<!--QuoteBegin-KhiGirl+Jul 24 2003, 03:56 AM--></div><table border='0' align='center' width='95%' cellpadding='3' cellspacing='1'><tr> <td>QUOTE (KhiGirl @ Jul 24 2003, 03:56 AM)</td></tr><tr><td id='QUOTE'><!--QuoteEBegin--> Badalte Hain

hamsafar raastaa badalte haiN
pyaas badlii, ghataa badalte haiN.

wohi sahraa rahaa, wohi haiN saraab
bas kabhi kaarwan badalte haiN

khlq ham se nahiin badaltaa to
khair ab aasmaaN badalte haiN.

bandh kamre men baith kar dekho,
kitne mausam wahaaN badalte HaiN

yun sifat se hamen bhulaa bhi chuke
jaise apnaa kahaa badalte haiN.

kuchh nayaapan nahiin sitam men tere
ham to yun hii gilaa badalte haiN.

kal yeh chehre ka kijiye gaa kya?
aaj to aa'inaa badalte haiN.

taak, taqreeri, eKHlaaq, maqaam,
dekhiye aur kya badalte haiN.

muttafiq ho len unki hujjat se
woh tab hi faisalaa badalte haiN.

baat karte ho aur dekheN hamen
dost laheje zaraa badlte haiN.

ham to shaayad bhule the su-e-namaaz
unko dekho - khuda badalte haiN.

is mohalle men koi jaan gayaa
phir se apnaa pataa badalte haiN.

dard kya hai - bataa nahiin sakte
roz aa kar dawaa badalte haiN.

kaun martaa hai yeh pataa jo chale
log fauran dua badalte haiN.

aakhri waqt yaad kya aaya?
kyun hamaari sazaa badalte haiN? [/b][/quote]
Asalam o Alaikum @};-

Bohat khoubsouart KhiGirl Jee.. Keep sharing.. and thanks for sharing this lovely ghazal with all of us... /flower