Urdu Poetry Forum

**Ankaboot** · #1 01-23-2005, 11:20 AM

Aap ka Asal Naam ?

Shareen Ahmed

Aap ki Jai Paidash aur Tareekh Paidash ? Ajkal Rahaish kahan hay ?

Hmm Jai Paidaash London k aik hospital Whipps Cross k aik bed pe ... errrr /ohno1 Well london mein .. aur tareekh 8th May 1982 ... Ajkal Bhi yehi UK mein hoti hoon !!

Shadi Shuda hain ya ghair Shadi Shuda? Shadi ka kab ka irada hay?

Abhi tak tu sirf Mangni "Shuda" hoon aur abhi mazeed 1, 2 saal issi position par rehney ka irada hay .. Baki Allah di oh hi jaaney ... Merey apney iraadey tu abhi dooor dooor tak nahin but meri sunta kaun hay ... !!

Ghar mein kitney log hain? Sab se zyada dosti kis se hain??

Ghar mein Mashallah se hum 5 paanch log hain .. Parents, Meri Baaj, Mein aur chota bhai ...

Dosti, as "dosti" tu kissi se nahin ,, sab se banti hay aur khoob banti hay ,, i treat em all differently ... Sab se mukhtalif tarah ki hi understandin hay

Aajkal kya kar rahi hain? Parhai, Job ya ghardaari?

Ajkal tu Parh rahi hoon .. Well pichley 18 saal se kehna zyada behter ho ga /aw .. Diploma kar rahi hoon Computing mein . final year hay saath mein ghar daari bhi hoti hay /jin1 ... yeh Job shob is not 4 me ... Wesey kuch ghor o hoz mujh se majboran karwaya ja raha to seriously get a job ... now lets c

Ghar k kaamoun mein konsa kaam sab se shauq se karti hain? aur kaun se kaam se jaan jati hain ?

Choochoo ki bachi yeh mera interview hay yaar ya merey pol kholney ki koi sazish ...

Oo Well Koi kaam bhi shauq se nahin karti ... Temme ppl kaun insaan routine k borin kaam shauq se karta ho ga , i can bet no 1 .. so how can i b the odd one out .. I jus simply dont like doin nethin ... haan wesey aik baat batati chaloon by sayin all this doesn mean that i cant do all this .. to tell u i Can cook ,, clean .. ummm .. ummm .. .. list tu mukk gai ... i assure u guys i can do absloutely everything

... aahoo ;D

Kis kaam se jaan jati hay ,, oo Well that got to b ironin .. ufffff Iron ejaad karney waley ko koi Poochey .. Istari karni bohat bohat bohat buri lagti hay :( ,, cos masla yeh hay k aap ko aik jagha pe kharey ho k karna parta hay na /aw ,, u cant move around istari k naal .. aur phir mujh se sahi hotey bhi nahin ... creezein shareezein nahin parti phir bisti hoti hay

... @ !!

Apni koi achievement jis pe fakhar ho ?

Achievement .. Oyee ae ki honda hay ..

No Fakhar wali tu koi achivement nahin

... haan aik ho sakti thi lekin woh choomiyat ki nazar ho gai .. mujhay bohat bachpan mein Ice cream lady banney ka bohat shouq tha

.. lol

.. khair phir kuch arsey baad yeh shauq Dr banney se badal gaya .. koi bhi poochta k kya bano gi mein fatt se zara akar k jee Dr

.. par jab 8th k baad 9th mein admission liya tu mein science subjects hi lena bhool gai .. kaafi arsey baad yaad aaya haww menu te dr banna c /mad ... Aur phir mein ne tab se ley kar aaj tak .... Gharoor ka sar neecha ... /aw !!

Lolz mazzaakin na ) ...

Kis kisam ka muziq sunna pasand karti hain ?

Ummm dont mind any kind of music as long its in desi langauge n in sur ... Iqbal Bano bhi pasand hain aur Ali zafar bhi .. Aur selection Mood k mutabiq .. Sad, Bhangra, Ghazlein, classic, old hits, pop. anything ...

Apni 3 achi aur 3 buri aadatein batayein ?

