Originally Posted by <<..kAiNaT.. >>

Mugror hi sahi mujhey acha bohat laga
woh ajnabi to tha magar apna bohat laga

Rotha huwa tha hans to para mujh ko dekh ker
mujh ko to is kadar bhi dhilasa bohat laga

sehra mai jee raha tha jo daryadili k sath
dekha jo gor se too woh pyasa bohat laga

woh jis k kadam sey thin basti ki ronakain
basti ujar gayi to akela bohat laga

lipta huwa hoo kohor mai jaisay khiza ka chand
mailay libaas mai bhi woh pyara bohat laga

resham pahen ker bhi meri kismat na berh saki
khadar bhi us k jism per mehnga bohat laga

mohsin jab aiinay mai meri sansain jam gayin
mujh ko khud apna aks bhi dhondla bohat laga