Urdu Poetry Forum

**Ankaboot** · #1 01-07-2006, 05:27 AM

1. Mera poora naam hai Khurram Mirza Ali Mehdi Jaffer, aur taKhallus :Qassim:

2. Mera naam meri khaala ne rakha hai. Paydaa'iSh k waqt mera naam Khurram rakha gaya tha laikin bohot roya kerta tha maiN, kisee Aa'lim se jaaker yeh mas'ala bayaan kiya to unhoN ne kaha k mera naam : qaaf : se rakha jaa'ay ... Isee liay tab se mujhay sab ghar waale :Qassim: keh ker pukaarte haiN ... Aur :Qassim: ka matlab hai "BaaNTne waalaa"

3. Filwaqt to Ghair shaadi shudaa hooN, laikin riShta pakka ho chuka hai ... Official engagement December meN hai ... InSha'Allah shaadii 2007 k liay plan kee hai

4. Ghar meN maiN hooN, mere waalid e mohteram, waalidah, aur mera chhoTaa bhai ... BachchoN meN pehla number hai mera

5. MaiN aaj kal Toronto, Canada meN rehta hooN ... Business Administration
(Human Resources) k aakhiri semester meN hooN ... :thatsit

6. Mustaqbil k liay to bohot se iraade kiya huvay haiN ... Laikin jiss aik iraade k baare meN serious hooN woh yeh hai k InSha'Allah shaadii ho jaane k baad Iran jaaker deenii taa'leem haaSil kernay ka pakka iraada hai ... To be precise Theology meN Ph.D kerna hai maiN ne

7. MaiN sha'iri ka deewaanaa hooN ... Jab naya naya likhna shuru kiya to koi aisa website DhoonD raha tha jahaaN per log mujhay sikhaane ko tayyar hooN ... To aise meN HG merii nazar se guzra, aur maiN ne fauran join kerliya

8. Mera sab se zyada pasandeeda sub-forum hai Urdu Poets Club ... Jidhar tak mera khayaal iss baat ko saaf kernay kee mujhay koi khaas zaroorat naheiN hai

9. Merii pasandeeda kitaab hai :Muqadama e Sher o Sha'iri: by Altaaf Hussain Haali ... Mere pasandeeda sha'ir haiN Asadullah Khaan :Ghaalib:

10. Pasandeeda ghazal hai Ghaalib kee:

hazaaroN KhvaahisheN aisii ki har Khvaaish pe dam nikale
bahut nikale mere armaaN lekin phir bhii kam nikale

nikalanaa Khuld se aadam kaa sunte aaye haiN lekin
bahut be-aabaruu hokar tere kuuche se ham nikale

muhabbat meN naheiN hai farq jeenay aur marne kaa
usii ko dekh kar jiite haiN jis kaafir pe dam nikale

Khudaa ke vaaste pardaa na kaabe se uThaa zaalim
KaheiN aisaa na ho yaaN bhii vahii kaafir sanam nikale

KahaaN maiKhaane ka daravaazaa 'Ghalib' aur kahaaN vaaiz
par itanaa jaanate haiN kal vo jaataa thaa ke ham nikale

11. Mera har waqt Pakistan jaane ko dil kerta hai!

12. Waise to mujhay winter pasand ... Magar winters meN snow naheiN pasand :cry6 ... Mausam ka mujhper khus khaas asar naheiN hota

13. MaiN apne kaproN ka bohot khayaal rakhta hooN ... Aik bhii daaGh lage mere kaproN per mujhay yeh gawara naheiN ... Shalwaar kameez, pant & shirt, sab kuch chalta hai ... MaiN bohot ThanDay mizaaj ka maalik hooN ... Zyada tension layne kee merii aadat naheiN ... But there are times when I stress out really quick ...

14. Mera pasandeeda rang Dark Red hai ... Honestly, mujhay iss baat ka bilkul bhii illm naheiN hai k rang hamaarii zindagii meN kya ahmiat rakhta hai

15. Jab paRha'ee se aur job se fursat mil ja'ay to sha'iri kii taraf zyada tawajjo dayta hooN ... English novels paRhne ka bhii shauq hai mujhay

16. MaiN ne jab seb se pehlii martaba apni jaan ko dekha ... Dil chaahta hai k woh lamha baar baar aa'ay ... Mujhe 2007 ka be.sabrii se intezaar hai ... I dont think I have to explain why I am waiting for 2007

17. KhuShgawaar waqiya to yeh hai jab mera riShta pakka huva ... Aur jidhar tak rahii baat naa.gawaar waqiay kee to mere zehen meN abhii aisa kuch aa naheiN raha ........

