Urdu Poetry Forum

nasirnoman · #1 05-28-2008, 11:22 AM

Assalam-o-Alikum doston,

hum apki forum main new hain or pehli post apkey samney hazir hai,
ye hai to ek nazuk mozoo mager bohat eham mozoo hai barah-e-karam ap log sirif ek dafa is post ka aakhir tak zaror perhiey ga.

Nasir Noman

Ye to aap bhi jantey hain key Hazrat Adam Alhey Assalam sey jo silsila bani Adam ka shoro hua To us waqat to koi mazhab na tha phir aaj itney sarey mazahib jo baney wo kesey baney ?

Koi to waja hogi mazahib ki bunyad perney ki,kio key sab humarey hi jesey log they jo humari tarha khatey they peetey they or sochtey they or Allah ko bhi mantey they, koi na koi to waja hogi?
kabhi ap ney socha key kia waja thi logon key gumrahi ki ?

Buut paraston key Mazhab key liyain kahtey hain key ek basti main Allah key ek Naik Bandey rehty they,jab un ki wafaat hoi to basti waley bohat udas hogaey key ye Buzrug ab humarey darmian nahi rahain gey,to Shaitan(devil)basti walon key pass aaya or kaha key tum kion udas hotey ho main ek tareeqa batata hon jis sey tumarey Buzrug humesha tumhari nazaron key samney rahey gey,phir shaitan ney unhain Buut banana seekhaya or Buut ki shakal un buzrug sey milti julti kerdi,basti walon key liyain ek anokhi bat thi or un ka ghum halka hogaya unhon ney wo buut basti main ek jaga laga dia or phir aatey jatey us buut ko ehtaram sey dekhtey they,un key bachon ney dekha key humarey buzrug kesey is buut ka ehtaram kerty hain phir wo jab barey hoey to unhon ney us buut ka ziada ehtaram kia(Kio key un key baron ney aney bachon ko is ehtaram ki tafseel nahi samjhai)bas un key bachey ziada ehtaram kerty gaey or do teen nasalain guzar gain or kisi ney wazahat nahi ki buut key ehtaram ki her nasal apni pichli nasal sey ziada mohabbat kerti gai ot ek waqat aaya key wo log Allah ko bhool ker sab kuch us buut ko man chukey they.
(Tafseel lambi hai mager kam-o-besh issi tarha hi hai )

Christen Mazhab ki bunyad bhi isi tarha milti julti hai waqat key sath Hazrat Essa (Alehey Assalam) key manney walon ney apni aaney wali naslon ko Hazrat Essa(Alehey Assalam)key ehkamaat ki sahi sey wazahat nahi ki,waqat guzurta raha new generation aati gai or bible (Anjeel)main tabdeelian aati gai ek waqat aaya key log Hazrat Essa(Alehey Assalam)ki taleemat bhooltey gaey or apney rastey khud sey banatey gaey or Mushrik hogaey,
Christen kia Hindu kia koi bhi kabhi bhi apney ap ko na kal ghalat samjhtey they or na aaj ghalat samjhtey hain,sab ye hi kehtey hain hum hi theek hain,mager Allah Taala ney Hazoor(Sallah-o-Alihey Wasallam)key zariey Quraan pak mian sari insaniat ko sahi or ghalat rastey ka batadia uskey bawajood jis ney nahi manna tha wo na kal mana or na aaj mana or na kabhi maney ga.

Bohat dehan sey sohiey ga key shaitan ka tareeqa-e-wardat kia hai wo kabhi bhi aaker ye nahi kahta key buuton ko Khuda mano ya Hazrat Essa(Alehey Assalam) ko Allah ka Beta mano(Maaz Allah)wo sirif itna kerta hai key muqaddas logon key ehtaram main izafa kerwata hai or phir tamasha dekhta hai,ek nasal jati hai dosri nasal aajati hai wo is ehtaram main izafa ker deti hai or kisi ko pata bhi nahi chalta key hum apney sirat-e-mustaqeem sey hat�tey ja rahey hain.kio key ager koi mana kerta hai key muqdas logon ki had sey ziada taazeem na karo to awwal to koi suntan hi nahi balkey wo us key dushman ban jatey hain key ye humarey muqadas logon ki shan mian gustakhi ker rhey hain ya ye log muqadas logon ko nahi mantey?

