 Re: Topic of the week_~Chand~ | |
maiN nay chaaNd aur sitarooN ki tamanna ki thee
mujh ko ratooN ki syahi kah siwa kuch na mila
maiN woh naghma hooN jisay pyar ki mahfil na milee
woh musafir hoon jisay koi bhi manzil na milee
zakhm pye haiN baharooN ki tamanna ki thee
maiN nay chaaNd aur sitarooN ki tamanna ki thee
kisi gaisoo, kisi aNchal ka sahara bhi nahiN
raastay maiN koi dhundla sa sitara bhi nahiN
meree nazrooN nay nazaarooN ki tamnna ki thee
maiN nay chaaNd aur sitarooN ki tamanna ki thee
dil maiN nakam umedooN kay basayray paye
rooshnee lainay ko nikla to andheray paye
raNg aur noor kay dharoon ki tamnna ki thee
main nay chaaNd aur sitarooN ki tamanna ki thee
mere rahooN say juda hoo gyeN rahaiN un ki
aaj badli nazar aatee haiN nigahaiN un ki
jin say is dil nay saharooN ki tamanna kee thee
maiN nay chaaNd aur sitarooN ki tamanna ki thee
pyar maaNga to sulagtay huye armaaN milay
chain chaha to umaDtay huye toofaN milay
Doobtay dil nay saharooN ki tamanna ki thee
maiN nay chaaNd aur sitarooN ki tamanna ki thee
|