Urdu Poetry Forum

**Noor-al-sabah** · #**311** 02-10-2008, 02:36 PM

barsat main talab to ho jate hain kam zarf
bahar kabhi aape se samandar nahin hota

hina01 · #**312** 02-10-2008, 02:45 PM

Hum chein lein gaye tum se ye shan e baniazi
Tum mangty phiro gaye apna garoor hum se….

**sono** · #**313** 02-10-2008, 09:55 PM

chhupaanaa chaahate hain un se dil ka haal ham lekin
hamaare aansuon mein gam hamaare bol parate hain

**Pyaar_se1982** · #**314** 02-12-2008, 06:59 AM

Aankhon ka rang, baat ka lehja badal gaya,
Woh shakhs aik shaam main kitna badal gaya,

Kuch din to mera aks raha aaine pe naqsh,
Phir youn huwa ke khud mera chehra badal gaya.

Jab apnay apnay haal pay hum tum na reh sakay,
To kiya huwa jo hum say zamana badal gaya,

Qadmon talay jo rait bichhi thi woh chal pari,
Us nay chhuraya haath to sehra badal gaya..

Koi bhi cheez apni jageh par nahin rahi,
Jaatay hi aik shakhs kay, kiya kiya badal gaya,

Ek sarkhushi ki moj nay kaisa kiya kamal,
Wo bay-niaaz saara ka saara badal gaya.

Uth kar chala gaya koi waqfay kay darmiaan,
Parda utha to saara tamasha badal gaya,

Hairat say saaray lafz usay dekhtay rahay,
Baaton main apni baat ko kaisay badal gaya..

Kehne ko ik sehan main deewar hi bani,
Ghar ki fiza makaan ka naqsha badal gaya,

Shayad wafa kay khel se uktaa gaya tha woh,
Manzil kay paas aake jo rusta badal gaya..

Qayem kisi bhi haal pay dunya nahin rahi,
Taabeer kho gayee kabhi sapna badal gaya,

Manzar ka rang asal main saaya tha rang ka,
Jis nay usay jidhar say bhi dekha badal gaya..

Andar kay mosamon ki khabar us ko ho gayee,
Us no-bahaar-e- naaz ka chehra badal gaya,

Aankhon mein jitna ashk thay jugnoo say ban gaye,
Woh muskuraya or meri dunya badal gaya.

Apni gali main apna hi ghar dhoondhtay hain log,
Muneeb~ ye kon se sheher ka naqsha badal gaya..

**rqabutt** · #**315** 02-13-2008, 09:26 AM

Tujhay khabar tuk na hoi aor tairi galion say
Guzar gai mairi khawahish kafan sajaay hoay

(yasmin Hameed)

**rqabutt** · #**316** 02-13-2008, 09:50 AM

Kafan ay gard-e-lahad na maila ho jaay
Aaj hi hum nay yeh kapray hain naha ker badlay

**Noor-al-sabah** · #**317** 02-13-2008, 01:19 PM

teri rahon main barha ruk kar
hum ne apna hi intezar kiya

rumsha · #**318** 02-16-2008, 03:44 AM

aa neend ka sauda karein, ik khwaab de, ik khwaab le.............. ik khwaab toh aankhon mein hai, ik chaand ke takiye talein............. kitane dino se yeh aasamaan bhi soya nahi hai, isako sula de...........

**sono** · #**319** 02-16-2008, 03:54 AM

hai ufaq se ek sang-e-aafataab aane kii der
TuuT kar maanind-e-aaiinaa bikhar jaayegii raat

**balloo** · #**320** 02-16-2008, 05:43 AM

zah-e-nasiib ataa kii jo dard kii sughaat!
voh gham hasiin hai jis gham ke zimmedaar ho tum

Similar Threads
Thread	Thread Starter	Forum	Replies	Last Post
^^ Drama ^^	F-A-L-A-K	Gup Shup	1062	11-04-2006 07:19 PM
Tunhaye	Admin	Announcements	0	05-08-2005 07:51 AM
çØÜñtL£§§ þL£á§Ü®£§	Ankaboot	Announcements	0	01-23-2005 02:45 PM

Urdu Poetry Forum

Sher jo dil mein utar gaya ho !

Sher jo dil mein utar gaya ho !