Aap yaqinan samjh rahey hongey jo hum samjhana chah rahey hain.

Is ki beshumar missal hain ab jesey aksar log kehtey hain key �hum Allah key Hazoor Buzurgan-e-Deen ka waseela pesh kertey hain or Burugana-e-Deen sey nahi mangttey hain�

Mager Aziz doston hum apko batatey hain key ek waqat main sab ye hi kehtey they mager aaj ap �Ya Rasool Allah Madad� �Ya Ghos Pak Madad�key alfaz apney aas pas sun saktey hain,(sirif ye baat zehan main rakhiey ga aagey maqsad batain gey)

1985 main bhi Eid Milad un Nabi(Sallah-o-alihey Wassalam)manaya jata tha mager ap aaj logon ka �Main so jaon ya Mustafa kehtey kehtey �khuley aankh Salley Alla kahtey kehty�ki awaz per or new jazbey or walwaley key sath Eid Milad un Nabi(Sallah-o-alihey Wassalam)ka jashan manatey aaj is nasal ko dekh saktey hain.

ye mohabbat aaj sey 20 saal pehley kion nahi thi?

aaj Nabi-e-Pak(Sallah-o-Alihey Wassalam)key aashiq pichley zamano sey ziada hain?ager waqai ye Hazoor Sallaho Alihey Wassalam key sachey Ashiq hotey to aaj ka Musalman itna pershan nahi hota.

Kia ye nasalon ki zehan ki tabdeeli to nahi ?dehan sey sochain

Bachon key zehan ek sadey kaghaz ki tarha hotey hain jo bachpan ka perha hua sabaq kabhi nahi bhooltey or wo hi in bachon ki shakhsiat ki bunyad hoti hai phir aagey chal key us bunyad per hi un ki zindagi ki emaarat khhari hoti hai or bachan ki seekhi hoi batain zindagi ka hissa ban jati hain jo kabhi nahi badalti,

1985 main jin bachon ki age 10 saal thi or unhon ney jis sadgi sey Eid Milad un Nabi(Sallah-o-alihey Wassalam)key jalsey jaloos dekhey or aaj apni 30 saal ki age main jo unhon ney Eid Milad un Nabi(Sallah-o-alihey Wassalam) ki taraqqian ki (Kio key un bachon key masoom zehan ney apney baron ki jo aqeedat dekhi or jo kuch seekha wo agey chal ker yaha tak ponchi jo ap log aaj kal apney aas paas dekh saktey hain)

to ye shochain key jin bachon ki age aaj 10 saal hai or wo aaj jo Hazoor Sallaho Alihey Wassalam key sath apney baraon ki jo aqeedat aaj dekh rahy hain to issi taraqqi ki rafter sey ye bachhey aaney waley 20 saal bad kitni taraqqi ki manazil per pohanch chukey hongey?

or phir wo sab kuchh dekh ker un bachon ki aaney wali nasal wo sab dekh key kia hasil kerey gi?
Issi tarha jo ooper hum ney likh tha �Ya Rasool Alllah Madad� or �Ya Ghos Pak Madad� key lafaz ye chhotey masoom bachey jo suntey hain in bachon ko to nahi pata key Ulama-e-Kiram in jumloon ki kia wazahat pesh kertey hain?
Bachhon key zehnoo main ye jumley sun ker kia baat beth sakti hai ager ye ap log apney thundey dil-o-dimagh sey sochain gey to umeed hain ap samjh jain gey jo hum samjhana chah rahy hain.
Bachon ko wazahat or aqaid ki hadood batana bohat zaroori hai jessa hum ney pichhli qomoo ka zikar kia hai key unhon ney apni naslon ko apney Muqaddas logon key ehtaram ki wazahat nahi ki.

Aap ye sab baton ko ye mat sochiey ga key ye khayalon ki batain hain,ap ek seedhi deewar banana chahain to yaqinan her step per aap us deewar ki seedhey rehney key liayin dehan dain gey mager aap jab bohat maamooli faraq key sath ek step main faraq ker detey hain to yaqinan us waqat to wo maamooli faraq mehsoos nahi hoga mager yaad rakhiey wo maamooli faraq bhi 10 ya 20 step key bad us deewar ko teraha honey ka faraq pata chalna shoro hojaey ga.or wo hi maamooli maamooli faraq issi tarha ager kertey gaey to yaqinan ek waqat sirat-e-mustaqeem badal jaey ga.

