Urdu Poetry Forum

**Ankaboot** · #1 07-30-2005, 05:43 AM

1. Mera poora naam Mohammed umara rizwan khan (certificates kay lihaaz say amara) Date of birth ? haye haye yeh q bataoooo ? chalo year chupa leti hoo

its 15 january 1983 oye logo suhee year bataya hai mainay

aur main apnay pyaray sheher karachi mai paida huee

2.Meri khala kay college mai eik bohut hee intelligent aur palee see larkie thee umara to khala ko yeh naam itna pasand aya kay unhonay mera naam yehi rakhdia aur is naam ka matlab hai sweet yanee meethi

3.haye haye abhee meri shadi ki umer hee kia hai

jab mere parents ki marzee aur jab qismat mai likha hai hojayengi

4.hum loag mashallah say 6 hai eik ammi eik abbu

3 behen aur eik bhai aur behno mai mera number 3 hai

5.mai ajkul uae mai sharjah mai apnay ghar mai rehti hooo

abhee abhee bcom kurkay farigh huee hooo aur agay kia karoogee ? abhee kuch nahi pata mere khuyal mai to bcom hee kafee hai

6.future ka mujhay kuch nahi pataaa kay kia hogaaa isliye kuch plan kurkay bhee nahi rakha hai

jo hoga dekha jayenga

7.HG kesay join kia? hmm mai kuch poetry wughera search kuruhee thee

kay is site pay aa guyee aur tab se lekur yehi pay hoo aur abhee isko chornay ka aisa koe khass irada bhee nahi hai

8.main ziada tur GS mai hee jatee hoo qkay wahan mere saray dost hotay hai aur khoob enjoyment bhee horuhee hoti hai wahan iskay ilawa showbiz masti aur poets club bhee jana hota hai

9.pasandeeda kitaab? aisee koee khaas nahi hai mujhay bus digest perhnay ka bohut shoak hai isliye koee digest hath mai ata hai to wohee perh leti hoo

pasandeeda shayur? parveen shakir noshi geelani aur wasi shah yeh teeno bohut hee zaberdast likhtay hai

adeeb? koee khaas pasand nahi bus digest ki hee kafee writers hai jokay pasand hai

10.mere sath yeh musla hai kay mujhay kabhe bhee sher wughera yaad nahi rehte is kay liye i need my diary

sher? tumhe bhulana hee awal to dastaras mai nahi

jo ikhteyar bhee hota to kia bula dete?

nazam? Mana kay mumkin nahi
milan apna par
is aas pay bandha hai tum say
dil ka rishta
shayud kay judai likhtay samay
dil bhur aye
katib taqdeer ka

ghazal? this is my fav ghazal

its simple but beautiful

saat suro ka behta dariya tere naam
hur sur mai hai rang dhanak ka tere naam

jungle jungle urnay walay sab mausam
aur huwa ka sabz dupatta tere naam

hijir ki shaam ,akaaliee raat kay khalee dur
subah firaq ka zard ujala tere naam

tere bina jo umer bitayee beet guyee
ab is umer ka baki hissa tere naam

in shayur ankho nay jitnay rang chunay
unka aks aur mera chehra tere naam

dukh kay gehre neelay samandar mai khawur
uskee aankhen eik jazeera tere naam

11. mujhay koee bhee bolay kay humai eik ghuntay mai pak kay liye nikalna hai mai foren tayyar hojaoogee

i really miss my pakistan /aw2 aur pakistan kay shumali ilakajaat yanee kay muree suwat wughera ghoomnay ka bohut shoak hai laikin ab tuk nahi jaa payee hoo /aw2

12. mujhay barish ka mausam bohut ziada pasand hai

ha haa q nahi? mausaum mere mood pay kafee asarandaaz hota hai agar garmee hoti hai to mai khudba khud garam hojatee hoo /oopz aur agar barish ka mausam to mai khud baree achee ho jatee hoo

13.libaas kay mamlay mai iam very simple ghar mai ziada tur shalwar kameez hee pehni hoti hai aur agar bahir kahii jana hai to occasion kay lihaaz say hee libaas pehenti hoo

mai bohut ziada thunday mizaaj ki maalik hoo ghussa mujhay bohut hee kaam ata hai aur agar ata bhee hai to foren hee ghaib bhee hojatee hai aur aap loag yukeen nahi kurengay laikin mai thori bohut shy kisim ki larki bhee hoo

kisee ajnabee say miloo to eikdum chup rehti hoo

haa agar eik baar kisee ki dost ban guyee tab to sab kehte hai'umara tum wohee ho?

