Urdu Poetry Forum

**Ankaboot** · #1 01-23-2005, 02:30 PM

1)aapka mukammil naam,, tareekh paidaish...aur jaye paidaish.

Ayesha Ahmed.... 18th Nov... Karachi

2) apka naam kis ne rakha tha.....aur is ke maini kiya hain?

hmm naam mayra... mayre dada jee ne rakha tha...aur Ayesha ke maini hain ..Living, prosperous. [someone who lives in luxury]

3)shadi shuda hain ya ghair shadi shuda....shadi ka kab tak irada hai ?? aur ajkal kiya kar rahi hain?

filhaal azaaad hoon ..... aur achay din guzar rahi hoon
iraday waise naik hi hain... kab hoti hai Allah behtar jantey hain.... ajkal job kar rahi hoon... hospital administration main. .gif[/img]

4)shairi kab shuru ki apne...apne jo pehli nazm likhi woh kiya thi, aur jo pehli ghazal likhi woh bhi sunaein?

shairi ke jaraseem kafi pooranay hain.... bachpan se shairi parhne ka shaghaaf tha... to parhi thi jab... aur larakpaan se shairi likhna shuru ki ... baqaida silsila nahi raha...bas kabhi younhi baithey biathey kuch tukk bandi karli... pehli nazm is qabil bilkul nahi hai ke usay yahan paish karoon.... .gif[/img]
albatta jo pehli nazm HG pe share ki woh paish'e qidmat hai..

~Gharonda~

sagar sagar
teri lehrein
mayra gharonda
toor chali hain
kitni hi to mushkil se
apna ghar banaya tha
khawaboon se sajaya tha
teri sarkaash, zalim lehrein
mayra gharonda toor chali hain

ji ghazal ke chand ashaar likh deti hon yahan, jo sab se pehli koshish thi...

woh jo beete waqt main bichar gaye, woh jo janay aub kidher gaye
woh to zindagi se azeez they, woh loog janay aub kidher gaye

kabhi piyar tha, kabhi thi khushi, sukh chaoun ki woh ik kari
mayre dil main hai unki yaad basi,per woh chehre hain janay kidher gaye

kabhi sath hoti thi guftagu, kisi aur dunyaa ki justaju
woh haseen lamhay visal ke woh lamhay hain janay kidher gaye

5)nasar kab shuru ki aap ne, aap ne jo pehli threer likhi woh kiya thi, aur jo pehli tehreer thi uski bottom line batein.?

nasri koshishein bhi kafi poorani hain... pehlay pehaal shayad 7th/8th grade main jo choti choti kahaniyan likhni hoti thein school main...woh final exam main change karke khud apni likhi hui kahani likh diya karti thi,,,,aur teacher hairan hoti thein ke ye tum ne likhi hai .... phir silsila khatum ho gya...aur pehli baqaida thori dhaang ki nasar yahan HG pe hi likhi thi...title tha "Faisla"...link hazir hai...parh lijeye.

6)likhte huye kiya cheez inspire karti hai? jis ko dekh kar yeh ehsaas ho ke isay lafzoon main ana chahye?

kabhi kabhi koi jazba...ya woh kaifiyat jis main koi bhi tehreer ya shairi likhti hoon...kabhi kuch yadein hoti hain...bas wahi inspiration hai...

7)apni woh nazm ya ghazal ya nasar jo ap ko saab se zada achi lagti ho...jo saab se zada pasand ho apko?

yeh aik nazm likh rahi thi chand saloon pehlay... aur aub tak adhoori hi hai...laikin bohot pasand hai...hazir'e khidmat hai

main ke paband'e salasil bhi nahi
main ke ahni zanjeeroon main bandhi bhi nahi
main ke mehboob'e sitam bhi nahi
main ke azaad parbatoon pe urti koi pawan bhi nahi
kisi qees, kisi farhaad ki ro'e sukhan bhi nahi
main ke giraftar'e zamana bhi nahi
main ke jis ne kabhi kisi ko pukara bhi nahi
main ke jis ke chahaar so khushiyon ke ghubar hain
main ke jis ke har taraf rangaa rang bahar hai
main ke phir bhi rehti hoon
har samaay muztarib..!!!
main ke samajhti hoon ke...
mujh sa tanha koi nahi !!!
main ke sochti hoon ke...
main udaas hoon ke nahi
main udaas hoon ke nahi...!!!

