It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here
Welcome to Urdu Community & Poetry/Shayari Forum
Home
Blogs
Books
Games
Photos
Albums
Video
Import
Invite
Tags
Survey
Awards
Tutorials
RulesThis is a discussion on Aik Lamha within the Announcements forums, part of the Updates & Help category; A1. Muhammad Moinuddin Khan, 29th July 1979 and jaye paidayesh Hyderabad. Q2: Naaam kis nay rakha, aur matlab...? A2: mera ...
| |||||||
| Poetry | Video | Photo | Books | Games | Sites | Register | Groups | FAQ | Calendar | Mark Forums Read | Chat |
| Notices | |||||||||||
|
 |
| | Thread Tools |
|
#1
02-06-2005, 08:38 AM
| |||||
| |||||
A1. Muhammad Moinuddin Khan, 29th July 1979 and jaye paidayesh Hyderabad. Q2: Naaam kis nay rakha, aur matlab...? A2: mera naaam meray walid sahab nay Muhammad Moinuddin Chishti Rehmatullah Alaih kay naam per rakha hay, aur iss ka matlab hay Deen ki madad kernay wala... Q3: Shaadi ka kab tak irada hay... A3: /bblush aap me masoom .preeto say kaisay sawal ker rahi hein.. me ko sharam arahi hay .preeto, nayee ji .. mein shadi shuda nahin hoon... aur shadi ka abhi tak koi irada nahin hay kion kay abhi tou mein /baby hoon.. Q4: family members kitnay hein, aur un mein number? A4: MashAllah hum 7 brothers and sisters hein, mera number teesra hay.. bhayion mein doosra... Q5: kahan rehtay hein, kia kertay hein aur mustaqbil kay iraday... A5: mein Gulistan-i-Johar karachi mein rehta hon, kia kerta hoon? kis hawalay say pooch rahay hein ? /hiding waisay mein aik mamoooli sa software Engineer hoon... aur mustaqbil kay iraday.... /thinking hazaroun khuahishein aisi kay her khuwahish pay dum niklay samaan so baras ka pul ki khabar nahin.. /wink3 aik bara acha waqeya share kerta hoon... hamaray IT Manager nay meri appointment kay baad mera pehla gupshup interview liya.. aur uss mein yahi sawal kiya kay future mein, mera kia irada hay... aur mera jawab tha kay "Sir, mera target tou kuch aur hay.... laikin filhaal milestone ye hay kay mujhay yahan ka IT Manager bunna hay... and the Manager was like /shocked3.. khair uss nay me ko achi khasi shabash say nawaza.... /khikhi tou ye hay kay filhaal apni company mein IT Manager banna hay.. .shokhi meri taleeemi na qabliyaat... :-b :-b BSc. Computer Science kiya ji with Gold Medal... /cup1 Masters in Business Administration iss kay ilawa Microsoft Certified Professional in Visual Basic and Sun Certified Java Programmer bhi hoon.. :-b aur agar aap logouN ki dua shamil-i-haal rahi tou jald hi Cisco Certified Network Associate bhi ho jaoonga.. /paseena Q6: Hallagulla kaisay join kiya A6: Meri choti sisters as a guest visit kiya kerti theeN.. unko dekh ker join kiya A7: Hmm... saray hi sections achay hein... koi aik pasand ho tou bataoon na...mukhtafif adwaar mein mukhtalif sections mein ana hota raha...aaj kal Gupshup mein hoon... A8: kab shuru ki.... /thinking haan yaad aya... class 4 mein tha.. aur utna hi bara tha jitna aik class 4 ka student hota hay yani 9 years... 