Urdu Poetry Forum

**Ankaboot** · #1 01-23-2005, 03:40 PM

Q 1 . Aapka asli naam... tareekh-e-paidaish
A. Mera naam huma hai /baby ... bilkul asli hai /tounge ... aur date of birth hai 14th march 1983 ... yeh bhi merey knowledge ke mutabiq bilkul durust hai ;p

Q 2 . Taleemi maidan mein kya gul khilaye hain

A. Taleemi maidaan mein itney gul khilaye hain keh hisaab lagana mumkin nahi ... jab mera report card ghar aata tha to abu kehte the yeh kya gul khilaye hain /mad /khabardar ... /baby ... nahi just kidding :blush ... main ne khair se abhi recently BA kiya hai /body ... us se pehle main FSc aur matric bhi kar chuki hoon ;D /peh

Q 3. Kitney behen bhai hain. Bama' hasb nasb biyaan karein. Aur ghar mein sab se ziada kis se banti hai
A) Mera ek bara bhai hai. Behen koi nahi hai s ... hasb nasb ka mujhe matlab nahi aata please explain :blush ... aur ghar mein kuch khaas kisi se bhi nahi banti ;D ... haan thori thori dosti sab se hai magar close kisi se bhi nahi hoon ziada /dontspeak

Q 4. HallaGulla per kis se milney ka ishtayaaq hai aur kyun.
A) Hmmmm buhat se log hain :blush ... kis kis ka bataon

Alv se /hug1 ... kyunkeh woh meri buhaaaaaaat shoni dost hai /hugs aur main usko live hanstey hue dekhna chahti hoon ;D

Maham se /flower1 ... kyunkeh woh mujhse buhat milti hai /hug /ura aur mujhe lagta hai keh us se mil kar main buhat buhat enjoy karoon gi /dance

Naina se /jin1 ... kyunkeh main ne usko dekhna hai ;D /scared

Rubaab se /sad1 ... kyunkeh main ne usko /slap marna hai :blush

Naveen se ;D ... kyunkeh main ne usko samosey nahi khilaney

Sawan se :blush ... ab her baat ki wajah batani zaroori hai kya /angry

Afeefa se /hugs1 ... kyunkeh woh meri jaan-e-mann hai ;D

Basit se /ohno1 .... kyunkeh main ne kabhi koi chor /fuming nahi dekha s

Adeel se /hero ... kyunkeh mujhe kabhi kisi se live daant nahi pari /angry ;D

Q 5. Bachpan ka koi waqia jo abhi tak yaad ho ...
A) Hmmm yaad to kafi kuch aa raha hai :blush ... magar filhaal thora sa likhti hoon /writing ... ek baat hai jo jab bhi yaad aati hai buhat ziada hansi aati hai mujhe :blush ...

Ek dafa main aur meri bari cousins sab khala ke ghar the raat ko, un dinon hamari vacations thein aur hamari routine thi keh sari raat jaag kar kuch kheltey rehte they ... us din hum Antakshri khel rahe the /speech /drum /guitar ... aur main bari darpok si hua karti thi /ohno /baby ... to raat ko hawa chali aur darwaza kharak gaya ... meri cousins ne mujhe darana shuru kar diya /fuming keh lagta hai koi jin bhoot aa gaya hai darwaza khud hi baj raha hai ... meri jaan hawa ho gai /dontsee ... aur un sab ne kya kiya /fuming keh ek dam sab uth ke bahir bhaag gayein keh humein idhar darr lag raha hai :head ... aur main bajaye is ke keh un ke peechey bhaagti main ne sofey ki back side ke uper charh ke zor zor se rona shuru kar diya /dontsee .... bus phir is baat pe mera bara record laga kafi din tak :blush :blush :blush

Q6. kya aapko kabhi tanhai ne ghera. Agar haan to kya mehsoos hota hai us waqt.

A) Hmm aksar aisa hota hai... pehle ziada hota tha infact buhat ziada hota tha /sad ... ab kam kam hota hai thanks to all my friends /flower ... aise meinn kya mehsoos hota hai /thinking ... tanhai mehsoos hai of course aur kya /slap :blush ... hehehe :blush ... ummm pata nahi kya mehsoos hota hai, bus ajeeb sa mehsoos hota hai ... yeh khayal aksar aata hai keh meri koi sister kyun nahi hai /protest1 ... ya koi best friend /aw ... Ab aisa feel nahi hota ... zamana beet gaya /dance1

Q7. Chipkali ke elawa kis cheez se darr lagta hai
A) Basit ka naam leney se mana kar diya ab main kya bataon

Ummm pani se darr lagta hai /ohno ... aur burhapey se /aw ... yani apney burhapey se :-s ... us helplessness se /aw

Q8. Kya aap apney halaat se mutma'in hain?

