[font=Times][color=green][i]
hur pul dehaan mein busney waley log ufsaaney ho jaatey hein
ankhein borhi ho jaati hein khuawb purane ho jaatey hein
saari baat taluq waley juzboon ki gehrai ki hey
mail diloon mein aa jaye to ghar wiraney ho jaatey hein
jhonparion mein hur tulkhi paida hotey hi mil jaati hey
isi lie to waqt sey pehley tifl siyaney ho jaatey hein
mausame ishq ki aahut hi sey hur ik chees badul jaati hey
ratein pagul kur deti hey din dewaaney ho jaatey hein
dunia key is shor ney umjud kia kia hum sey cheen lia
ub to khud sey baat kie bhi kai zumaney ho jaatey hein