8)woh koon se muharrikat they jin ki waja se shairi shuru ki?

baas shairi se shaghaaf bohot poorana tha...parhti bohot thi...aur aik dost (jo ke mayri sab se best friend hai) ki shairi ne bohot inspire kiya...aur usii ki suhbaat main is silsilay ki kari ko agay barhaya...aur yeh safar aub tak jari hai face.gif[/img]

9)shairi likhna asaan hai ya nasar?

mujhey shairi likhna asaan lagta hai.... nasar bhi koshish ki...bohot mushkil woh bhi nahi... bas kaifiyat ho to jazboon ko khayaalat ko alfaz ka roop dene main dair hi kitni lagti hai.

10)koon se shair ka kalaam saab se zada pasand hai?

Parveen Shakir, Sahir Ludhyanvi...aur Faiz Sahab...saab se zada pasand hain.

11)koon se nasar nigar ki nasar saab se zada pasand hai?

Banu Qudsia aur Bushra Rehman ki nasar zada pasand hain... Raja Gidh, Shikast'e Arzu aur Butt SHikan.

12)nasar, ghazal, aur nazm main koon si sinf zada achi lagti hai aur kiun? ho akay to in dono sinfoon main jis ko bhi aap tarjeeh dete hian, un wajoohat pe roshni dalain.

nasar aur ghazal main ne bohot hi kam likhi hain.... nazm likhna nisbatan asaan lagta hai...aur isi liye is sinf main tabaa azmaii zada karti hoon... nazm likhne ke liye mujhey khas toor se soochna nahi parta... bas koi khayaal,,,koi jazbaa... ya kaifiyat hoti hai aur soch khud ba khud alfaz ka roop dhar laiti hai.

13)zindagi main manziloon ki ehmiyat kiya hai aap ki nazar main?

yeh kuch manzil ke hawalay se yad aa gaya...

musaafir ke raste badalte rahe
muqaddar main chalnaa tha chalte rahe

koi phool saa haath kaandhe pe thaa
mere pa'oon sholoun pe chalte rahe

mere raaste main ujalaa rahaa
diye us ki aankhon ke jalte rahe

zindagi main manziloon ka taiyun bohot ehmiyaat rakhta hai...baghair manzil ke aap kisi bhi safar ka aghaaz nahi kar sakte...laikin sath hi raste ka chunaoo bhi bohot ehmiyat rakhta hai jo apko sahi manzil ki taraf gamzun karey.

14)younhi chalte chalte kabhi youn bhi hota hai koi mil jata hai. bichar jata hai.is shakhs ke barey main kuch bataein..jo younhi mila bichar gaya...phir abhi tak un lamhoon ki khushboo saans se na gai....

hmmm...zindagi main bohot se logoon se milte hain.. bichar jatey hain... aur har shakhs apna aik makhsoos andaz apki yaad ki dehleez pe choor jata hai... aisa koi aik nahi hai....

15)kabhi kabhi aisa hota hai ke kuch likhte hain barey chaoo se barey dil se... magar woh pazeerai nahi milti...aisey main kaisa lagta hai.

aisey main bilkul waisa hi lagta hai jaise ke kisi normal banday ko lagna chaheye .... :p.. laikin waise mujhey apna likha hua zada tar pasand nahi ata is liye bhi main itni pazeerai ki tawaqu nahi karti... face.gif[/img]

16)chaleye yeh bhi bataein ..jab kuch likhte hain aur loog bohot zada pasand karte hain..tawaquat se kaheen zada to kiya mehsoos hota hai?