1988 ki baat hay... meray neighborhood aik lisani tanzeem (MQM) ka markaz tha ... tou jo kuch dekhta aur observe kerta tha. ussko poem ki soorat mein likh diya tha... kafi mashoor hogaya tha... .shokhi abhi tak tooti phooti poem yaad hay... arz kia hay... (iss ko kisi bhi tarhaN shayer kay khayalat na samjha jaye... ye sirf bachpan ki massomiyat thi) Aye Mahajir qoum kay noujawanouN aye Altaaf Hussain kay parwanouN Sohail, Nadeem aur kanwar Naveed (ye teenouN buhat mashoor activists thay hamaray mehallay say talluq tha) teenouN nay kerdi, sindhion ki matti paleed jo bhi sindhi inhein dikha wo baychara jaan say gaya (wo zamana tha jab koi sindhi speaking, urdu speaking ilaqay mein aya tou wapis nahin gaya) Qatal ker kay haath dhotay nahin ghar mein wo apnay sotay nahin... buss itni si yaad hay... muharrikaat kuch bhi nahin... buss khud ba khud hi likhna shuru kerdiya... A9: Inspire ho ker nahin likhta... likh nahin pata.. kion kay inspiration mein aap ka apna aap kahin kho jata hay... aik dafa koshish ki kay Allah Miyan ki hamd likhoon.. aaj tak adhoori hay.. kion kay jab uss qadir-i-mutliq ki tareef mein koi lafz likhta hoon tou wo lafz chota per jata hay... Allah say dua mangi thi kay Allah itna asar tou day kay teri achi tarhaN tareef kersakoon.. A10: hmmmmm...kafi mushkil sawal hay... /thinking ye waisa hi hay na kay jaisay aik baap say poocha jaye kay konsi aulaad sub say achi lagti hay.../thinking hmmm... ye aik poem hay jo kay mujhay buhat pasand hay...  A11: Pasandeeda kitaaab kis sinf mein? nasar? shair? tareekh? science? politics? mizah? Nasar mein Raja Gidh aur Talash Nazm mein Faiz ki dast-i-Saba aur ZindaN nama Tareekh mein Sadiq Hussain Siddiqui ki Saleebi jangein, aur Naseem hijazi ki aakhri chattan Science mein aaj kal Dr. Haroon Yahya ko parh raha hoon... aur waisay Stephen hawkings ki book the shape of time achi hay ... Politics.. pata nahin ye politics mein ati bhi hay kay nahin.. but Javaid choudry ki Zero Point. Mizah... Mushtaq Ahmed Yousifi.. Chiragh Talay... /zpghh Pasandeeda shair..:-b Inhi rastoun nay jin per, kabhi tum thay saath meray mujhay rok rok poocha, tera humsafar kahan hay nazam bhi sunaoon? /paseena Ibn-i-Insha....  Ab umer ki naqdi khatum huwi ab hum ko udhaar ki hajat hay hay koi jo sahu kaar banay hay koi jo dewan haaaar banay Ghazal.... Bashir Badar ki ghazlein buhat achi hoti hein... waisay akser Qabil Ajmairi ki ye ghazal zer-i-lab dohrata hoon Tazaaad-i-jazbaat mein ye nazuk maqam aya tou kia karo gay? mein ro raha hon tou hans rahay ho, mein muskuraya tou kia karo gay? abhi tou tanqeed horahi hay, meray mazaq-i-junooN pay laikin tumhari zulfouN ki barhami ka sawal aya tou kia karo gay? kuch apnay dil per bhi zakhm khao, meray lahoo ki bahar kab tak mujhay sahar bananay walouN, mein larkharaya tou kia karo gay? uter tou saktay ho paar laikin maaal per bhi nigah kerlo khuda na kerda sukoot-i-saahil, na raaas aya tou kia karo gay? muhay tou iss darjay waqt-i-rukhsat, sukoon ki talqeen ker rahay ho magar kuch apnay liye bhi socha? mein yaad aya tou kia karo gay? tumharay jalwouN ki roshni mein, nazar ki hairaniyan musallam magar kisi nay nazar kay badlay, dil aazmaya tou