthahrik karnay ki zimmadari hizb-e-ikhtalaf par hi ayad hoti hai. mainay is thread main sirf MMA ka hi nahin balkah peoples party ki harkatoon ki bhi nisandahi ki hai. is thread ki sab say pahli posting misal kay taur par hazir hai. waisay jab MMA major opposition hai tu uska zikr bhi ziyada hoga.
mujhay nahin lagta kay yahan masla yeh hai kay election shaffaf hongay ya nahin balkay masla yeh hai kay logon ko kisi fareeq par eitamad nahin hai. agar hum yaad karain tu election main jab baimani ka ilzam 1977 main laga tha tu awam nay un elections kay khilaf aik bohat bari tahreek chala kar hukumat tabdeel kara di thi. ab jab nasirf election balkay bohat say logon kay hisab say muluk aur deen sab dao par laga hai tu phir aisa kiyon nahin horaha, masla yeh hai.

1977 or aaj bara ferq ye hai ke us waqt fouj ne hakoomat sanbhal li thi, aaj jo kuch ho raha hai 1977 se shayad ziyada hi ho, lekin masla yeh hai ke woh danda jo awaami aytajaaj per buland hua tha ussi power ke hath mai iqtadar hai... ab aysa kuch hona mumin bhi nahi....