14. mujhay light colors ziada pasand hai jesay sky blue, pink,light green etc

rang hamaree zindagee mai bohut important hai agar rang na hotay to
yeh life eikdum pheeki pheeki lagtee

15.hobbies? hmm mujhay ghoomnay phirnay ka bohut shoak hai ,iskay ilawa i love listening to music , dosto say guppay larana

aur the greatest of all /hg ana

16.mere skool aur college kay din

i use to have so much fun ;x

aisa koe khaas lamha nahi hai jiska intezaar hai

bus yehi dua hai kay jo bhee lamha aye woh acha ho

woh lamha jo bhoolna chahtee hoo? jab kisee nay mujh say kaha thaa 'umara tumnay kabhee apni shukul ainay mai dekhi hai kia? kaha tum kaha mai '

17.hmm mujhay yaad hai mai hmm 11 ya 12 saal ki thee(uswaqt hum bohut hee budhoo say hotay thay zamanay ka itna khass pata nahi tha

) mai apnay ghar jaruhee thee skool say kay eik aadmi nay mujhay rok kay kaha'kia tum umara ho?' mainay kaha 'haa' to aadmi nay kaha kay 'main tumharay abbu ka dost hoo aur unhonay mujh say kaha hai kay tumharee family kuhee jaruhee hai aur tum skool mai thee isliye tumhe nahi lesukay isliye mai aya hoo tumhe lenay' mujhay ache tarah yaad hai us bunday nay hath bohut buree tarah pakra huaa thaaa pata nahi kesay mere dimagh mai aya kay 'abbu aisa nahi kursuktay' aur mainay us shakhs kay hath mai zoar say kataaa

aur bhaag guyee

aaj bhee sochtee hoo agar mai uskay sath chulee guyee hoti to? /oopz

18. meri ab tuk jitnee bhe zindage guzree hai bohut he khubsurat guzree hai mujhay mere parents bohut khubsurat milay

mujhay mere dost bohut khubsurat milay

siwaye kuch logo kay

aur ainda bhee yehi dua hay kay baki zindagee bhee khubsurat guzray aameen

19. is sawal say mujhay eik gaanaa yaad aguya

zindagee kaise hai paheli haye
kabhee to husaye
kabhee yeh rulaye

to bus yehi hai zindagee eik paheli jismai kuch pata nahi hota kay kia kia hogaa kabhee khushi kabhee gham

20. mohabbat

. is duniya ka sab say khubsurat ehsaas chahay woh apnay maa baap say ho apnay dost say ho apnay life partner say hoo hur rishtay mai mohobbat khubsurat hai

yeh ehsaas kay koe apko pyaar karta hai is duniya ka sab say achoota ehsaas hai

21.mujhay jab khushi miltee hai to zahir hai bohut khushi hoti hoon samajh nahi ata kay kia karoo?

izhaar ? hmm zoar zoar say ganay lugadeti hoo aur uchalnay lagtee hoo

22.mohabbat,izzat,da ulat,shohrut

23.hmmm meri eik dost nay mujh say kaha thaa'umara tumsay achee dost is duniya mai ho hee nahi saktee' yeh baat ab tuk mujhay yada hai mai us wqt 7th class mai thee aur yeh i think pehli baar kisee nay meri tareef ki thee

24.yeh bunday bunday pay depend karta hai mai jissay jitna close hooge ussay utnee hee asani say apnay jazbaat ka izhaar kardoogee

25.simple,shy,friend ly

26.ideal par eik zamanay mai yukeen rakhtee thee par ab nahi qkay kaunsa humain apna life partner choose karna hota hai yeh kaam to humaray parents ka hota hai

phir bhee meri khwaish hogee kay mera life partner mera sab say acha dost hoo woh mujhay apni hur baat bataye and he should be romantic