kia karo gay? abhi tou daman chura rahay ho, biger kay qabil say ja rahay ho magar kabhi dil ki dharkanouN mein, shareek paya tou kia karo gay? A12: Shayer... Allama Iqbal aur Ibn-i-Insha... hmmm Amjad bhi buhat kamaal ka likhtay hein... Nasar nigaar.... Ashfaq Ahmed.. aur Mumtaz mufti... A13: Hmmmm.. shayeri ka sochna.. phir ussko aik kkhaas sanchay mein dhalna acha khasa mushkil kaam hay.. laikin iss mein waqt kam lagta hay... isliye mein ye asaani say kerleta hoon.. laikin nasar mein time buhat lagta hay... waisay likhnay kay hisaab say nasar ziada asaan lagti hay mujhay.. chrouN hi apni jaga per buhat hi achi hein... mujhay teenouN hi equally pasand hein... but jab kabhi apna ander express kerna hota hay tou Nazam ka sahara leta hoon..pata nahin kion A14: Hallagulla pay... :-b Poet's Club mein buhat kam jana hota hay ab... laikin mystique(Shabnam) ki poetry khaas tour per ja ker perhta hoon.. buhat acha likhti hein MashAllah... un say kayee dafa shagird bananay ki durkhwast ki hay.. per her baar wo thudda maar ker bhaga deti hein... /hammer aur shayeroun mein Sagar khan, aur Atif... donoN buhat hi kamaaal likhtay hein... /clap5 A15: computer ki seat.... /thinking pehlay huwa kerti thi library... but ab computer ki seat hi hay... /thinking mera armaan hay kay Islamabad mein job karoon... me ko wo city buhat acha laga.. jahan aaj tak na ja saka hoon... /thinking aisi koi khuwahishi hi nahin hay... A16: Mousam acha pasand hay... moderate... Barish ka mousam mutasir kernay ki koshish kerta hay... but jhatak deta hoon....  A17: Libaaas...  buhat hi careless hoon... haan kurta shalwar buhat pasand hein... aap libas kay zouq ki baat ker rahi hein tou me ko ziada ter dark color pasand hein... like black and navy blue... buhat pasand hein.. but jab care nayee kerta tou nayee kerta... buhat kam hi especially tayyar hota hoon... A18: Pasandeeda rung.... kala hay... aur navy blue bhi... rung zindagi mein buhat ahmiyat rakhtay hein.. hamari dilchaspi ka samaan bhi hein aur cheezoun ki pehchan ka zariya bhi. A19: Koi nahin.... na kisi lamhay ka intizaar hay...aur bhoolna tou sub kuch chahta hoon... A20; First Year and Second Year.. meri creativity khul ker samnay ayee thi.. A21: hay tou... per shayad yahan share nahin kersakta.. A22: Zindagi asal mein dhali dhalayee hi tou hay... haan agar mout ko dhalnay ki baat kahi jati tou mushkil darpaish ajati... Zindagi fani, ghair haqeeqi aur bay sabaat entity hay... issliye alfaaz mein ajati hay... khair.. ye ghair fani Zindagi buhat taizi say la fani zindagi ki aghoush mein panah lenay ki taraf douri chali ja rahi hay... aur contact point is known as DEATH.. A23: Muhabbat per aik poem likhi thi.. unfortunately pc say sari poems delete hogayee hein... warna share kerdeta... 