Assalam o alaikum

Aaj musalman aor islam jis terha puri duneya mein aik mozu ban chuke hein, tareekh mein pehle shayad aesa nahein huwa. Is surat e haal ka musbat pehlu ye he k chunke duneya islam ko samagne mein, musbat ya manfi kisi bhi andaz mein, dilchaspi le rahi he, is leye ye islam ki terveej k leye nehayat umda moqa he. ye moqa he k ham puri tavanaye k saath islam ka muqaddima duneya k samne peysh karein. Leykin is se pehle hamare samne ye waze hona chaheye k islam ka muqaddima he kia. Issi sawal ka jawab dundane k leye aap ko yahan maduh kia jata he.
Kerna aap ne ye he k mukhtasir tor per islam, jesa k aap is ko samagte hein, ki aik amumi tasveer aik paragraph ki shakal mein yahan peysh karein. Likhte huwe aap ye zehn mein rakhein k aap aaj k dor k aik aese ghyr muslim se mukhatib hein jo mojuda duneya k halaat per aik gehri nazar rakhta he.
zahir baat he k agar aap tafseelaat ko peysh kerne bhet gaye to pir baat bohat lambhi ho jaaye gii, is leye apne aap ko is sawal k daire tak mehdood rakheye k islam baheseyat e majmuhi He kia.

Hadayaat
Yahan aapas mein aik dusare k nazreyaat per comment dene aor behz kerne ki ijazat nahein hogii, is leye barahe mehrbani sirf apni baat ko aache tariqe se beyan ker dejeye. Jahan Jahan muge zarurat mehsoos huwe mein aap se mazeed wazahat k leye sawal bhi kerta rahon ga, leykin ye sawal aik interview ki shakal mein hon ge, aap se behz nahien ki jaaye gii. sawalat kerne ka maqsad sirf ye hoga k aap k nukta e nazar ko waze kerne mein aap ki madad ki jaaye.
wassalam
Inam

__________________
Learner
................