27. awwwww kids r so chweettttt

mujhay to buchay bohut achay lagtay hai

kitnay masoom hotay hai

mere apnay ghar mai meri bhanjee hai 5 months ki and i just love her

28. 50 50

thori dil ki manoogee thori dimagh ki

wese bhee mera dil jo keh raha hota hai ziada tur dimagh bhee wohee keh ruha hota hai

29.pehla ehsaas? 'kia yaar itnee jaldee subah hoguyee ? aur sona hainaa

'

bus yehi dua hoti hay kay aaj kia din hur din ki tarah acha guzray aameen /dua

30. mai ghar ka koee bhee kaam bohut shoak say kurloogee agar songs lugay hue ho to

mujhay ganay suntay huee kaam kurnay mai bohut muza ata hai

wese iron kurnay say meri jaan jatee hai

31.meri sustee say

mai bohut ziada sust larkii hoo ab to khair kafee control kia hay khud ko

32.hmm koshish to poori yehi hoti hay kay islaam par ziada say ziada amal karoo poori koshish hoti hay kay 5 times ki nimaz perhoo laikin kabhee kabhee shetaan behka deta hai

bus ALLAH maaf kuray mujhay /dua

33.jab loag kehte hai'mai yeh hooo mai woh hoo '( itraoo style mai) uff bohut ghussa ata hai o bhai tum jesay ho tumhe ALLAH nay banaya hai ismai tumhara koee kamaal nahi hai

34.dhung say baat kurnay walay loag achay lagtay hai

35.uff mere liye to yeh kisee azaab say kam nahi hoga agar koee apna bohut pyara mujh say naraz hojaye bus sorry sorry kehti ruhoogee jab tak kay woh maan na jaye /grinsmile aur jis baat ki wujah say woh naraz hogay koshish karooge woh baat poori karloo

36.meri nazer mai shadi eik aisa milan hai jismay do loag eik doosray kay bohut kareeb ajatay hai hur lihaaz say kabhee kabhee aisa hota hay kay dono kay mizaaj eikdum different hotay hai aisee surat mai shadi wohee kaamyaab hoti hay jaab aap eik doosray ki aduto ko sumjhay aur koshish kuray kay unki adut ko apni bhee adut banade

mai lov plus arrange shadi kay huk mai hoo pehlay pyaar karo phir parents say milaoo agar parents maan jaye to zaberdast

agar nahi manay to zaroor koee suhee baat hee hogee jiskee wujah say parents nahi maan ruhay

37. nahi mai pehli nazar ki mohabbat pay yukeen nahi rukhtee qkay mohabbat wohee sache hoti hai jaay aap dil say kuray aur pehli
nazar mai aap sirf us insaan ki shukul dekhtay hai aur phir yeh mohabbat nahi sirf eik infatuation hai

38.aisee meri sirf eik dost hai meri college ki friend ussay mainay kabhee koee baat nahi chupayee hai woh mere baray mai sab kuch jante hai iam like a open book to her mujhay koee pureshani huee mai usko foren batadeti hoo she is like my jaan

my sid

39.meri nazar mai sab say khubsurat rishta dosti ka hai qkay dostee woh rishta hai jo kay agar suhee insaan say hojaye to aap ki zindagee suwur saktee hai wese to ajkul ka zamana itna kharaab hai kay kisee pay bhurosa karna bohut mushkil hai laikin phir bhee yeh risk lay hee lena chahay

aur thank god mai is mai humesha kamyaab ruhee hoo mujhay mashallah say bohut achay dost milay hai jiskay liye mai ALLAH ka jitna shukar karoo kam hai

40.q nahi. dostee mohabbat mai zaroor badal saktee hai aap eik insaan kay sath dostee q kurtay hai? qkay aaap ko woh shukhs acha lagta hai isliye mai to is baat ko mante hoo kay dostee mohobbat mai badal saktee hai

41.haa eik insaan tha aisaa mera pehlaa pyaar sumujh lay ussay usnay mujhay wese to bohut buree tarah hurt kia hai laikin mai ussay shayud hee kabhee bhool paoo bus ab agay aur kuch nahi bata saktee uskay baray mai

