Urdu Poetry Forum

Chaand mairay zara yeah tu bata..
Kiss kay liyeah udaas hai tum..
yeah daagh jo sajaye seenay pay
youn baykal uthaye phirtay hoo.
yaad ka souraj jo ankhon mein
har shaam jalaye phirtay hoo..
youn taptay sehra mein akhir kab tuk..
saraboon kay aur bhagoo gai tum..
kion khawboon kay wahshee darya mein..
kachay gharay utaray hain..
kiyon laila laila kartay hoo
kiyon majnoo ban kay phirtay ho..
woh door purana beet gaya..
jab heer ko ranjha milta tha..
aur sham dhalay kissi pair talay...
asmaan say chand utarta tha..
kiyon beetay waqt mein jeetay hoo..
Kiyon guzri baat pay rootay hoo..
Woh shakhs jo sahil kinara tha
Woh shakhs kabhi jo mil na saka..
woh shakhs tu ik banjara tha..
Kiyon sawan aas lagayee tum nay..
Kiyon itni payaas barhaye tum nay..!!
Jo tairay dil ko bhaya tha..
Woh sayaa tha... Woh sayaa tha..
Naa sawan tha.. Naa sagar tha..
Woh badal ik awara tha..

Chaan mairay zara yeah tu bata..
Kiss kay liyeah udaas hai tum..