Yaaar choochoo not fair ... achiyaan sirf 3 .. jao nahin khed rahi mein .. sirf 3 bataoon aur baki jo chabbi hazaar hay un ka kya karoon

Achaiyaan yaar khud se batatey huwey 1st time .. .. ummm

1. Sabar aur bardasht ka maada bara hay mujh mein
2. Soft hearted n soft spoken > ..
Yaar cant think of any i asked baaj ,, stupid kehti hay ho tu bataoon na
buraiyaan >

1. Ziddi bohat hoon
2. can b very Aggresive >
3. Possesive inteha ki hoon

10. Aap ki sab se bari kamzori?

Ummmm confused ... kamzori ... shayad sab kuch , aur shayad kuch bhi nahin ... waqt waqt ki baat hay .. aik umr ka aisa daur hota hay k kissi aik cheez k baghair bhi nahin raha jata . aur phir aisa waqt bhi aa jata hay k ........... insaan har cheez k baghair rehna "seekh" leta hay .. khair phir bhi apney qareebi rishtey i cant resist em warna aur koi "cheez" aisi nahin k jo kamzori ho ...

Haan yeh hay k Aalooo merey saamney parey ho aur woh mein na khaoon tu thats sumthin out of world ... mein daant kha leti hoon even bhi kha leti hoon lekin saamney aaloo parey ho tu bardasht nahin hota

11. Zindagi mein kissi cheez ya shakhs ki kammi mehsoos hoti hay ?

Kis cheez ki kammi ... filhaal tu Sakoon ki ... baki tu Allah ka diya sab kuch hay .. kissi cheez ki kammi nahin ... khwaishoun ka kya hay woh tu jitni lambi list bana ley ban jati hay .. lekin mein kaafi content person hoon .. jo hay ussi mein khush rehna mujhay aata hay .. khwab nahin dekhti k yeh ho aur woh ho ..

12. Preshani ya depression mein kya karti hain ?

Hmm kya karti hoon ... Zahiri baat hay k pareshan ho jati hoon aur depress hoti hoon ...

Umm pareshan mein bohat jald ho jati hoon choti choti baatoun pe .. chotey chotey dukh zyada chubtey haii .. chup ho jati hoon .. total silence... depression mein amooman raat mein ho jata hay aur halat bohat kharab ho jati hay ... jo mein karti hoon woh bawaja sumthin seegha e raaz mein rakha ja raha hay ...

13. Khushi ka izhaar kaisey karti hoon ?

Khushiii mein ... bohat hansti hooon .. jump karti hooon ... bilkul hg k smilie " /clap " wala namoona ban jati hoon .. lol ... shokhi bhi ho jati hoon

14. Koi aisa kaam jis pe bohat fakhar ho ?

Yaar menu lagda hay peya k idha jawab mein pehley v dey chuki haan .. yeh tum baar baar kyun pooch rahi ho .. meri bisti karwaney k mood mein ho kya choochoo .. hasrat rahey gi yeh tumhari

Aisa koi kaam nahin kiya k jis pe fakhar ho ... aur kiya bhi tu fakhar wali kya baat ..... Haan wesey 8th class tak mein har class mein 1st positions leti thi .. uss pe kabhi kabhi fakhar hota hay lekin yeh sochtey hi k 8th k baad jo merey results rahey tu meri fakhar ki imarat fauran se tey jati hay aur mein sharminda ho jati hoon

15. apney barey mein koi jumla jo hamesha yaad raha ?

Hmmmm ... haan hay aisa aik jumla

16. Aik naghma jo aksar gungunati hain ?

Umm koi particular tu nahin hay .. jo yaad aa jaye .. dil ki tanhai ko awaaz bana letey hain ,, dard jab had se guzarta hay tu gaa letey hain .. zyada tar sarrey huwey gaaney oo i mean k sad hi gungunti hoon

17. Batooni hay ya kam'go ?

Ummm batooni hoon ... lekin kam'go bhi hoon ...kabhi kabhi apni pareshani chupaney k liye bohat zyada bolti hoon inteha ka .. aur kabhi pareshani mein bilkul dead /crazy

18. Kis cheez se sab se zyada darr lagta hay?

Ufff fo mein nahin bata rahi .....

