Urdu Poetry Forum

Bay samar khawahishoon k asar mein rehtay hain
Kuch loug hasratoon k bhanwar mein rehtay hain

Viraan rastoon pay tunhaa shaksta chand kay sung
Tamaam raat aap humaree nazar mein rehtay hain

Kitnay he kathin din guzar jayain pardais mein magar
Dais mein sab acha hai ke khabar mein rehtay hain

Aur loug hain jo ghabra kay soo jatay hain sar e sham
Hum Amawas raat mein bhi aas e sehar mein rehtay hain

Ishq ke manzil rahoon mein urtee dhool hoti hai..
Iss rah kay musafir dhoop kay ghar mein rehtay hain

Kaya samjhain gai dashaat ke musafat ka azaab
Yeah loug jo sada saaya e shajar mein rehtay hain

Basit nay tamaam umar sehra ke khaak chaani hai
Aab tu bhool gaya kis dhab shahar mein rehtay hain

Rehnaa chaahat daiss aaur nafraatoon kee baat karna..
Seekhay koee tujh saay raqaabatoon kee baat karna..

Mana haq baat karna jurm hai tairaay shahar mein magar..
Yeah kaya kay ik aah! pay hee riva'yatoon ke baat karna..

Sab he tairay turaafdaar, Saab hee tairay parastar yahaan
Hum say hee na aye kisi ko mohabbatoon ke baat karna..

Kar rahay hain apnay mufad ke baat mukar o faraib walay..
Koee in ko sikha dai kabhee Haqeeqatoon ke baat karna..

Ik hansi ke khawahish pay tu nay jis ke dus'taar jallaee hai
Aab kabhi na uss say muskarahatoon kee baat karna..!!

Hoon saafar mein yaa qayaam hoo hoota taira ehsaas hai..
Zahan mein ik gullaab sa khillaa rehtaa tairaa ehsaas hai..

Sard hawa mein pighlay kabhi kari dhoop mein sanwar jaye..
Kabhi tunhai mein mairi ban k khawb utarta taira ahsas hai..

Har shab mairay angan mein chandini saa phail jata hai
Aur sahar hotay he souraj sa taloo hoota taira ahsaas hai..

Daiyaar e ghair ke surmayee udaas shamoon mein aksar..
Darya kinaray meeloon mairay sung chalta taira ahsaas hai..

Loug kehtay hain Basit khud say battain karta phirta hai..
Nahi woh daikh saktay mujhsay baatain karta taira ahsaas hai..

Woh jab aati hai tu sha'haar mein bahaar laati hai..
Khushboo kay ruth pay hoo kay sawaar aati hai..

Rungat us ke aisee dhanak rung pheeka lagta hai..
Aoor haansay tu ik duniyaa sung muskaraati hai...

Hathoon mein para kungan nashay mein choor rehta hai
Kanoon ke baali galoon ko choo lay tu sharma jaati hai

Gulaab uss k laboon say nazakaat udhaar laitay hain..
Chandini uss chahray pay utarti hai tu husan paati hai..

Mein uss ko aapni kull qayaanaat samajhta hoon..
Aur woh khud ko mujh mein gum sarab kehti hai..

~**...Hijar...**~

Rung e Ishq kuch aur nikharta hai hijar mein
Har sung, paris numa banta hai hijar mein

Youn tu har koi hai davay daar e mohabbat
Yeah raaz magar aisa jo khulta hai hijar mein

Gar pahaar sa hosla bhee rakhata hoo koie
Bun k khusbo ik din bikharta hai hijar mein

Hum nay kabhi lout kay atay nahi daikha..
Talash e yaar ko jo nikal parta hai hijar mein

Har shub ankhoon mein guzar jati hai tunha
Har khawb chikna choor hota hai hijar mein

~Woh~ har aik say hans k baat karta hai..
Par chup k duniya say roota hai hijar mein

Ajab haal insaan ka mouj e firaq karti hai
Doob sakta hai na pa'ar utarta hai hijar mein

Chatanoon ka seena cheer daita hai tu kabhi
Kachay gharay pay chanab ute'rta hai hijar mein

Ho faqa kashi naam jahan sabar o razaa ka.."
Kaisay lay naam koee dastaar o qabaa ka..

Zuban bandi hukam hai ameer e shahar ka..
Daam ghutt gaya aaj ik faqeer ke sadaa ka..

Na'paaid hoay ahed e wafa, bik gaey aymaan..
Khawb howa khawb woh khusbo ka saaba ka..

Dashat mein basaa hon sarabon mein ghira hon..
Mohabbat ka silla yeah - hai paighaam hawa ka..

Kuch sokhee shakhon ko kat girana parta hai..
Maslaa jab aan para hoo shajar kee baqaa ka..

~**...Ik Bay'wafa ke yaad mein...**~

Kissi ajnabi shehar mein hoon
Karee dhoop hai jaoon jidhar
kitnay saye nazar mein hai
viraan magar dil ka nagar
qufaal laga kay baitha hai
koi aye nahi... koi jayee nahi...
janay kis kay soog mein hai..
Woh jo khoo gaya tha.. Ik shaam mein

Woh mah jabeen, woh dil ruba..
woh hum nafas, maira raaz daan
gulaab chehra... baad e saba

choor kay jo challa gaya
Rahoon ko dhool mein choor k..
kissi aur angan jaa basaa
maira bay khabar, woh gul badan
jis nay kaha tha, ik shaam mein

mairay hum nafas - mairay raazdaan
maira jisam ho tum.. mujhay aurh lay..
panaah millay - mujhay thaam lay..
taras raha hoon ... khawb doo..
bikhar na jaoon - samait loo..

Aaj guzray howay uss shaam ko
kitnay baras hain beet gaiye..
par aaj bhi har shaam dhalay..
hazaar chehroon ke bheer mein
Ik shakhas tanha phirta hai..!!

Kissi bay'wafa ke yaad mein..!!

Khoon say likha howa mairay maseeha ka Salam aya hai..
Mousam e Gul, Rung e Khizan say hum Qlam Aya hai..

Nung o Aflaas har taraf, Laho hova ghunchon ka rung..
Kee saba nay Aah! Tu uspay Nafarmani ka ilzam aya hai...

Phaili boo barood ke shahar k har gali kochay mein jab
Divanon mein howa jashaan aur ruqs mein jam aya hai..

Nara e Haq lagatay jo gaya tha faseel e shahar talak..
Laasha ussi kamsin kaa ghar mein sar e shaam aya hai..

Chup rahoo, Kuch na kahoo, Kamzoor ho sehtay rahoo..
Kat'tay kuch saron sung amir'e'shar ka ye payam aya hai..