Umeed hai tamam log humari batain samjh gaey hongey.

Hum ye nahi kehtey key khudana khuasta koi aaj shirk ker raha hai.

Aaj to ap logon key pas aqeedat key bohat sey jawaz hain,
Mager shayad apki naslon key pas is sey ziada koi jawaz na ho key humarey baap dada ye hi kertey aaaey hain,(Jessa key deegar mazahib waley jawaz pesh kertey hain)

maqsad kisi firqey per tanqeed nahi hai or na hi koi bhai in bataon ko ikhtalafi batain sochey, is main sachai dhhoondey, tareekh ap key samney khuli kitab ki tarha hai.Hum to ap ko taareekh key wo pages dekhana chahtey hain key kis tarha mukhtalif qoomain gumrah hoi ?

Apka kisi bhi firqey key Imam ko follow krain mager shaitan key is hathyar ko na bhooliey .

or ye sochain key wo konsi wajoohat thi jin sey mukhtalif mazahib wajood mian aaey?Kio key wo bhi humari tarha hi Insan they,or kahin na kahin sey to gumrahi ki bunyadain qaaim hoi hongi?

Yad rakkhiey Shaitan ney aqayamat tak insaniat ko gumrah kerney ka eyhed kia hua hai, shaitan pichhli qomoo ko gumrah kerney key baad khamosh hoker nahi betha hua hai.

hum apni Naslon ko wo taleem dain jo humarey Nabi-e-Pak(Sallah-o-Alihey Wassalam)ney dain hain,or kam sey kam hum un baton ka khayal rakhian key sahi maayno main Nabi-e-Pak (Sallah-o-Alihey Wassalam) or Buzurgan-e-Deen ki mohabbat or ehtaram utna hi karain jitna Allah ka Hukum hai.or apni naslon ko wazahat sey seekhain.

Allah Taala humain Amal ki tufeeq ata farmaey or humain sahi maayno mian Hazoor(Sallah-o-alihey Wassalam) key Ehkamat ko samjhney main humari madad farmaey.Ameen

Or A Allah ager hum sey likhney mian or samjhney mian koi Khata hoi ho to humain maaf farmaey. Ameen

Ek aakhiri derkhuasat key sath Ijazat key apney zehan sey bilkul firqey ka naqab utar ker bohat dehan sey sochiey ga or apney zameer ko gawah bana ker aaj nahi ek week baad ya ek month baad ya ek saal baad ap humari batain zaroor sochiey ga.

Hosakta hai apko humari baton main kabhi na kabhi kuchh sachai nazar aajey
Or humara maqsad is topic per behas kerna nahi plssssssss jawabat nahi dijiey ga sirif sochiey ga,

Duaon ka talabgar

Nasir Noman

ash* · #2 05-29-2008, 10:20 PM

Aslamoalikum,

please aap post pore parhein.Plz dont mind.

Aap ko Sharam aane chaheye k aap Nabiyoon ko apne jaisa samjte hein.Or un ko apne bari bhai ka sa rutba dayte hein!!!
Jo Allah Azawajal ne un ko maqaam diya hai wo kisi or ka na tha,na hai or na kabi ho ga!

Butoon or kafiroon per nazil hone wali Ayaat ko Allah kay Nabiyoon,Walioon per lagana gunah hai.Hazarat Omer Farooq(RadiAllah Anhu) kay farzand nay Farmaya hai k dunya mein sab say bore log wo hein Jo Allah Ta'ala ki Nazil shuda Aayat Musalmanoon per lga dayte hein"