42.oh no no no plzz yeh suwal mut karo /oopz mere sab hee yahan bohut achay dost hai sab say meri bohut achee dostee hai aur dostee kin wujhooaat ki bina pay huee? qkay sab meri tarah bongian marnay mai expert thay

qkay mai sab ka ysath sath achee hoo isliye sab mere sath achay hai

43.hm mujhay bohat saree khushbu pasand hai

phoolo ki, barish ki ,mitti ki, paint ki, new books mai say jo atee hai unkii

44.mainay kisee insaan say kuch nahi seekha hai haa mujhay digests ki kahanio nay kafee sikhaya hai

sabar karna,acheez cheez honay ka intezaar karnaa ,diff logo say kaisey baat karnaaa ,kis situation ko kaisey handle karna etc etc

aur sab say baree baat jo seekhi hai woh yeh kay ALLAH kay ghar dair hai andher nahi

meri pasandeeda shakhseeyut ? aisee koee khaas personaily nahi hai sab mai hee thori bohut achaina hoti hai

nobody is most fav

45.main to internet ki dostee pay yukeen rakhtee hoo jiski sab say baree example /hg hai

yahan pay sab eik doosray kay kitnay achay dost hai mujhay to khair yahan suhee mano mai bohut achay freinds milay hai and iam really thankful for that

dono mai mujhay to aisa koee khass fark nahi lagta hai ab dostee to dostee hoti hai chahay woh internet ki dostee ho ya kuhee aur ki

46.ha haaa mai is pay bhee beleive karte hoo

aap insaan ki shakal say nahi uskee aduto say uski nature say pyaar kartay hai ab yeh to naseeb ki baat hai kay kisee kay sath dhoka hojata hai laikin ismai logo ki ghulte hoti hai internet ki nahi aap logo nay kitnee storiee sunee hogee kay larka larki net pay milay phir un logo ki shaddi hoguyee and they r happy to yeh saree baatein hoti hai naseeb ki

47.

1. naam

2. kaha rehta hai

3. hobbies

4.education

5.age

6.family kay baray mai

ab agay to baki baatein kurnay kay baad hee apko andaza hota hai kay aap issay doste kuray kay nahi

laikin yeh 6 basic batein hai jo mai zaroor poochtee hoo

48.hmm bohut muza aya inkay jawab dey kay pehli dafa yaha pay bongio kay ilawa doosra kaam kia hai

kuch sawal mushkil bhee thay jinkay juwab de kay ziada muza aya

49. mai asul mai itne achee bachee hoo kay mujhay kabhe koee naseehut hee nahi milee bus sab yehi boltay rehtay hai 'umara beta humesha aisey he rehnaa sab say aisey hee humesha pyaar say baat karna'

50. bus yehi kehna chahtee hoo kay hum sab apnay is pyaray ghar mai itnay pyaar say rehte hai aisey hee humesha pyaar say rehna

aur eik baat kabhee kisee ka dil mut tornaaaa

aap sab aisey hee humesha khush ruhay aur duao mai mujhay yaad rukhay aur agar meri kisee baat ka bura laha ho to iam sorry /yhug /yhug

**azmina** · #2 07-30-2005, 06:46 AM

WOOOOOOOO FANTASTIC Umara UR ANSWERS VERY NICE.MAIN NAY PAHLI BAAR KISI KA INTERVIEW PARHA HAY WO BHI ITNAH ACHA ,REALLY U R JUST GREAT.WELL APP NAY JO BAATAIN KI HUMAIN BOHAT PASAND AAEN .
HUMAREY DUA HAY KAY ALLAH APP KO BOHAT KUSH RAKHAY APP KO WO SAB MILAY JIS KI APP KO KHUWAHISH HAY. HUMESHA KHUSH RAHIYA TAKE CARE N ALLAH HAFIZ

Similar Threads
Thread	Thread Starter	Forum	Replies	Last Post
Cinderella !	aawargi	Snap Shots	7	02-27-2008 04:19 PM

Urdu Poetry Forum

Cinderella

Cinderella