A) Kisi hadd tak. Itna keh Allah miyan ji ka shukar hai unho ne buhat achey haal mein rakha hua hai... magar ek be-sakooni bhi hai ... jo kabhi kam ho ke nahi deti s

Q9. Aapki nazar mein dosti kya hai. Apni behtreen dost ka tazkara karein
A) Dosti her kamyaab rishtey ki bunyaad hai /flower

Meri behtereen dost ... Real life mein meri behtereen dost Saba hai @};- ... us se meri dosti matric se hai ... uske baad se hamari fields bilkul alag rahein, magar hamari dosti hamesha buhat achi rahi /hug ... aur woh shaid wahid insaan hai jis se main apney dil ki baat kisi hadd tak khul kar keh deti hoon

Aur internet per alv /hugs ... buhaaaat buhaaaaaaaaaat achi dost hai meri ... she is really a darling :blush ... buhat cute si janu si, thori masoom thori mature, thori funny thori sanjeeda (l) ... janu hai >:D<

Q10. Jazbaat ka izhar aasan lagta hai keh mushkil
A) Buhat mushkil lagta hai ... meri tabiyat aisi hai keh sab feelings apney dil mein hi rakhna acha lagta hia, dil karta hai koi khud jaan jaye, mujhe kuch kehna na parey ... merey gestures se show ho jaye to ho jaye, magar ilfaaz mein dhaalna buhat mushkil lagta hai /crazy

Q11. Agar aap ko chance diya jaye keh apni zindagi badal lo to aap kya kuch badalna chahen gi aur kya kuch sshamil karna chahen gi.

A) ummm shamil karna chahoon gi ek behen :blush ya ek buhat close friend ... jaisi kahaniyon mein hoti hai :blush ... keh cousin ho ya neighbour ho aur buhat kareebi sath ho ...

Aur badalna chahoon gi ... haan kuch logon ko zindagi se nikalna chahoon gi ... aur thora sa khud ko mazboot karna chahoon gi /baby

Q12. Konsa aisa jumla hai jo sun'ney ki khwahish rehti hai.

A) As such koi khaas jumla to nahi... haan magar merey doston ke munh se yeh sun'na acha lagta hai keh main ek achi dost hoon :blush

Q13. Question clear nahi hai /angry 5, 10 saal poocha hai ya kuch aur /baby

A) /suno saalon ka hi bata deti hoon ... 5, 10 saal baad /mad ... apney ghar mein /mad ... kitchen mein /mad choolhey ke aagey /mad ... khana pakati /mad ... safai karti /mad ... ghar sambhalti /mad ... ouch /crazy

Q14. Zindagi ka sab se khushgawar lamha kya raha hai

A) Kafi guzrey hain aise lamhat ... jab 9th class ke result per Best student of the year ka award mila... Jab first year ka result aaya (l) ... aur ... aur :blush ... /suno ... secret :blush

Q15. Koi aisi nazam jo aapki shakhsiyat ko zahir karey ...

A) Ek main pehle netellect ji ke sawal ke jawab mein kafi tafseel ke sath bata chuki hoon ...

@};- Sheeshey se bani ik larki pathar ne nagar mein aai @};-

Kahen to dobara suna doon ;p

Aur ek ghazal hai :blush

Woh ik pagli si larki sochti hai
Yeh duniya gird uske ghoomti hai

Thitak jati hai aise chaltey chaltey
Keh jaise gum khiloney dhoondti hai

Woh chalti hai guzar-gahon pe aise
Hawa pani pe jaise nachti hai

Ussey bhatey nahi awara badal
Woh apney baal kass ke bandhti hai

Woh larki phool ki khushbu hai jaise
Hawa ke sang rehna chahti hai

Ata achi lagi woh sanwli si
Jo peechey titliyon ke bhaagti hai

:blush :blush :blush
Q16. Koi aisa iqtabaas jo yaad reh gaya ho.

A) Qurbaton ke faasley kabhi tay nahi ho saktey @};-

Aur

Bachpan ke dost bachpan ki hamaqaton ki tarah barey honey per ghair ahem ho jatey hain /baby

Aur ...

We suffer, because we are strangers to ourselves

Q17. Konsa aisa sawal hai jo aap chah rahi hain koi na poochey

A). Main bata doon takeh aap pooch lein /khabardar ... /slap

Q18. Shadi ka irada kab tak hai

A) Mera zaati to duur duur tak koi irada nahi ;p ... kyun meri personal raye yeh hai keh abhi main buhat choti hoon /baby :blush ... aas paas walon ko ab ikhtelaaf honey laga hai /ohno ... dekhen kab tak khairiyat rahey ;p

Q19. Koi aisa wajood jis ke baghair zindagi ka ehsaas na-mukammal lagta ho.

A) Zindagi to sab se hi mil kar bani hai /hugs ... meri family, merey sab dost /hug ... zindagi ka ehsaas na-mukammal ... i guess mama ke baghair /aw

Q20. Khana banana to aapko aata aata ho ga. Koi khana jo itefaqan acha ban gaya ho. aur ajzaye tarkeebi

A) Ji baja farmaya ;p khana pakaney ka na shauk hai aur na aata hai pakana /ohno ... ghalti se acha /thinking .... chicken corn soup ban jata hota hai ghalti se acha kabhi kabhaar ... aur ajzaye tarkeebi ... chicken, corn, etc etc ;D

Q21. Pasandeeda shair, shaira, aur unki nazam/ ghazal.

A) shair ... Amjad islam amjad, Mohsni Naqvi

Shaira ... koi khaas nahi...

Amjad Islam Amjad ki buhat si nazmein pasand hain ... this is one of them ...

Mohsin Naqvi ki ghazlein buhat pasand hain ...

Jab se us ne sheher ko chora, her rasta sunsaan hua
Apna kya hai sarey shehr ka ik jaisa nuqsaan hua

Yeh dil, yeh aaseb ki nagri, maskan sochon wehmon ka
Soch raha hoon is nagri mein tu kab se mehmaan hua

Mere haal pe hairat kaisi, dard ke tanha mausam mein
Pathar bhi ro partey hain, insaan to phir insaan hua

Us ke zakhm chupa ke rakhiye khud us shakhs ki ankhon se
Us se kya shikwa kijeye, woh to abhi nadaan hua

Jin ashkon ki pheeki lau ko hum bekaar samajhtey the
Un ashkon se kitna roshan ik tareek makaan hua

@};-

Q22. Jis se aapko sab se ziada muhabbat hai agar pata chaley keh woih dhoka de raha hai to kya rad-e-amal ho ga ?

