kuchh ajab shaan se logon mein rahaa karate the
ham Khafaa rah ke bhii aapas mein milaa karate the

itanii tahaziib rah-o-rasm to baaqii thii ki vo
laakh ranjish sahii vaadaa to wafa karate the

us ne puuchhaa thaa kai baar magar kya kahiye
ham mizaajan hi pareshaan rahaa karate the

Khatm tha ham pe mohabbat ka tamaasha goya
ruuh aur jism ko har roz juda karate the

zindagi ham se tere naaz uThaaye na gaye
saaNs lene kii faqat rasm adaa karate the

ham baras paDate the 'Shaz' apani hi tanhai par
abr ki tarah kisi dar se uTha karate the

__________________
Us se ik bar to ruthun mein usi ki manind
Aur meri trah se wo mujh ko mnane aaye