sab kuch khak howa hai laikin chehra kaya noorani hai
pathar neechay baith gaya hai, oopar pani behta hai

bachpan say mairi adaat hai, phool chupa kar rakhta hoon
hathoon pay jalta souraj hai, dil mein raat ke raani hai

dafan howay ratoon kay qissay ik chat ke khamooshi hai
sanatoon ke chadar oorhay yeah divaar purani hai

ussko paa kar itraoo gai, khoo kar jaan ganwa do gai
badal ka saya hai duniya har shai aani jaani hai

dil apna aik chand nagar hai, achee sourat waloo ka
shehar mein aa kar shaid hum ko yeah jageer ganwani hai

tairay badan par mein pholoon say uss lamhay kanaam likhoon
jis lamhay ka mein afsana tu bhi ik kahaani hai