A) Talkhi aa jaye gi lehje mein aur andaz mein buhat ziada

Aur ziada intezaar nahi kar paaon gi keh woh khud khul kar samney aaye, khud hi confront kar loon gi aur us ke samney rakh doon gi ;p ... keh bolo ji kya kehte ho /jin

Q23. Muhabbat kya hai aapki nazar mein.
A) Buhat mushkil sawal hai ... muhabbat ... shaid kuch bhi nahi, aur shaid sab kuch ... shaid zindagi ya shaid maut ka khushnuma naam ... Depend karta hai ... halaat kaise hain, mehboob kaisa hai ;p ... Ek baat jo is hawaley se buhat achi aur buhat sachi lagti hai mujhe ... Muhabbat zaat ki takmeel hoti hai ... shaid yehi sach hai ... apni zaat ki takmeel hoti hai yeh jiske peechey hum sari um'r bhaagtey hain ...

Muhabbat zaat hoti hai
Muhabbat zaat ki takmeel hoti hai
Koi jungle mein ja thehrey, kisi basti mein bas jaye
Muhabbat sath hoti hai
Muhabbat khushbu'on ki lay
Muhabbat mausamon ka dhan
Muhabbat abshaaron ke nikhartey paniyon ka mann
Muhabbat jungalon mein raqs karti morni ka tan
Muhabbat barf parti sardiyon mein dhoop banti hai
Muhabbat garm sehraon mein thandi chaon ki manind
@};- Muhabbat ajnabi duniya mein apney gaon ki manind @};-
Muhabbat dil
Muhabbat jaan
Muhabbat rooh ka darmaan
Muhabbat moorti hai
Fiza'on mein kisi ke hath se gar choot jaye to
!Muhabbat aabla hai karb ka!
Aur phoot jaye to
!Muhabbat rog hoti hai!
Muhabbat sog hoti hai
Muhabbat shaam hoti hai
Muhabbat raat hoti hai
Muhabbat jhilmilati raat mein barsaat hoti hai

Muhabbat jeet hoti hai
~ Muhabbat maat hoti hai ~
Muhabbat zaat hoti hai!

Q 24. Khwab to sabhi dekhte hain. Koi aisa khwab jo haqeeqat ka roop dhaar gaya ho. Ya dhaar jaye ga.
A) Ek bonga sa to main suna chuki hoon pehle :blush ... keh cook chutti per tha aur main ne khwab dekha keh woh aa gaya hai wapis ... aur jab ankh khuli to woh waqai aa gaya tha /clap /baby

Jo dhaar jaye ga :blush ... woh tab suna doon gi jab dhaar jaye ga /dontsee

Q25. HallaGulla mein kis se mutasir hain?

A) Basit se /ohno ... unki determination, unka hosla aur unki sincerity ...

Magar aaj kal determination pe ghussa aata hai /angry ... itna bhi deewana nahi hona chahiye insaan ko /ast

Q26. Aap ne sheeshey se bani ik larki ko byaan kartey hue disillusionment ka lafz istemaal kiya hai. is ko aasan lafzon mein aur ho saktey to mazeed tafeel mein beyaan kijeye.

A) Sab se pehle to yeh keh yeh buhat ziadti hai /protest ... itni to detail mein likha tha /sad woh bhi itna soch soch ke /crazy ... aur kya likhoon main :head

Dekhen illusion hoti hai woh cheez jo humein dikhti hai but it actually doesnt exist ... to disillusionment woh kaifiyat hui jab humein pata chalta hai keh jo hum ne tassawur kar rakha tha soch rakha tha woh jhoot tha... ek dhoka tha, saraab tha... aur yeh aisi confrontation humein zindagi ke her mor per, her qadam per milti rehti hai ... Bachpan mein jab ham kahaniyon ki kitaaben parhtey hain ... her kahani ka end yehi hota hai ... and they lived happily ever after ;p ... aisa hi afsanon aur novels mein bhi parhney ko milta hai... zindagi ka buhat khubsurat roop dikhaya jata hai... dhoka diya jata hai ... aur hum masoom dhokha khaye jatey hain ... lekin jab baari aati hai apni zindagi jeeney ki, apney rishtey bananey ki, khud qurbaniyan deney ki... to ehsaas hota hai keh zindagi itni aasan to na thi... jitni kahaniyon mein lagti thi ... itni khubsurat to na thi jaise hum ne sapney saja rakhey the ... Yeh to ho gai ek general baat ... aur insaanon ke hawaley se ... jab insan young hota hai khush fehem hota hai, umeedein buhat jaldi wabasta kar leta hai logon se, doston se rishton se ... magar ahista ahista jab haqeeqat khulney lagti hai to ehsaas hota hai hamara to koi bhi nahi... sab apney liye jeetey hain ... apney mafaad ki khatir doosron ka nuqsan karney se bhi aksar log nahi chooktey... aur jo seedha saadha insan hai woh dhokey khaye jata hai ... aisa bhi nahi hai keh kuch log chalak aur dhokey-baaz hain aur kuch masoom aur bholey bhaaley ... shaid hum sab hi zindagi ke ek mor per is feeling se guzartey hain ... aur jab guzar jatey hain to we just become a part of this cruel world ... aur phir koi aur, jo is sapnon ki duniya se hamari duniya mein chala aaya hota hai, hum bhool jatey hain keh kabhi hum bhi aisi haalat se guzrey the ... aur hum usko khud bhi dukh detey hain ... cruel ho jatey hain ... aisa hi hota ha insan shaid ...