Mujhay aik choozey se ley kar har choti se choti aur bari se bari cheez yani Basit se darr lagta hay .... aur sab se hi bohat zyada darr lagta hay ... Basit se tu wesey kamm hi lagta hay . undherey se , seerhiyaan charhtey huwey fone ki bell koi front door knock karein tu lagta hay cos we use our back door na ... Jus mazaakin mein kissi cheez se bhi nahin darti

19. Agar apni maut ka aik din pehley ilm ho jaye tu konsa 10 kaam karna pasand karein gi ?
Maut

Ummm shayad mein ussi waqt zehni tour par mar jaoon gi ... mujhay darr lagta hay maut se ... kyun k got noffin in hand which i can take wiv me ..... Khair kya karoon gi

1. Apni mamaa se maafi maangoon gi .. mamaa ko bohat bohat bohat tang jo kiya hay Unhein boloon gi to stay wiv me !!

2. Apney gunahoun ki tuba karon gi .. Allah se !!

3. Sab se maafi mangoon gi .. sab ko miloon gi unhein paal karoon gi

4. Sab qareebi rishtoun ko apney paas bula loon gi ..

5. Wasiyat likhoon gi...

6. Aik do aur zaroori kaam hay woh karoon gi

7. ummm i dunnoo !!

20. HallaGulla mein kis shakhsiyat se milney ka ishtiyaaq hay ?

Umm jin sab se bohat achi dosti hay un sab se hi milney ko dil karta hay

Chooochoo se , Aashuu se , dado se , aashi se , nain se , durdi , biya se , Afeef se , Basit , Adeel , Tweenies yani Sagar n Mahee , aur bhi hay kai parda nasheen

Par ....... !!

21. Aap ki zindagi ka khoobsurat tareen din ?

Har woh din jab mein khush hoon khoobsurat tareen hota hay .. otherwise no particular 1 !

22. Zindagi ka koi na khushguwar lamha share karein ?

Ooo helloo .. yun hay k .. Jaaney dey , jaaney dey thori hawa aaney dey .... Na'khushguwar lamhey share karney aandey hondey te rona hi kadhi da c ..... !!

Koi Aisa hay hi nahin k share kiya jaye ,, Allah ka bara shukar hay ...

23. School ya college ka koi mazedaar waqeya sunayein ?

Lolzzz pehley hi hansi aa gai .. itney incident hay k aik bhi yaad nahin aa raha ... ummm actually jo sab se mazedaar hay woh mein suna nahin sakti cos lolzz .. bas nahin suna sakti na .. .. achaaa ummm jo sa se pehla waqeya yaad aaya hay
Jab nai nai pakistan gai thi mein .. tu i think skool k 1st hi weeks mein huwa yun k .. bairsh ho rahi thi .. actually tab urdu bolni nahin aati thi .. bas punjabi aur english hi .. i was 5 at that time .. barish ho rahi thi barey zor se .. tu classroom mein jahan mein bethi thi pata nahin kaisey chatt tapakna shuru ho gai /crazy .. class mein teacher nahin thi .. bahir aayii dekha tu teacher bahir khari hay aur saath mein meri phupo bhi khari hay .. woh khorey kyun aayi hui thi .. mein jee hufti hufti pohanch teacher k paas aur jaatey saath hi kaha k Miss miss chatt "cho" rahi hay ... Cho yani k tapak rahi hay .... ufffff teacher aur phupo hans hans k .. yeh na socha k bachi hay ... phupo ne ghar aa kar sab ko bataya ...sab hansey aur baar baar poocha k kya huwa tha chatt ko :angry .. abhi bhi aksar kissi ko yaad aa jaye tu .....