Or Milaad Shareef karne mein bhe aap ko itiraaz hai.Aap yahan say aandaza lagae.Kay Huzoor Pak kay chacha Muslim nahi the.Magar Jab Huzoor Pak(sallalahu Aalehe wassalam) ki wiladad ki khaber sunni to aik dam Shahadet ki ongle(figer) othae,monday kay din.Quraan Majeed mein zikr hai k monday k roz us finger say pani nikalta or wo apne piyaas bhojate hein.Jab Allah Ta'ala aik non Muslim kay azaab mein kami kar sakta hai,wo bhe is leye k is nay to Meray Mehboob ki aane ki Khoshi ki thi.
To jo Muslims un ki khoshi mein mehfils decorate karte un ki bakhshis ka kya nahi ho ge!!!!!
Ab aap ye bhe kahte hein Kay in say Mangna nahi chaheye.Hamara aqeeda ye hai k In sab ko Allah Ta'ala ki taraf say Taqat de ge hai to ye Allah kay Huqam say dete hein.Allah Ta'ala ki marze wo jise chahe aata karta hai jis say chahe cheen lay ta hai.Quraan majeed mein hai Agar ye log apne jaano per zulm karein,Or Aay Mehboob tumhare Bargha per ja kar ma;afi manje,to Ham tooba Qabool karne walay hein.

Huzoor Pak(sallalahu Aalehe wassalam) kay Wisaal kay ba'ad aik badho Hazarat Ali(RadiAllah) anhu ki khidmat mein hazir howa or kaha Rasool Allah (sallalahu Aalehe wassalam) kidhar hein,Farmaya wo to is dunya say ja chokay hein.Wo Aadmi rona shoro ho gia.Hazarat Ali(RadiAllah Anhu) nay farnaya kiya hova?wo kahne lga k mein nay ye Aayat Mubarka(Agar ye log apne jaano per zulm karein,Or Aay Mehboob tumhare Bargha per ja kar ma'afi mange,to Ham tooba Qabool karne walay hein) to yahan aya.Aap say pta chala k Huzoor(sallalahu Aalehe wassalm) ka to wisaal ho chuka hai.Hazrat Ali(RadiAllah Anhu) ne Farmaya rota kyo hai?Aare wo Huzoor ki kaber hai ja Ja kar ma'afi maang.
Ab aap ko Ya kahne per bhe Itiraaz hai.Ya ka matlab hai"Ay" yani ham direct mokhateeb kar rahe hein to ye aap k samne shirk hai.
Acha aap ye bataein Namaaz to parhate hoon gay naa!Agar parhate hein to aap khod din mein 5times shirk kar rahe hein.Wo kaise?
Namaz mein surat "Aatahyaat" parhate hein,us mein ham kahte hein" Asalamoalikum Aiyu han Nabiyooo",Aay Nabi Aap per Salam hoo!!! drect mokhatib ho gia k nahi"Ya" ka mtlab bhi "Aey"or "Aiyu han" Nabi ka bhi mtlaab "Aay".

Aakhir mein ye batoon kay Qiyammat k din ham Huzoor kay paas madad ko bagein gay.Or Allah us rooz Sirf Apne Mehboob ki sunay ga.Kiyaa ham Hashar kay maidaan mein wo bhe Rab kay nazdeeq Shirk kar rah hon gae?

Parhe ge Qiyaamat mein jab nafse nafse,Sadaa dain gay Wo "umati umati" ki
To us dam Shafey-eOmam nay tmhain jo diyaa na Sahara to phir kya karo gae

nasirnoman · #3 05-30-2008, 09:00 AM

Assalam-o-ALikum,
apkey jawabat perhaey humari ye post ek or forummain chal rahi hai waha bhi ek sahib ney ap sey miltey jultey jawabat diey hain hum ney unko bhi bohat tafseel sey likha hai apko apney jawabat is tafseel main mil jaey gey.

koshish kia karey key jawabat dey ney sey pehley aram sey tahummul sey perh lia kareey or bat ko samjh ker jawab dia kary key kehney wala kia kahna chah raha hai ?

Nasir Noman

Hum ney apni post main likha tha key hum is topic per behas nahi kerna chahtey mage rap ney majboor kia key hum ap ki ghalat fehmi ka jawab dain kio key pehney walon key dilon main bhi ghalat fehmi hojaey gi.
Apko post perhney miankoi shadeed ghalat fehmi hoi hai:
Apka eitraz:

Quote:

Yaar afsos sad afsos ke app logh Kafiron ki Batain Musalmano per Thonsty hoo

Pehli bat to ye hai key apney shayad ye jumala nahi perha:

�Hum ye nahi kehtey key khudana khuasta koi aaj shirk ker raha hai.�

Dosri bat ye key jo mushrikeen hotey hian wo aasman sey utertey hain ?
Ya un key chehrey per ya jisim per koi nishan hota hai key ye pedaishi mushrik hain?
Ya kabhi unki naslian ehley Haq nahi hoti thi ?
Jesey Hazrat Adam Alihhey Assalam sey ley ker Hazrat Nooh Alihey Assalam tak koi mushrik nahi tha.
Phir jab Buut paraston ka mazhab eijad hua to kia wo mushrik honey sey pehley ehley Emaan nahi they?
Apkey Khayal main jab Hazrat Essa Alihey Assalam ney Allah Taala key ehkamat apni ummat key samney pesh kiey or jo log emaan ley aaey apkey khayal main wo ehley Emaan nahi they ?
Ager ehley Emaan they to unki naslian agey ja ker mushrik kesey hoey ?
Phir ehley eman ki naslon ko mushrik kio kaha gaya ?
Baat ye samjh aati hai key ager koi bhi ehley Emaan ager raha-e-Haq ko chhor dey ga to wo kia kehlaey ga ?

To ye to apkey is aitraz ka jawab hua key Ehley Emaan ager Rah-e-Haq chhor dey to wo chahey Nabi-e-Pak Sallaho alihey Wassalam ki ummat main hi kio na ho wo kia kahley ga ?

Ap ney shyad ek Hadees Pak bhi suni hogi key(Allah Kami beshi maaf farmaey) �Hazoor Sallaho Aihey Wassalam ney farmaya key Mujhey is tarha barhana nahi jesa key Nasrani (cherten)ney Hazrat Essa Alihey Assalam ko barahaya�
Kis key liyain Hazoor Sallaho Alihey Wassalam ney ye farmaya hai ?

Hum ney ye bhi likha tha key Shaitan ney qayamat tak Insaniat ko gumrah kerney ka ahead kia hua hai to kia shaitan pichhli qomo ko gumrah kerkey aram sey to nahi betha?
Or ager nahi betha hua to wo kafiron per to nahi mehnat karraha gumarah kerney ki?
Shaitan to gumraha unhi ko karta hai jo ehley Emaan hotey hain?
Sochiey ga zaroor.

Quote:

aur Hamesha Nabi (sallalahu alaihe wa alihe wassalam) ki bay misl zaat per tanqeed karty ho aur jo Musalman Haq per hain unhain tanqeed ka nishana banatay ho.

Maaz Allah
Apkey samney humari poori post hai ap dobara perhain shayad apko shaded ghalat fehmi hoi hai.

Hum ney issi liyain likha tha ye perhiey:

�kio key ager koi mana kerta hai key muqdas logon ki had sey ziada taazeem na karo to awwal to koi suntan hi nahi balkey wo us key dushman ban jatey hain key ye humarey muqadas logon ki shan mian gustakhi ker rhey hain ya ye log muqadas logon ko nahi mantey?�

Ye humarai nahi balkey Ye ek tareehi bat hai jo apko asani sey tareekh main mil jaey gi key jab kisi ney logon ko had sey ziada taazeem sey roka hai to un per ye hi ilzam lagtey hain.

Alhumdulilah hum bhi Musalman hain or humain bhi Nabi-e-Pak sallaho Alihey Wassalam sey behad mohabbat hai or Nabi-e-Pak Sallaho LAihey Wassalam per jaan lutaney ko her waqat tayar rehtey hain.

Quote:

Chalo kuch humari bhi suno...
App ne kaha Bazurgon ko Waseela banatay hain Alhumdulillah hum Allah ne Ambiya, Aulia aur Naik Logon ko Allah ke Huzoor Waseela banaty hain kyon ki yeh Quran ka Hukm hai...

Dost ager koi Allah key Hazoor kisi Buzrugan-e-Deen ka waseela pesh karain to is sey kisi ko aitraz nahi hai,
Hum ney ye bhi likha tha:

�Is ki beshumar missal hain ab jesey aksar log kehtey hain key �hum Allah key Hazoor Buzurgan-e-Deen ka waseela pesh kertey hain or Burugana-e-Deen sey nahi mangttey hain�

Quote:

Dosra aitraaz janab ne kiya hum Ya Rasool Allah (sallalahu alaihe wa alihe wassalam) kyon kehty hein mujhe yeh sab par kar inn Qurani Ayaat and Ahadith ka jawab dain.