Q27. Taleemi qabliyat aap ki graduation hai. Kya is ke baad taleem jari rakhney ka irada hai ya phir riwaiti larkiyon ki tarah intezaar mein ko kabhi khwabon ke des se koi shehzada aaye
...

A) Ji taleemi qabliyat /ohno graduation hai :blush aur yeh graduation main ne buhat mar mar ke ki hai ;p ... is liye mera aagey parhney ka koi irada nahi... is ki wajah yeh nahi hai keh mujhe kisi ka intezaar hai, aap buhat achi tarah jantey hain /fuming keh mujhe kisi shehzadey ke sath turney ka intezaar bhi nahi hai /protest ... bus parhai se mera dil hatt gaya hua hai ... yeh insaan ki nature bhi hai keh jo cheez pehle buri lagti hai woh agar achi lagney lagey to buhat shiddat se achi lagti hai ... and vice versa ... achi lagney wali cheez se jab dil hatt'ta hai to bilkul hi /ohno ... aur mujhe kisi zamaney mein parhai ka buhat craze hua karta tha magar kuch reasons ke baad nahi raha ... aur ab mujhe parhna intehai mushkil aur zeher lagta hai ... is liye main aagey nahi parhna chahti ... specially masters nahi karna chahti ... i might go for some short course etc ... ( /fuming )

Q28. Yeh bataiye keh aap ne future mien Makkah Madina, Paris aur Sawat dekhney ki khwahish ki. Kis ke sath ?

A) Makkah Madina to UN /sharmili ke sath ... kyunkeh wohi le ja saktey hain main akeli ja nahi sakti ;p ... aur Paris aur Sawat janey ki khwahish mein koi khaas shakhs involve nahi hai ... chaheyh cousins hon chahye family aur chahe :blush /suno ... aur kuch /khabardar

Q29. Aap ne bataya keh aap ki aik do real life friends bhi hain, Kya farak hota hai aik real life friend mein aur ek net friend mein.

A) ummm feelings mein aur relationship mein koi farak nahi hota... jitna kareeb hum ek real life friend se ho saktey hain utna hi, ya shaid us se bhi ziada kareeb hum apney net friends ke sath bhi ho saktey hain ... hamara mizaj samajhney wala shakhs jahan bhi mil jaye woh acha dost ban sakta hai ... farak bus itna hi hai keh real walon ke sath hamara ek physical contact hota hai, miltey hain sath uth'tey baith'tey hain, jab keh net friends ke sath but net pe contact hota hai ;p ... is ke elawa aur koi farak nahi hota.

Q30. Aap ne kaha daulat aur muhabbat mein aap muhabbat ko tarjeeh dein gi. Farz karein jis se aap ko muhabbat hai woh bilkul hi kangaal ho jata hai. Jeena mushkil ho jata hai to koi aata hai zindagi ki aasaishen le kar, sath mein muhabbat bhi. Kya karein gi aap? In short kya khali pait bhi muhabbat kar sakein gi.
A) Ji kar sakoon gi. Jis se mujhe muhabbat hai aur usko mujh se muhabbat hai to baqi sab cheezein secondary hain. Sab kuch agar aasaishon mein hi rakha hota to sab ameer khush rehte aur sab ghareeb dukhi . Magar aisa nahi hai. Hum log khud bhi financially Allah ka shukar hai kafi achi condition mein hain... magar sukoon mujhe aksar family se bahir dhoondna para ... yun bhi daulat shaid ek aisi cheez hai jis se kabhi niyyat nahi bharti ... insan ki khwahishon ki koi hadd nahi hoti, barhti chali jati hain ... maadi khwahishon ke peechey bhaagney se kuch nahi milta. Is liye jitna miley us per sabar shukar kar lena chahiye, zindagi aasan ho jati hai... haan muhabbat kho jaye to sabar shukar se kaam nahi banta... apni zaat kho jati hai

Q31. Real life mein jo aapka best friend hai us ke barey mein tafseeli note likhen.

A) Saba. Thora sa us ke barey mein main pehle bata chuki hoon. Meri matric se friend hai aur buhat close friend hai. Medical ke 3rd year mein hai aaj kal. Uski shakhsiyat ... umm ... buhat cute si hai, buhat loving aur caring, buhat sensitive... bolti buhat hai... sab se ziada merey sath ... magar lehja dheema hai ... Thori si bewakoof hai, buhat jazbaati hai, dil se faisley karti hai... aur baad mein pachtati bhi buhat hai .... main kehti hoon ya to pehle soch liya karo ya baad mein qaim raha karo ;p ... magar woh aisi hi hai ... pehle turram khan ban jati hai aur baad mein zara si baat ho jaye to dinon ghabrai rehti hai. Choti choti pareshaniyon ko le kar bemaar par jaya karti thi kabhi ... ab buhat bahadur ho gai hai... kafi problems aai hain usko in kuch saalon mein /aw ... magar mashaAllah buhat bahaduri se face karti hai sab ... apna dukh kisi ko nahi deti, doosron ki saari takleefein samait lena chahti hai... is koshish mein aksar bikhar si jati hai ... mujhe buhat azeez hai, aur usko main ... mujhse thorey din baat nahi hoti to ghabrai ghabrai phirti hai ... uske ghar waley kehte hain saba huma ko phone kar lo uske ghar se ho aao ... tumhen thora sakoon aaye ;p ... mujhe apna boy friend kehti hai :blush ... kehti hai keh jaise main tum se baat karti hoon aur jaise tum se baat kiye baghair bechain rehti hoon us se yehi lagta hai keh tum mera boyfriend ho ... aur kya likhoon ... bus buhat achi hai /hug ... aur uski khaas baat yehi hai keh merey dil ki baat kisi hadd tak, infact kafi hadd tak :blush baghair kahey samajh jati hai ... aur main bhi jo baatein kisi ko nahi keh paati woh usko zaroor keh deti hooon