24. HallaGulla k Barey mein apney khiyalaat ka izhaar karein ?

HallaGulla k barey mein kya kahoon ... mera wahid interest HG hi hay ... hg na ho tu phir kuch parh leti hoon ... ummm aur kya kahoon

25. Aalooun se apni walehana aqeedat ki wajhoohaat beyaan karein

Lolzzzzzzzzzzzzzzzzz .. khotii choochoo

Dil kar raha hay rakh k aik lappar doon tumhein choochoo .. lolzz

Koi wajha nahin hay bas Aaloo bohatttttttttttttttt tttttttttttttttttttt tttttttttt ttttttttttttttttt mazay k hotey hain ... jis cheez mein daalo tu maza dobala .. diff shape mein khaye ja saktey .. har moqey pe khaye ja saktey n mostly yeh k easily available .... Tubaa hay yaaar mujhay sharam aa rahi hay batatey huwey khotii yeh bhi koi sawaal hay poochney wala

26. Agar aap ko kaha jaye k sirf aik makeup karein tu woh kya ho gha?

Mein make-up nahin karti na hi karna aata hay .. umm khair agar koi aik ka kahey tu mein maskara laga loon gi ...

27. Zindagi ka koi hissa jo aap chahti hay k laut aaye ?

Hmmm haan Bachpan ka .. udaasi, gham, har fikar se azaad daur .. na fikar na faaqa bas aish kar kaka ...

28. Duniya k Aisey 5 muqamaat jahan jaaney ki bohat khawish hay ?

.... ... Hmm Umm Pakistan k Northern Areas ... Datta Darbar langar khaney ... aur Korea .... ..

29. Larkoun ki konsi aadat achi lagti hay. konsi aadat buri lagti hay ?

Hain .. konsey larkoun ki .. lolzz har aik ki mukhtalif aadatein hoti hain .. umm wesey khamkha mein ashkan maarney ki . shekhi bigharney ki aadat buri lagti hay ya baaloun mein haath pherney ki .. Achi konsi lagti hay ummmm .. jo khawateen ki izzat karna jantey hain .. ab khair na har koi acha hota hay aur na hi har koi bura

Yaar choochoo bara hi bonga Q tha yeh tumhara ....

30. Larkiyoun ki konsi aadat achi lagti hay, konsi aadat buri lagti hay ?

phir wohi ... choochoo ... acha khair

ummmm dheema bolney wali larkiyaan achi lagti hay .. aur woh jo mohtaat pasand hoti hay ... aur buri aadat .. maghroor larkiyaan achi nahin lagti ... choochoo this 1 is especially 4 u .... lolzzzz ..
31. Agar zindagi mein kuch badalney ka moqa miley tu kya badalna chahey gi ?

Ummm nahin mera nahin khiyaal k kuch badalna chahoon gi

32. Kis kisam k log achey lagtey hain? kis kisam k burey lagtey hain?

Frndly. soft spoken, intelligent, witty aur har mahoul mein adjust karney waley loug pasand hain ... Umm burey wohi jo log dharaley se jhooot bol jatey hain ya phir jo dosroun pe tanz kartey hain. maghroor log bhi bardasht nahin hotey

33. Koi aisa kaam jis pe pachtawa hota ho?

Nahin.. chotey motey waqti pachtawey tu hotey hi jatey hain lekin koi aisa bara pachtawa nahin .. mein koi bhi kaam sochey baghair nahin karti .. jis mein zara sa bhi doubt ho i rather wont do it cos pachtawoun k saath mein zinda nahin reh sakti ... mujhay bohat saaf suthri , khud'daar zindagi jeena hi pasand hay !!

34. Apney aap ko 10 saal baad kahan khara dekhti hain?

Kitchen mein apney pairoun per

35. Koi aisa jumla jo sunney ki khawish ho?

Hmm haan hay aisa jumla jissey sunney ki khwish hay .. lekin woh mujhay sunnna hay aap ko thori jo bata doon

36. Bachpan ki sab se purani yaad kya hay?

Yaaad ... ... haan jab mein aik baar chutti time skool mein hi reh gai aur mama ghar aa gai thi ... ... ya aik scene jo aksar zehan mein chalta hay .. Ummm mein custard khatey huwey aur uper "hundred n thousands" sprinkle kiye huwey .. ufffff yummmm lubly

37. Koi geet ya nazam sunayein jo aap ki akaasi karta ho?

Umm koi nazam ya geet tu koi nahin zehan mein iss waqt .. haan do shair hain Amjad Islam Amjad ki ghazal k .. hasb e haal hain woh sunati hoon