Dost shayad ap ney ye post shaded jazbat main perhi hai jab hi
apko sari bat dobara samjhana per rahi hai.or apni likhi hoi post key hi hawaley apko dobara yad dilaney per rahy hain hum is ka jawab ney likha tha:

�Aaj to ap logon key pas aqeedat key bohat sey jawaz hain,
Mager shayad apki naslon key pas is sey ziada koi jawaz na ho key humarey baap dada ye hi kertey aaaey hain,(Jessa key deegar mazahib waley jawaz pesh kertey hain)�

Quote:

Chalo yeh tu tum logon ne mana ke Eid-e-Milad ajj say kafi arsa pehlay bhi manai jati thi but mein tum say pochta hon ajj hum ne kiya nai cheez kar li Eid-e-Milad per ?

Hum ney 1985 sey aaj tak key mukhtasir arsey key darmian jo faraq aaya hai uskka zikar kia hai.
Or hum ye behas nahi ker rhy key Eid Milad un Nabi sallaho alihey Wassalam mana chahiey ya nahi ya kis tarha mana chahiey.

Quote:

Eid-e-Milad tu Hamesha say Alim-e-Islam mein manai jaa rahi hai Hamesha say Jaloos, Naat Khawani ki Mehfilain aur waghaira waghaira hoo rahai hain tu kiya ajj hum ne kuch naya kar liya hai ??? aur mujhe yeh batao ke aghar hum ne ajj kuch naya kiya hai tu bhai app logh 1985 ki tarha Eid-e-Milad kyon nahi manaty ?

Ap mantey hain key kuchh na kuchh tabdilian aai hain?
Ager ap ko aaj sey 30 saal pehley ka waqat yad hai to sochian kia issi tarha jalsey jaloos ya Naat khuani ki mahafil hoti thi ?
Ager apki age kam hai to pls apney baraon sey poochain kia ye bat sahi hai ?

Quote:

tum tu Eid-e-Milad manane walon per Shirk-o-Bidat ka fatwa lagaty ho

Dost ap ney apni post main ek bar phir shaded ghalat fehmi hoi hai,
Pls batain humari post main konsa fatwa hai ya post main kis jaga shirk-o-biddat kaha hai ?
Ap ager thundey dil-o-dimagh sey dobara perhain gey to apko ye jawab miley ga key is post main tareekh key safhaat dekhaey hain key kis tarha shaitan ney insaniat ko gumrah kia ?

Quote:

aur I don't know ke app sab ka Mah-e-Rabi ul Awal ka Month kaisy guzarta hai aur app ne kaha ke aghar hum Huzoor (sallalahu alaihe wa alihe wassalam) ke sachay ashiq hotay tu Musalman itna pareshan nah hota tu mein yeh kahon ga Pareshaniya hamesha Musalmano per atti hain kyon ki Dunya Kafiron ke liye hai aur Akhrat Musalmano ke liye aur Musalmano ko unn ke achay amaal ki jaza Akhrat mein milay gi... tu yeh batao ke kiya Allah ke Nabiyon per Pareshaniyan aur Museebtay nahi aai thi ???????? wah ray aqal tera kiya kehna

Dost ap ek dafa phir samjhney main ghalti ker rhy hain.
Allah Taala apney naik bandon ko jo aazmaish main dalta hai to wo essi hoti hain key jab kisi ney Hazrat Ayub alihey Assalam sey poocha key apko bemari key din kesey lagey ?
Hazrat Ayub Alihey Assalam ney farmaya marei zindagi key yadgar din they,heart sey poocha gaya itni takleef or yadgar din ?Hazrat Ayub Alihey Assalam ney farmaya haan jab Allah Taala poochta tha key �A Ayub tera kia haal hai� to us poochney mainitni lazzat thi jo mian kabhi nahi bhool sakta.
Allah key naik bandey ager kisi takleef ya museebat main bhi aatey hain to yad rakhiey ga key un takleef key dino main bhi ek roohani sakoon hota hai.key Allah ki raza issi main hai. Or takleef key bawajood dunia main bhi izzatain milti hian or halat khua kuchh bhi hoon mager roohani sakoon hota hai.
Kia aaj ka musalman bhi musibaton key bawajood kia izzatain hasil hain ?
Kia roohani sakoon hasil hai ?apney zameer sey sawal karain jawab khud hi mil jaey ga.