1.gif ")1") beech beech mein say yaad hay thori si Muhabbat zindagi bhi hay Muhabbat mout jaisi bhi Muhabbat yaad rakhti hay Muhabbat bhool jati hay muhabbat dil ki shakhoun per kabhi ger jhoool jati hay tou un tund mund si shakhoun per ik leher si dour jati hay naye sub rung miltay hein hazaroun phool khiltay hein buss itni yaad hay... A24: Khushi milti hay tou udaas ho jata hoon.. /udaas but... sub kuch jhatak ker.. ghar walouN kay saath share kerta hoon... /bhangra A25: Pasandeeda khushboo.. kachi mitti pay jab pani perta hay .. uss kay baad jo khushboo uthti hay... i love that... Q1. Name, Date and Place of Birth26. Muhabbat, Izzat, Shohrat... doulat... 27. hmmmmm mujhay tou apni her tareeef yaad rehti hay.... Preston University mein jahan mein parhata tha... wahan per aik function mein bachoun nay hud hi kerdi thi... wo yaad rahay ga hamesha... 28. Jazboun per depend kerta hay.. kisi ko appreciate kerna ho tou mein buhat garamjosh ho ker kerta hoon... apnay jazbaat chupana chahta hoon.. aur kamiyab rehta hoon... jab tak mein na chahoon kisi ko meray behaviour say jazbaat ka andaza nahin hota.. waisay.... jab izhaar kerna chahta hoon tou koi problem bhi nahin hoti... kis tarhaN kerta hoon? /thinking pata nahin.. different tareeqay hein... 29. Mein PAGAL HOON 30. Ideal per yaqeeen nahin rakhta.. 31. bachay baqoul younus butt... kay jab bhi duniya mein koi naya bacha aata hay tou is ka matlab ye hay kay Allah abhi insaniyat say mayoos nahin huwa.. I Love them.... meray ghar mein agar kahin say koi bacha ajaye tou mein sub kuch chour chaar ker uss kay saath khelnay beith jata hoon 32. Dimagh ki 33. abay phir late hojaoonga office say aaj... /oopz /bhago 34. ghar ka kaam? abhi tou ghar ka kaam kernay ka time hi nahin milta.. laikin kuch puk raha ho tou haath batanay mein maza ata hay... /hangamaaur istri kernay say shadeeed nafrat hay..  35. bhool janay ki adat say.... 36. ikhlaqiyat, riwayat, nazariyat ki hud tak... ibadaat ki hud tak kam kam hi kerta hoon 37. gheebat 38. Mukhalif sinf.. buhat kam hota hoon kisi larki say mutasir hota hoon.. laikin apni shakhsiyat rakhnay wali larkiyon say mutasir ho jata hoon... ab meri samajh nahin araha kay kaisay bataoon... /blush539. her tarhaN say mana sakta hoon.. paaon bhi par jaoonga... 40. Shadi aik buhat hi piyara bundhan hay.. jo insaan ko complete kerta hay.... akser teenagers shadi ko destination samajh beth tay hein... halankay wo tou shuruaat hoti hay asal zindagi ki... mein arrange marriage kay haq mein hoon41. Muhabbat per hi yaqeen nahin rakhta.... issliye kay pehli nazar mein aap kay senses mutassir ho saktay hein... .dil nahin.. na dimagh... 42. Hmm.. koi aik aisa dost nahin jis ko sari batein batata hoon... but phir bhi... mystique hein jin ko sub say pehlay her baat maloom hoti hay.. aur offline friend Sarfaraz and Noman .. in teenouN kay baray mein yahi bataoonga kay buhat hi khunda paishani kay saath.. aur sabar-o-tahammul kay saath meri bakwas sun letay hein 43. Dosti tou shayad muhabbat mein badal sakti hay.. laikin muhabbat dosti mein nahin badal sakti.. kion kay muhabbat aik aisa sailab hay jo apnay saath sub kuch baha ker ley jati hay... aik aur baat bataoon.. Muhabbat itni taqatwar hay kay kay agar usski shape change kernay ki koshish ki jaye tou nuqsan khud ka hi hota hay... Love marriages ka hashar dekh lein.. 44. hmmmmm.. haan aisay kayee loug hein... meri aik