Ham aor hamara mahashara is waqt aik aese dohrahe pe khara hein jahan do mutazaad quwatein us ko do mukhtalif janib khynchne ki koshish ker rahi hein. Aik taraf maghrabi tehzeeb k zeyr e asar pervan cherne wali soch he jo mazhab ko ya to yaksar nazarandaz ker chuki he aor ya pir zeyada se zeyada is ko infiradi zindagi tak mehdood dekhna chahatii he. Ye tabqa mulk aor mohashare ki tarqi k leye mazhab ko aehmeyat dene k leye teyaar nahein. Ye wo quvvat he jo mohashare ko maghrabi tehzeeb mein rakhna chahatii he. Is Soch k piche marghrib ka wo ilam e kalam he jis ki buneyad hi mazhab k inkaar per khari he. Is soch k asraat waqt k saath saath bherte chale ja rahe. Is quvvat k khilaaf ravayeti mazhabi soch he jo aaj apne baqa ki jang ler rahi he. Rawayeti mazhabi soch ki buneyad us ilm e qalam per he jo aaj se kahi so baras pehle murattab huwa. Jo apni asal mein to taghayar aor ijtehaad ki quvvat rakhta he leykin is ki mojuda shakal mein is ki koe gunjahish nahein. Ye he wo surat e haal jis mein aik taraf rawayeti mazhabi nazreyaat per khul k tanqeed ho rahi he aor dusari taraf mazhabi halqa is tanqeed k jawab mein seyasi shor e ghul k siva kuch nahein ker pa raha.
Aaj zarurat is baat ki he k is tabdeeli ki asasaat ko samga jaaye. In asasaat ka idraak keye baghyr jo bhi iqdaam ho ga wo la hasil ho ga.

__________________
Learner
................