 TaFreeQ...! | |
Buhat hi aam se hum thay
buhat hi aam tha rishta
mager kuch khaas tha aisa
ju aksur main samjhti thi
jisay wuh aam kehta tha
wuh mujh per khoob hasta tha
kaha kerta tha wuh mujh se
"jisay tum pyar kehti ho
buhat hi aam jazba hai
ju loog fursut mein jeetay hien
wuhi yeh kaam kertay hien
kisi ka haath thamy wuh
kabhi maznil pe chultay hien
kabhi munzil badultay hien
jisay tum khaas samjhi ho
wuh jana aam hi tao hai
kisi ki surmageen ankhien'
udasi jin pe galib ho
kisi ki khwaab si ankhien
khumaar jin pe tari ho
kabhi raatien nahi kut'tien
kabhi shamien nahi dhultien
ajub si wehshatien hur soo
ajub uljha howa bundhun
wuh poochna bariha mujh se
mujeh hai pyar kyun tum se
yeh sab aam hi hai na
batao !! khaas kub hai yeh ?"
hur ik khaas jazbay ko
buhat hi aam kehta tha
buhat pagal sa lerka tha
ju haayil hijur hai hum mien
tao wuh ub mujh se kehta hai
buhat hi khaas tha rishta
jisay main aam kehta tha..
aur ub main kuch nahi kehti
keh ju rishta humara tha
wuh Jana aam hi tao Tha
|