Yeh Jo Fiza Noord Hai Ankhon Kay Paar Chand
Bhichray Howaon Ka Dard Hai, Ankhon Kay Paar Chand
Utra Tha Ik Ajeeb Sa Khadsha Milan Ki Raaat
Ab Tak Kahin Pay Zard Hai, Ankhon Kay Paar Chand
Andhi Koi Thehar Si Gai Hai Fizaon Main
Shab Phir Say Gard Gard Hai, Ankhon Kay Paar Chand
Shaid Who Phir Udass Raha Hai Tamam Shabb
Daikho To Kitna Sard Hai, Ankhon Kay Paar Chand
Phaili Hai Yoon Tumhari Muhabbat Kay Ab Hamain
Har Soo Har Aik Fard Hai, Ankhon Kay Paar Chand
|