Q32. Huma ek aisa parinda hai jo jis ke sar pe baith jaye badshah ban jata hai. Theek hai maan liya. Chaliye yeh bataiye ab tak kis kis ne ser pe bithaya hai.
A) Pehli baat to yeh keh yeh bus ek baat mash'hoor hai /angry koi sach much ka badshah nahi banta ... yun bhi puraney zamaney ki baat aur thi /tounge aaj kal badshah hotey hi nahi prime minister aur president hotey hain ... aur us ke liye Huma ki nahi chalakiyon ki zaroorat hoti hai ;p ... Teesri baat yeh keh main aksar logon ke ser charhi hui hoon ;p yani keh kaafi laadli hoon khair se :blush ... magar abhi tak koi badshah to nahi bana /thinking ... haan jisko main ser charha loon ;) usko badshah zaroor bana deti hoon :blush ... itna maan deti hoon /baby

Q33. Aap ne apney sitarey ke hawaley se bataya keh aap khwabon mein basi rehti hain. Chalein aaj us khwab ka hi zikar kijeye.
A) Sitarey ke hawaley se main ne yeh bhi bataya keh main apni duniya mein magan rehti hoon aur kisi se kehti nahi hoon ;p aur dil ki baat dil mein chupa kar rakhti hoon /dontspeak ... to khwab aapko kaise suna doon /tounge

Q34. Aap ne bataya keh Adeel aapko dant'tey hain. Yeh batayen kin kin baaton pe daant parti hai?

A) /ohno ... aksar hamari behes HG se related baaton per hi hoti hai ... Adeel ki aadat hai keh jo baat keh di so keh di ( /fuming ) ... aur mujh mein bhi zid buhat hai /peh ... is liye hum behes karna shuru kartey hain to karey jatey hain karey jatey hain /argue ... thori der baad main maan jati hoon :blush ... phir mujhe daant parti hai keh tum pehle mera time kyun waste karti ho ... /baby

Q35. Asmaan ki baat hui. Aur aap ne baat ki keh aapko aasman acha lagta hai. Kyun.. Yeh nahi bataya ? Tafseel se batayen gi. Keh asman kyun acha lagta hai. Zameen kyun nahi ?
A) Umm aksar hum yeh bata nahi saktey keh koi cheez humein kyun achi lagti hai, bus lagti hai ... Asmaan mujhe buhat fascinate karta hai ... mera dil karta hai ur jaoon :blush ... uske rang ... itney unique, itney sarey ... hairaan kartey hain mujhe ... shaid ek wajah yeh bhi hai itna acha lagney ki, keh hamarey paas, shehron mein, Allah miyan ji ke banaye hue nazaron mein se asmaan hi hai jo apni pure form mein maujood hai ... aur acha lagney ki wajah ... shaid woh cheez insaan ko ziada appeal karti hai jo us ki puhanch se duur ho, zameen ko to hath barhao aur choo lo ... aasman ko sirf dekh sakti hoon soch sakti hoon ... in a sense zameen haqeeqat hai aur aasman khwab ... aur mujhe khwab achey lagtey hain

Q36. Safar ka faisla kar liya ho aor koi jaan se bhi azeez rokna chahey peechey se awaz de. Kya karein gi?
A) Faisley per depend karta hai. Keh faisla kyun kiya hai kis wajah se kiya hai. Ho sakta hai aisi koi wajah ho keh na hi ruk paoon ... magar most probably ruk jaon gi. Jab woh jaan se azeez hai to bhaar mein gaya faisla ;p :blush

Q37. Zindagi mein chahna aur chahey jana . yeh woh khwahishen hain jo jawani ki dehleez pe qadam rakhte hi jism o jaan ke sath kisi bel si lipat jati hain wajood se lipti is bel ke barey mein kuch kahiye

A) Kya kahoon /baby ... yeh to ek natural si baat hai ... kisko acha nahi lagta chahey jana, hamari psychological needs mein se ek hai ... koi hamara ban jaye koi humein apna le, pyar de maan de dil mein jagah de... to zindagi achi lagney lagti hai ... aur agar aisa na ho, to tanhai ka azaab hota hai ... ... buhat mushkil sawal hai /crazy

Q38. Woh shakhs jo dil ke nihaan khanon mein chupa baitha hai, woh kaisa hai. Kuch uski baabat hum se baat kijeye
A) Kya bataon kyun bataon /tounge ... bus merey dil mein chupa baitha hai yani buhat hi acha ho ga /king ... :blush ... aur buhat acha hai ... bus /dontspeak :blush