Sar taaq-e-jaa'n na chiragh hay pas baam e shab na sehar koi
Ajab ik arsa daraaz hay, na gumaan hay na khabar koi

Nahin ab tu koi malaal bhi, kissi wapsi ka khiyaal bhi
Gham be'kassi ne mitta diya, merey dil mein tha bhi agar koi

38. Aap ki nazar mein zindagi kya hay?

Zindagi ... aik imtihaan hay .. jis k har morh per aik neya sawaal saamney aa khara hota hay ... aur ussey hal karna hi parta hay .. aur saarey sawaal lazmi hotey hain .. koi chhoot nahin milti

39. Aap ki nazar mein mohabbat kya hay ?

Mohabbat ... Mohabbat taqat hay aur at the same time ... ummm mujhay nahin pata ... ..

40. Jazboun ka izhaar aasaan lagta hay ya mushkil?

Mushkil, be'inteha mushkil.

41. Apni behtareen dost k barey mein batayein?

Lolzzzzz ... i dunno y it made me laff .....

Meri behtareen dost .... ummm Chooochoo ...... Haan choochoo meri sab se achi dost .... bohat mazay ki understandin hay hamarey beech ... dono aik doosrey ko achi tarah samjhti hain ... one sweet woman i mean gal that i know .. mujhay bohat pyari hay meri choochoo ...

Iss k ilawa aik cousin hay meri .. woh bhi bohat achi dost hay

42. Aap ki nazar mein dosti kya hay ?

Dosti ... aik bohat hi sacha aur nazuk sa rishta .. kahin parha tha k woh shakhs bohat bad'kismat hay jis ka koi dost nahin .. bohat sach kaha jis ne bhi kaha ... Dosti aik aisa rishta jo apney honay ka ehsaas dilati hay .. jahan kissi k liye aap ehmiyat rakhtey hain aur koi aap k liye .. !!

43. Kabhi aisa huwa k sab k hotey huwey aap ko tanhai ne aa ghera ho? agar haan tu kya mehsoos hota hay?

Haan aksar ho jata hay, aur tab bohat wehshat c honey lagti hay, cheekhney ko dil karta hay .. aur bas ooncha ooncha roney ko jee chahta hay ..

44. Agar aap ko 1,000,00 mil jaye tu un ka kya karein gi ?

lolz .. 1.000.00 kya mil jaye ....

45. Kis cheez se sab se zyada dar lagta hay?

Mein darpok larki hoon .. har cheez se hi dar lagta hay

46. Agar koi faisla karna hay aur dil aur dimagh mein jang ho rahi ho tu kis ki baat maaney gi ?

For sure Dimagh ki hi sunoon gi .... kyun k mostly mein dimagh se hi faisley karti hoon .. dil ki baatoun mein kam hi aati hoon

47. Agar aap ko teen khawishoun wala jin mil jaye tu kya khwaishein maangey ghi?

Maangney ki nobat tu tab aaye gi jab hosh mein rahoon gi ... jinoun se mujhay bara dar lagta hay .. mein sure behosh ho jaoon gi .. ... khair agar hosh aaya tu jin wohi huwa tu umm pehli khawish yeh ho gi k tum jin sahib merey ghulaam ban jao ... agar maan gaya tu phir baki 2 ki kya parwa ....

48. Kya aap apni zindagi aur halaat se mutmain hay?

Mutamain tu koi nahin ho pata .. lekin khush hoon mein .... Allah ka bohat shukar hay !!

49. Apney aap ko 3 ilfaaz mein beyaan karein?

1. Bohat
2. Achi
3. Hoon

50. HallaGulla k dostoun k naam koi paighaam?

Mera paighaam mohabbat jahan tak pohanchey

Bas yehi k Mohabbat se baat karein sab se ... hans k jitna waqt milta hay aik doosrey k saath guzaar ley .. choti choti baatoun ko aana ka masla na banayein. ignore karein unhein .. bas hansi khushi rahein

Urdu Poetry Forum

Abresham

Abresham