Quote:

Ajj say taqreeban 1100 Years pehlay yaa thora sa baad mein Eid-e-Milad ki baqaida Mehfilain start hoi tu ajj tak Musalmano ke bachon ne Nabi (sallalahu alaihe wa alihe wassalam) ki Qabr-e-Anwar ko sajda nahi kiya tu yaar aqal say kaam lo abb say 20 saal baad kaisy karain gai ? aur batao kiya Hum apne Bachon ko yeh kehty hain ke Nabi (sallalahu Alaihe wa Alihe wassalam) ki qabr-e-anwar ko sajda karo ? pata nahi yeh likhty waqt app ki aqal kahan thi.

Ap 1100 saal pehley ko bhool jain ap sirif itna jawab dain kia ap tareekh main aaj sey sirif 25 saal pehley ye sab kuch dekha saktey hain jo aaj hum is 2008 main dekh rahy hain ?kio w odor to hum ney nahi dekha mager ye dor to hum apni ankhon sey dekh rahy hain.

Kia itney hi jaloos or jalsey hua kertey they jitney aaj hotey hian?
Kia itni hi Naat khuani ki Mahafil hoti thi jitni aaj hain ?
Kia 1985 main bhi Nabi-e-Pak Sallaho Alihey Wassalam key jhundey lagey jatey they ?
Kia 1985 mian bhi jaga jaga lunger hua kertey they?

Ager ap ye samjhtey hain key haan kuchh tabdilian aai hain to hum inhi tabdeelion ka zikar ker rahy hain.
Or rahi bat key Hazoor Sallaho Alihey Wassalam ki Qaber-e-Anwer per sajda kerney ki to pehli bat to ye hai key ap kia samjhtey hain shirik sirif issi ko kehtey hain key Allah key siwa kisi dosrey ko sajda kia jaey?
Yad rakhiey key ek Emarat banatey hain to uskey liyain bohat intezamat kerney pertey hain mager Emaraat ko torney key liyain ye sarey intezamat nahi kerney pertey sirif ek chota sa dinamate chahiey hota hai Emarat giraney key liyain.
Emaan ko qaim rakhney key liyain bohat jaddo jehed kerni perti ha imager Emaan ek choti si niyat sey hi kharab hosakta hai.
Hum ney ye behas nahi ker rahy key shirik kia hota hai or kon kar raha hai hum to wo sari nishanian batana chah rahy hain jo tareekh main mojood hain or wo alamat khain hum main na nazar ani shoro hojain.
Jesa key apko bataya tha key shaitan kabhi bhi aaker ye nahi kehta key Buuton ko Khuda mano ya Hazrat Essa alihey assalam ko Allah Ka beta mano(Maaz Allah)
shaitan ye ek hi dafa main aaker kahay ga to Ye chhoti si bat to koi bachha bhi samjh sakta hai key ye shirik-o-kufur hain mager shaitan aahista aahsita hi gumrah kerta hai.
Ager phir bhi yaqin nahi to Tareekh utha ker perhain key kesey qomain gumrah hoi.

Ab bohat dehan sey sari wazahat perhiey ga koshish kijiey ga jazbati na hoon thundey dil-o-dimagh sey perhain jo hum samjhana chah rahy hain.

Allah hum sab ko hidayat ata farmaey Ameen

Nasir Noman

ash* · #4 05-30-2008, 10:43 PM

Aslamoalikum,
aap log is leye shoro mein ye likh dayte hein k "ham debate nahi karna chahate" k koi aap pakar na lay!
or ham pori post perh kay jwab detein hein.Aap ne kaha k aap nahi kahte k koi shirk kar raha hai!lekin apne post ghore say parhein kya aap ne baton baton mein shirk ki taraf Isharaa nahi kya!
Mein ne Jo proof deye hein on ko parh kar to aap apne baat hi say morh gae hein.Yane ab parda daal rahein hein.Aap k pass proof kaha hotein boot shoot lagae rakhte!
Aap logon kay pass Shirf Questions hote,Answers kisi kay nahi hote.

Surat Toba to Parhi ho ge naa!

Agar nahi parhe to paheye ga zaroorus mein ye Ayat Mubaraka bhe talaash ki jeye ga!
"Aur inhein kya bora laga yahi naa kay Allah or Rasool nein Inhein apne fazal say ghani kar diya!
Ab bataye koi jawab hai!