yahan bhi wahi kahoongi ke khud ki shairi pasand nahi ati.. aur yehi samajhti hoon ke acha nahi likhti... laikin jab dost zada tareef kar dete hain to yaqeen nahi ata...magar acha bhi lagta hai, fitri amal hai na :p [shayad mayra dil rakhte hain]

.gif[/img]
17)shairi ke muqablay main shirkat karti hain aap?? pehli bar ap ne HG pe shairi share ki... ye bataein ke HG main aub tak woh koonsi nazm ya ghazal hai (kisi aur ki likhi hui) jis ne bohot zada mutasir kiya ho aur yad reh gai ho...woh nazm ya ghazal share karein...aue yeh bhi batain kiun achi lagi.

nahi abhi tak aik bhi muqablay main shirkat nahi ki... albatta dosron ki parhti hoon jo muqablay main hoti hai... waja wahi ke achi nahi karti...jo kisi aur ki yaad reh gai hoo... Biya ki aik choti si nazm parhne ka ittefaq hua tha... Hijr ke title pe thi...

kal us ne hinai hathoon pe mayre
sarey guzre lamhey rakh kar
kaha !
khuda hafiz

18)yeh bhi bataein ke HG pe konse shair aur shairaa ka kalam ba'toor'e khas parhti hain..aur acha lagta hai.

kisi aik ka intekhaab to mumkin hi nahi hai... kai naam hain...Basit, Noman, Sleepless, Aatif bhaiya, Inam, Hashim Raza..soft voice...aur bhi hain acha likhte hain.

shairaa main Shagufta Saleem aur Kanwal ka batoor'e khaas zaroor parhti hon...aur biya, anchal bajju, naina, isha... bohot acha likhti hain... khayal ka achootaa pan mujhey mutassir karta hai.

19)insaan sada seekhta rehta hai..yeh bataein aap ne aas pas kin shairoon se seekha aur aapne kis kis se kiya seekha hai aub tak.
20)apke khayal main apki shairi main kitna nikhar aaya hai aur woh koonsi khamiyan hain jo ap samajhti hian apko unper khaboo pana chaheye.

dono sawalon ka jawab yeh aik hi hai...
seekhne ka amal to pehli saans se akhri tak jari'o sari rehta hai...sabhi dostoon se kuch na kuch seekha hai...aur bohot kuch un shairoon ki shairi se bhi seekha jo itna acha nahi likh pate hain abhi... jinhon ne naya naya safar ka aghaz kiya...pata chalta hai ke kiya wajoohat rahi hongi jis ke bais yeh nazm ya ghazal itni dilkaash nahi lag rahi...mayri shairi main bandish nahi hoti... aub koshish karne lagi hoon ke bandish laoon.

21)yeh sawal aur inke jawabat likhte huye jo kaifiyat hai usko shairi ki shakal main likheye matlab abhi tak jo sawalat parhey aur jo jawabat diye inko agar mumkin ho to shairi ki shakal main kisi nazm main likheye.

hmmmmmmm...... bas abhi aisi koi kaifiyat nahi hai ke shairi karoon face.gif[/img]

22) acha chalain aub yeh bataein apko woh koon se aisey 10 sawaal karein gi kisi bhi naye milne walay se jis se aap uske barey main woh saab jaan sakein jo ap kisi bhi dost ko dost bananay se pehlay janna chaheingi.

main naye milne waloon se itni baat cheet nahi karti e 10 sawal karoon... aur waise bhi kisi ko jannay ke liye aap 10 to kiya hazar sawal bhi kar lein... mukammil tour pe nahi jaan sakte... kabhi kabhi to umer kaam hoti hai...aur kaheen to bas pal main barsoon ki shanasaii lagti hai.