Q39. Shadi ek rishta hai, ek bandhan hai ek ta'luq hai. Yeh to shaid lafzi ma'ni ho gaye. Kuch iski tafseeli baat kijeye ga. Thora hum ko bhi samjhayen yeh kya hai.
A) Shadi ... tafseeli bataon ... dekhen /cool ... pehle rishta pakka hota hai :blush ... phir date fix hoti hai /ura ... phir mayoon ki rasam hoti hai /hayjamalo ... larki ko ubtan lagatey hain aur yellow jora pehnatey hain /baby ... larkey ko pata nahi kya kartey hain mayoon pe /mad ... phir mehndi hoti hai /dance /clap ... bara maja aata hai ... dholki bajatey hain ganey gatey hain /speech ... larki ko mehndi lagatey hain paise waartey hain ... phir baraat aati hai /sick ... phir larki chali jati hai rukhsat ho ke /sad ... phir waleema hota hai /clap ... phir shadi khatam ;D .... is se ziada tafseel mein kya bataon s ... /ohno

Khe khe khe :blush jokes apart /dontspeak ... larkon ke liye pata nahi kya hota hai ... magar larki ke liye ... very difficult /confused ... ek dam itni bari change ... isko accept karna is mein adjust hona ... pata nahi kyun hoti hai shadi ... /ohno ... mama papa ke ghar mein, jidhar hamesha rahi, bachpan se rahi ... udhar se yun ek dam paraye ho jana ... it seems like a torture to me /sick ... kisi ke ghar ja ke thorey din rehna bhi kitna mushkil lagta hai ad ... aur ek naye ghar mein, naye logon ke beech is tarah jana keh ab yehi mera ghar hai yehi merey log hain ... unko samajhna, unko apna banana, un ka hissa ban'na ... pata nahi is mein kitni mushkil hoti ho gi, kaise hota ho ga ... dunno ad ... udaas kar diya /sad /sad /sad

Q40. Aap ne signature lagaya hua hai. Buhat hi khubsurat jumla hai. Yeh batayen kin jazbon ke barey mien likha gaya hai yeh.
A) Hmmm ... humein rangon ke jugnu roshni ki titliyan awaz deti hain ... ek khwab hai yeh ... ek buhat khubsurat duniya ka , jo hamari duniya jaisi nahi hai ... jahan dukh nahi hai, mehroomi nahi hai ... bus pyar hai khubsurti hai masoomiyat hai ... aur main hoon ... aisi hi duniya hai jiska zikar aap ne pehle bhi karwana chaha ... keh jin khwabon mein basi rehti hoon unka zikar karoon ...

Q41. Muhabbat hasool-e-yaar hoti hai. Kya aap is se muttafiq hain ya nahi. Dono suraton mein apna nuqta-e-nazar bayaan karein.

A) Muhabbat muhabbat hoti hai ... hasool-e-yaar ho ya na ho, muhabbat rehti hi hai ... pata nahi ... isko main ziada detail mein nahi samjha sakti /protest

Q42. Kya muhabbat khush guman hai? Yeh batayen keh bad-gumani hui un se jin ko dil ki gehraiyon se chaha ho?
A) Haan khush guman hai ... aur jitni khush gumaan hai utni hi bad-gumaan hai ... kisi ke kahey gaye pyar ke do bol khwabon ki duniya mein puhancha detey hain... aur ussi shakhs ki thori si be-niyazi ya koi sakht jumla andheron mein bhi phaink deta hai ... lagta hai keh sapna tha jo toot gaya ... magar thori der baad phir unhi khwabon mein basera hota hai /baby

Q43. Aaj ke daur mein har koi lafz Muhabbat ka aseer hai. Aap jazba-e-muhabbat ke barey mein kya janti hain?
A) Iska jawab main pehle de chuki hoon /slap

Q44. Agar koi kahey keh jazba-e-muhabbat aur jazba-e-nafrat ek hi kaifiat ke do mukhtalif rang hain. To kaise ghalat sabit karien gi?
A) Bilkul ghalat hai ... in dono mein agar kuch common hai to yeh keh dil-o-dimagh per qabza sa kar letey hain ... is ke elawa aur kya hai in mein ... ek banati hai to ek mitati hai ... ek mein doosrey ki khushi khud se barh ke ho jati hai to doosrey mein kisi ko dukh deney ke liye hum apni khushi ki parwah bhi bhool jatey hain /confused .

Q45. Aap ne bataya keh bachpan mein ek dam bongi hua karti thein. Magar baad mein buhat shararti ho gai thein. Zara gin ke 3 ya 4 sharartein batayen.
A) Shukar hai koi dhang ka sawal bhi kiya /hayjamalo /clap ( /fuming ) ... okay likhti hoon ;D

10 class mein hamara school jo tha that was a small one, residential area mein tha ... school ke samney ek ghar tha jis mein 3, 4 larkiyan rehti thein /jin ... bari /beauty kisam ki :blush ... unko hum dushman boltey the ... un ke ghar se market ko jo road jati thi woh hamari class ki back se guzarti thi ... parhtey to hum hotey nahi the :blush ... to hamara ziada tar dhiyan yehi hota tha keh peechey road se kaun guzar raha hai kyun guzar raha hai ... ab woh aksar wahan se din mein 2, 3 chakar lagati hoti thein ... aur mera kaam tha keh jab un ke aaney ka pata chal jana aur koi teacher nahi hoti thein class mein (mostly hamari class mein teacher nahi hoti thein /clap ) to main khirki ki side pe chup jati thi /jin .. aur jab woh guzarti thein to i used to whistle ... woh ghundon wali whistle jo larkiyon ko cherney ke liye bajatey hain /suno . ... aur aagey se ufffffffff un ke jo style hotey the ... they never came to know keh yeh seeti koi larki maarti hai ... bus school ke samney puhanchtey hi style marney /beauty shuru kar deti thein woh ... bechari poora sal yehi samajhti rahein keh is school se koi larka cherta hai unko /dontsee :blush