18. Meri zindagii ka khoobsurat.tareen hissa "Woh" hai

19. Zindagii ko lafzoN meN Dhaalna mere bas ka kaam naheiN

20. Kuch arsa pehlay aik qitta likha tha, I think woh Theek tarah se bayaan ker pa'ay k mere qareeN muhabbat kya hai:

Agar haseen taKhayyul kee talab mujhko kabhii ho
Tasavvuraat meN paiham terii tasveer kerooN maiN
Nazeer terii jahaaN meN na milee mujhko kaheiN per
Isee liay to tere zikr ko jaageer kerooN maiN

21. Mujhay chaahay khuShii milay ya gham ... MaiN sha'iri k zariay uss ka iZhaar kerta hooN

22. MaiN kuch youN tarteeb dooNga:

1. Muhabbat
2. Izzat
3. Shohrat
4. Daulat

23. "...Qassim tum achchhe cook ho...", yeh bohot sun'ne ko milta hai

24. Apne jazbaat ka iZhaar sahii waqt per kerna bohot muShkil kaam hai mere liay :cry6 ... Jab muShkil paiSh aa rahii hoti hai to sher k zairay ker dayta hooN

25. Emotional, sensitive, and shy!

26. Abhii talak to mera koi ideal naheiN hai to yeh question applicable naheiN hai

27. Mujhay bachche bohot pasand haiN Aur woh yaqeenan khoobsuratii ka ehsaas hote haiN

28. Depending on the situation/circumstance ya to dil ya dimaaGh kee baat!

29. Subh ka sab se pehlaa ehsaas hota hai khuShii kaa ... KhuShii iss liay kyuN.k khuda ne mujhay aik aur din ataa kiya hai saalih a'mal kernay k liay

30. Ghar per khaanaa banaane ka kaam baRe shauq se kerta hooN laikin jab baat bartan dhone kee aatii hai to mera kaam kernay ka dil bilkul bhii naheiN kerta :cry6

31. Mera mood badalta rehta hai ... Iss aik aadat se sab be.zaar haiN

32. MaiN youN kahooN se zyaadaa behter rahayga, mera koi bhii kaam deen k daa'iray se nikal ker naheiN kerta!
33. "Gheebat" ... Iss aik cheez se mujhay saKht nafrat hai .............. top0

34. Impress naheiN ker paate top0

35. Abhee yeh naubat naheiN aa'ee :haha

36. MaiN poorii tarah se arranged marriage meN believe kerta hooN ... Mera riShta bhii mere parents kii marzii se huva, yeh alag baat hai k mujhay laRkii pehlay se pasand thee ... All jokes apart, maaN baap apnii aulaad k liay hameSha behter hee sochaiNgay ... Iss baat ka ehsaas insaan ko tab hota hai jab woh khud saahib e aulaad hota hai!

37. "Love at first sight" ... Oh! You have no clue how much I believe in it ... MaiN experience se bol raha hooN

38. Meri bad.qismatii k mera koi aisa dost naheiN :cry6

39. Merii nazar meN aik maaN aur uss k bachche ka riShta sab se zyaada khoobsurat hota hai ... Yeh aik doosre kee rag rag se waaqif hote haiN ... Jab bachcha chhoTaa hota hai aur naya bolnaa seekh raha hota to jumle naheiN bol paata bachcha ... Sun'ne waala to yahii samajh raha hota hai k bachcha alaa balaa bol raha hai ... Laikin maaN achchhii tarah jaantii hai k uss ka bachcha kya kehna chaah raha hai! To bas yahii wajah hai

40. I honestly dont know how to answer this one!

41. MaiN ne abhii talak aisa kuch experience naheiN kiya

42. Zia bhai yeh to cheating wala question hai ... Merii nazar meN HG ka her dost sab se zyaadaa azeez hai mujhay
43. Gulaab ka itr

44. Zia bhai agar poora list kerna shuru kerdooN k kiss kiss se kya kya seekha maiN ne to poorii kitaab ho ja'aygi :thinking1

45. Internet kii dostii kii bunyaad jhooT per bhii ho saktii hai ... Kya pata kaun hai, zaatii taur per kabhii milay naheiN, kabhii dekha naheiN!

46. NaheiN, maiN baGhair milay aur baGhair dekhay muhabbat per yaqeen naheiN rakhta1 top0

47. 10 savaaloN k javaabaat se sab kuch jaan layna bohot muShkil hota
hai ... Bal.k sirf muShkil hee naheiN naa.mumkin hota hai

48. Mujhay iss savaaloN ke javaabaat daynay meN bohot mazaa aaya ...

49. Mujhay apne marhoom Nana Jaan kee aik naseehat bohot achchhii tarah se yaad hai "Insaan k haq meN sar to harkat dayna behter hai, ba.nisbat iss k woh apnii zubaan se kisi ko Thais puhnchaa day"

50. MaiN apne HG k doston ko bhii yahii naseehat dooNga k kuch kehnay se pehlay 10 martaba socha kero ...

Urdu Poetry Forum

Qismat_ka_Sataya

Qismat_ka_Sataya