Quran Majeed parheye aap ko ye bhe pata chale ga Kay Nabi nahi balke Nabi ki Qameez Mubarak bhe Shifaa dayte hai!

Sura Yousaf mein hai"Phir jab khoskhabare sunane wala aaya,Is nein(Hazarat Yousaf ki) wo Qameez Hazara Yaqoob kay moun per dali,use waqt un ki Aankein lout aaen(yani Nazar Wapis aa gae).Ise leye to Huzoor Pak(sallalahu Aalehe Wassalam) ne ye Hadees Pak("Mujhe Apne baad Apne Ummat mein Shirk ka dar nahi hai").
Apne wisaal say 2yrs pahle Irshaad farmae the or wo bhe Shohada Kay Mizaroon per jaa kar! take ye bhe pata chal jae k mazaroon per jana bhe jaiz hai!

Isi tarah Surah Aale Imraan mein Irshaad hota hai:"Aur Mein(Hazarat Isa(Aalehe Salaam)) Shifaa dayta hoon madar zad Andhe(blind) ko.or safaid daagh wale ko or mein murday ko zinda karta hoon Allah kay huqam say"
Ab bataye kya Nabi Madad nahi kar sakta.Quraan Majeed say saaf sabit hai kar saktein hein!Ab ye alag baat hai jo bhotoon,kafirom kay bare mein Ayaat nazil hoi hee wohi aap ko nazar aate hein.Har jaga wohi bata kar logon kay zahan kharaab karte!
Baqi Ayats bhe parh liya karein!

Ab bhe koi sawaal ya shak hai to is ka mtlab ye ho ga k aap Ayat Mubarika ko bhe nahi mantee kia!!!!!!

Khod hi kah kar khod hi inkaar kar dayte hein!
Or yaad rakeye ye post meinne jasbat mein nahi parhi!
Apne bap dada ko hamare bap dada say compare maat kyjeye!
Wo log badqismat hein jisay Allah ne Madina jane ki tofeeq to aata farmae hai per Masjide Nabwi mein Namaaz parhana naseeb nahi!Aap ne parha ho ga k Madina Shreef mein Namaaz parhate hove aik banda mar gia!Jo Madina mein Marta use pta hai kahan dafan kiya jata?JanatulBaqi mein!Ab aap mjhe baat bataenkia janatul Baqi mein dafan hone wala Jannat mein nahi jata!Beshak jata hai.
or logon ko baiwaaqoof na banaein k Qabaroon ko sajda kya jata hai.Madine Shreef ki kabi jaamat daikein to mjhe batana k Qabr ko Sajda kya ja raha hai?Ya Qiblaa shareef ki taaraf face hota hai?Sajda sirf Allah ko kya jata hai!!!!!

Aap mein hamare post thande dilsay parheye ga,jazbate hone ki zaroorat nahi hai.Or samajein jo ham samajana chahate hein.
Allah Azawajal Ham sab ko Hidaaya Aata farmae(Aameen).

nasirnoman · #5 05-31-2008, 09:36 AM

Assalam-o-Alikum,

Thundey dil-o-dimagh sey ey perhain or sochian phir jawab dain.
apkey jawabat is main mil jaey gey Insha Allah
urdu main hain apko aasani sey samjh aajey ga.

Nasir Noman

nasirnoman · #6 05-31-2008, 10:00 AM

ek or chhota sa sawal key ap kehtey hain key Nabi-e-Pak Sallaho Alihey Wassalam ka farman hai key Hazoor Saalaho Laihey Wassalam ki ummat shirk nahi kareygi,
hum Hadees to nahi suni mager hum bikul apki is Hadees Pak sey Ikhatalaf nahi kersaktey,
ek sawal ye hai key Shia Hazrat kis ki Ummat hain ?
apkey Ulma-e-Kiram kia farmatey hian Shia Hazrat key mutaaliq ?
plsss jawab zaror dijiey ga

Nasir Noman

Urdu Poetry Forum

Aqeedat ya Gumrahi ?(pla ek dafa aakhir tak zaror perhiey ga)

Aqeedat ya Gumrahi ?(pla ek dafa aakhir tak zaror perhiey ga)

*The Following User Says Thank You to ash For This Useful Post:**
sky_rider (09-15-2008)