School mein hi ek dafa hum ne Sir /ohno ki topi bulb per latka di thi /baby /dontsee ... aur topi jo thi :blush woh bechari jal gai /sick ... ... is baat pe humein daant bhi par gai thi thori si

Ek college ki baat :blush ... vaise yeh shararat ulti galey par gai thi /hang /ohno ... english ki class mujhe buhat pasand thi aur that was the only class ; jo main ne kabhi bunk nahi ki /body ... magar ek dafa kya hua /mad mujhe jin charha hua tha :blush ... subah ko 1st period tha english ka ... class mein gaye, attendance lagwai ... aur pichley darwazey se bahir /bhago /dontsee ... aur us din attendance repeat ho gayi :head ... aur miss ko itna ghussa aaya /fuming ... /sick ... keh unho ne humien kaha aap ke naam main ne struck off kar diye hain /sad ... vaise hum koi 20 ke kareeb larkiyan thein /suno ... shukar hai thorey din baad miss ne khud hi excuse kar diya magar is baat ki mujhe hamesha thori si sharmindagi bhi rahi /suno

Ek net ki baat bhi sun lein /clap ... jab main ne message board use karna shuru nahi kiya tha ... bilkul jab start mein i started using internet ... to main chatting hi kiya karti thi ... ek dafa ek friend bana ... he used to chat from his office and home both ... ek din office mein tha to kehne laga ... yaar yeh merey office mein ek larki hai narmeen yeh mujhe bara tang karti hai ... baar baar merey cabin mein aati hai, mujhse baat karney ki koshish karti hai blah blah ... main tap gai b-) keh yeh style maar raha hai /angry ... that night woh office se ghar gaya online aaya ... main ho gai shuru /speech /dontsee ... i said :blush ... suno woh narmeen main hi hoon /baby ... he was like /mad shut up yaar /mad ... ... i said dekhen main ne aapka email adress liya tha bari mushkil se ... i just wanted to come close to u /aw ... magar aaj mujhe pata chal gaya aap merey barey mein kya sochtey hain /sad ... goshhh he was so embarassed ... kabhi yaqin kar le kabhi kahey mazak kar rahi ho ... i said :blush ... aap pata nahi kya samajhtey hain magar main waqai bari serious hoon /sad ... aap jaisi kahen ge main vaisi ban jaoon gi /dua .. jaisi larkiyan aapko achi lagt hain vaisi ban jaon gi /sad ... bus plz dont hate me /dua ... aur woh .. uffff he was fuming /fuming :blush ... koi 2 ghantey tang karney ke baad main ne usko bataya /hayjamalo /hayjamalo /hayjamalo ... aur us ke baad main narmeen ka naam leti thi /jin aur woh /ohno ... ;D
Q46. Ehsaas-e-mehroomi woh hai jo her kisi mein kahin na kahin hoti hai. Zara apney is ehsaas se parda uthaiye ga. Agar pasand karein to.

A) Allah ka shukar hai koi khaas mehroomi nahi hai ... haan kisi zamaney mein ek ehsaas tang karta tha ... bachpan se qadam bahir nikaltey hue shaid yeh ehsaas tha keh mera bachpan le liya gaya mujhse ... mujhe jeeney nahi diya ... jaise jeena chahiye tha ... tab lagta tha buhat dukhii hoon buhat mehroomiyan dekh li hain main ne ... magar ab, duniya ko dekh kar, logon ke dukhoon ko dekh kar lagta hai keh kuch nahi tha ... Allah miyan ji ka buhat buhat shukar hai @};-

Q47. Zindagi kam hai kaam buhat hain. Koi se 10 kaam batayen jo aap muhlat khatam honey se pehle karna chahti hon.
A) Hajj karna chahti hoon.
Saif-ul-malook dekhna chahti hoon /baby
Samandar dekhna chahti hoon /protest
Snowfall dekhna chahti hoon :blush
Sab HG friends ko line mein khara kar ke un ki kitt lagana chahti hoon /hah /hah ... ( /fuming )
Ek dafa adeel ko zor se dantna chahti hoon /angry ... /hiding
Aise sawal karney per basit ko /slap marna chahti hoon ... /hayjamalo

Aur kuch nahi soojh raha /angel

Q48. Apni koi si 10 aadaten batayen jin pe aapko fakhar hai. Aur 10 woh bhi bata dein jin se aap ke ghar waley aur dost tang hain.

A) 10 /mad ... buhat ziada hain /confused

Pehle woh batati hoon jis se log tang hain /clap

1. Ghar waley meri internet use karney se buhat tang hain.
2. Mera apni life mein jo non-serious attitude hai, towards my future and studies ... us se sab tang hain
3. Ghussa buhat zor ka charhta hai :blush ... kuch log us se tang hain
4. Ziddi hoon. Ghar mein nahi, sirf kuch doston ke sath... shaid woh us se tang hain.
5. Expressive nahi hoon... dost buhat chirtey hain is baat se ... keh apni baat kehti kyun nahi hoon.
6. Tension mein nail-biting shuru kar deti hoon /ohno ... is se main bhi tang hoon aur log bhi ;D
7. Buhat jaldi ghabra jati hoon. Roney lagti hoon choti choti baat pe. Sab kehte hain khud ko mazboot karo /hammer
8. Bemari mein apna khayal nahi rakhti, is baat pe buhat buhat daant parti hai.
9. Kyun bataon ;D
10. Itni bhi buri nahi hoon main /angry

Jin pe fakhar hai ... /body

1. Namazein parhti hoon. Baghair majboori ke namaz nahi chorti
2. Her mumkin koshish karti hoon keh jhoot na bolna parey /ast
3. Secrets out nahi karti /dontspeak
4. Jo kaam karney ka decide kar loon woh achi tarah karney ki koshish karti hoon aur mostly kar ke hi dam leti hoon /peh
5. /dontspeak
6. /suno
7. /writing
8. Wohi ;)
9. Yeh nahi batani /jin
10. Itni bhi achi nahi hoon /dontsee

Q49. Aap ki dereena tareen khwahish kya hai?