cousin thi... jis say meri pehli mulaqat huwi thi aik Shadi mein, wo rehnay ayee thi... kafi choti thi mujh say... but 3 days mein hamari achi khasi gupshup hogayee... hamaray mizaaj kafi miltay thay.. aur wo bhi kafi composed larki thi... aaj tak mujhay yaad hay.. halaankay iss baat ko 8 years hogaye hein... aur uss say aaj tak doosri mulaqat nahin huwi... 45. Hallagulla mein sub say hi buhat achi dosti hay... for example... Mystique (shabnam fatima), Alone (Waseem), Marasi (Zahid), Munda Sialkoty (Aamir), Hidden Truth, Alltreasure (Rabiya), No nick (Arshad) ab sub say ziada mein nahin keh sakta.. kion kay mein friends mein equality hi rakhta hoon.. muharrikaat ye kay ye sub loug itnay achay hein kay inhon nay mujh jaisay bekaar say aadmi kay saath dosti kerna bhi pasand kerliya.. 46. aaap dus chour hazaar questions kerlein.. kisi ki shakhsiyat ko nahin jaan saktay.... issliye aaj tak mein nay kabhi kisi say iss maqsad kay tehet sawalat nahin kiye... mein aur buhat sari cheezouN say insaaan ki shakhsiyat ko jannay ki koshish kerta hoon.. 47. hmmm.. mein nay tou buhat saray logouN say buhat kuch seekha... apnay Father say naiki ker kay darya mein daal dena.. apni ammi say logouN kay kaam ana... apnay aik boss say tolerance seekhi.. meray students nay bhi mujhay buhat kuch sikhaya... meri pasandeeda shakhsiyat, bachpan say jin kay jaisa banna chahta tha... wo Shaheed Hakeem Muhammad Saeeed .... jin zalimouN nay un jaisay farishtay ko qatal kerdiya Allah unko kabhi muaf nahin karay ga.. 48. Dosti tou dosti hoti hay... Internet tou medium hay... issliye meray liye koi farq nahin hay.. jab hum amnay samnay hotay hein tou baat kernay ka medium hawa hoti hay... buss internet nay ussi medium ki jaga li hay.. dost ki nahin... Internet ki duniya mein, mein thora expressive hoon.... aur bhi loug expressive hotay hein... bahar ki duniya mein buhat pabandiyoN ka khayal kerna parta hay. . Muhabbat per hi yaqeen nahin.. aur internet wali per tou bilkul bhi nahin.. 49. hmmm. .. meray Father ki naseehat kay Mehnat kabhi zaya nahin hoti.. aur agar niyat naik ho tou manzil zaroor milti hay.. 50. Hallagulla kay sathiyoN kay naaam ye payghaam hay kay wo sub loug hamesha khush rahain... hastay gatay khilkhilatay rahain... laikin saath saath apnay aas paas unlogouN mein bhi khushiyan bantnay ki koshish kerain.. jin kay liye din mein aik waqt ka pait bhar khana bhi ayyaashi hota hay... Last edited by Ankaboot; 02-06-2005 at 08:53 AM.                  |
|
| Tags |
| lamha |
| Thread Tools | |
| |
Similar Threads | ||||
| Thread | Thread Starter | Forum | Replies | Last Post |
| Ek Lamha | mdimran_ansari | Urdu Poet Club | 7 | 02-16-2008 05:37 PM |
| ~!! Eik LamhA JAan Sey Jaaney Ka Eik Lamha Zinda Rehnay Ka !!~ | ~ HijR ~ | Nazam | 9 | 10-20-2007 10:56 PM |
| Lamha lamha tere wajood main baser hota | ~*Tamanna*~ | Nazam | 13 | 09-29-2007 04:43 PM |
| Ek Lamha ! | hellstranger | Ghazal | 12 | 08-20-2007 04:41 PM |
| Happy Birthday Lamha .. 29th July...!!! | ~ Manahil ~ | Announcements | 306 | 08-10-2007 03:04 AM |
TOTW/F/M Award(s): 1
Aik Lamha 