A) Ek khwahish hai keh Allah miyan ji apney itna kareeb kar lein keh kisi aur ke saharey ki zaroorat bhi mehsoos na ho ... magar gunah-gaar bandi hoon /aw ... duniya se dil bhi nahi hat'ta to khwahish kaise poori ho /aw

Q50. Jo log cigerrete peetey hain, kaise lagtey hain aap ko?

Q50. Jo log cigerrete peetey hain, kaise lagtey hain aap ko?

A) Zeher lagtey hain /rolleyes

Q51. HallaGulla aap ki nazar mein kya hai?

A) HallaGulla ... is a part of my life ... I still remember all those moments ... is ke shuru honey se pehle ... it was like a deewaney ka khwab ... i remember somebody coming to me and say keh Basit pagal ho gaya hai ;p ... I remember the anxiety, being unsure whether it would work out or not ... I remember coming online one day and getting the offliners keh board online ho gaya hai ... all so lovely >:D< (l) ... The beginning, working on it, dreaming about it, seeing it getting better day by day, then being hacked /sick ... then up again /hayjamalo ... HallaGulla is like a baby to me :blush /hug ... I love it so much ... so very much (l) ... One thing that saddens me sometimes ... it was meant to bring people close ... it brought many people close ... magar kuch log jo pehle se sath the, pata nahi kyun ... misunderstandings mein ghirney lagey hain ... feeling neglected or insecure, i dont know ... magar ... all u friends @};- ... HallaGulla is ours ... It is, and should be, our priority /flower

Q52. HallaGulla ke doston ke naam koi paighaam?

A) You're all so special /flower ... a part of my life ... aap sab ke baghair ... life wouldnt have been the same /confused ...

Bus ... lara na karein please :blush ... be together, be united ... hum sab ko mil kar isko banana hai ... The best place to be ... inshaAllah @};- ... bus hamarey sath rahen hamesha /flower

Aur ek baat /aw ... jo pareshani mein sab chal detey hain na humein chor ke /protest ... khush hotey hain to wapis aa jatey hain ... thats not fair /protest ... friends hotey hain to dukh sukh ke sathi hotey hain ... sukh bant'tey hain, dukh bhi baanta karein ... chor na jaya karein /confused

Love u all /united ... Be happy always

Q51. HallaGulla aap ki nazar mein kya hai?

A) HallaGulla ... is a part of my life ... I still remember all those moments ... is ke shuru honey se pehle ... it was like a deewaney ka khwab ... i remember somebody coming to me and say keh Basit pagal ho gaya hai ;p ... I remember the anxiety, being unsure whether it would work out or not ... I remember coming online one day and getting the offliners keh board online ho gaya hai ... all so lovely >:D< (l) ... The beginning, working on it, dreaming about it, seeing it getting better day by day, then being hacked /sick ... then up again /hayjamalo ... HallaGulla is like a baby to me :blush /hug ... I love it so much ... so very much (l) ... One thing that saddens me sometimes ... it was meant to bring people close ... it brought many people close ... magar kuch log jo pehle se sath the, pata nahi kyun ... misunderstandings mein ghirney lagey hain ... feeling neglected or insecure, i dont know ... magar ... all u friends @};- ... HallaGulla is ours ... It is, and should be, our priority /flower

Q52. HallaGulla ke doston ke naam koi paighaam?

[color=#e87ea6][font=palatino linotype][size=2]

A) You're all so special /flower ... a part of my life ... aap sab ke baghair ... life wouldnt have been the same /confused ...

Bus ... lara na karein please :blush ... be together, be united ... hum sab ko mil kar isko banana hai ... The best place to be ... inshaAllah @};- ... bus hamarey sath rahen hamesha /flower

Aur ek baat /aw ... jo pareshani mein sab chal detey hain na humein chor ke /protest ... khush hotey hain to wapis aa jatey hain ... thats not fair /protest ... friends hotey hain to dukh sukh ke sathi hotey hain ... sukh bant'tey hain, dukh bhi baanta karein ... chor na jaya karein /confused

Similar Threads
Thread	Thread Starter	Forum	Replies	Last Post
Soooooooo Cute Umbrellas for kids	nailahkb	Fashion & beauty	16	11-25-2007 08:31 AM
ur favourite cute lovely sms	help_sonami	Mohabat Kadah	0	10-11-2007 10:17 AM
Cute ... Images ...	AA	Snap Shots	6	09-09-2007 03:46 PM
cute babies...	13 Mera 7 Rhey	Snap Shots	12	08-26-2007 08:42 PM
cute and funny prayer	msbluff	Jokes n Jokes	16	08-03-2007 04:18 AM

Urdu Poetry Forum

Cute Chiclet

Cute Chiclet