23)dosti muhabbat main badal sakti hai..kiya muhabbat dosti main badal sakti hai? jo bhi jawab ho apka uski daleel ke sath wizahat kijeye.

yeh main interview de rahi hoon ke imtehaan @ daleel ke sath wizahat karein ...... lijeye khair jawab sunneye....gif[/img]

hmmmmm.. mayre khayal main dosti ke rishte ki bunyad hi kisi ko acha lagne se shuru hoti hai... ap unhi se dosti karte hain jo hum mizaj hoon, ya apko achay lagte hoon...waqt ke sath sath dosti muhabbat main zaroor badal sakti hai... aur main apni sahailioon se bohot muhabbat karti hon [ aub aap koi ghalat matlab nahi nikal lain .. ]... laikin khair shayad jis muhabbat ki taraf aap nishaan'dahi kar rahey hain... woh bhi dosti se muhabbat main to badal sakti hai... laikin phir agar koi si bhi wajoohat hoon aur muhabbat main visal na hoo to woh muhabbat dosti main nahi badal sakti... muhabbat sirf muhabbat reh jayegi...dosti nahi ban sakay gi dobara....

24)HG main saab se zada kis se sath dosti hai..aur woh koon se muharrikat hain jin ki bina per ye dosti hui.

hmmmmmm HG main...... biya aur diya se saab se zada dosti hai...aur Noman hain HG ke poet...unse bohot hi kam waqfay main bohot zada dosti hui... dosti ke muharikaat kuch aisey khas nahi hote... main daleeloon aur taveeloon ko madd'e nazar rakhte huye dosti nahi karti... dosti main izzat, piyar aur khayal ko dekha jata hai.. ham khayali ko dekha jata hai... aur kabhi kabhi to kuch bhi nahi...kabhi kabhi koi acha lagta hai to is liye ke woh "WOH" hai..waisa hai.

25)apne us dost ke barey main bataein jis se aap kuch bhi nahi chupa saktein. jo apka saab se bahtareen dost hai , hamraz hai.

yeh mayri ammi hain .gif[/img]

26)kiya koi aisa shakhs bhi hai jis se chahaa dosti ho..per na ho saki...koon tha/thi woh..aur kiya kami rahi hogi jo aisa na ho saka.??

nahi aisa koi bhi nahi ... jin se bhi chaha dosti hoo ... ho gai... face.gif[/img] consider myself lucky...

27)apne ird gird logon ka woh koon sa rawaiya hai jis se bohot kooft hoti hai aur dil chahta hai ke kaash loog bas yeh aik kaam karna choor dein.

doghlay logon se bohot chirr hoti hai mujhey... double face.... aik chehre pe kai chehre saja laite hian loog... jo hote nahi woh dekhate hain... aur baad main kuch aur nazar aatey hain...

28)mukhalif sinf main kaise loog bohot impress karte hain?

hmmm........burdbar kisam ke..apne faislon pe amal karne walay...jo aurtoon ki izzat karte hoon, unhain azaar nahi puhnchate hoon....zaheen hoon...vast knowledge walay...face.gif[/img]

29)agar koi jaan se azeez rooth jaye to kaise manati hain?

jaan se azeez ko pehlay to roothne nahi deti...laikin phir bhi agar mayri waja se roth jaye to koshish karti hoon ke waja pochoon...jo budgumani paida ho gai hai usay door karoon... sorry karti hon,,,mujhse narazgi sahi nahi jati phir jaan se azeez ki to roo roo ke mana hi loongi....waise aisa aub tak koi hai nahi.....

30)rang humari zindagi main kiya ehmiyaat rakhte hain?

rangoon ki ehmiyat se to inkaar mumkin hi nahi hai... rangoon se hi to dunya haseen hai...khoobsorati hai her shay ki...rang to zindagi ki alamat hain...qudrat ne rang na rakheye hote to yeh daraakht, pahaar,,,phool,,,seh ra... saab mukhtalif kaise lagte ...her aik cheez ka husn uski apni inferadiyat ki wajah se hai.

31) koon sa moasam pasand hai ?

khizaan ka maossam pasand hai...jab pattay apna rang badalte hain...aur kaheen zard to maroon,,,peelay aur laal rang ke ho jate hain... bohot khobsoorat lagta hai woh samaN.

32) zindagi ka woh lamha jo aap chahti hoon ke lout aaye.

bohot se aisey lamhay hain... magar apni best friend ke sath guzarey huye lamhey dil chahta hia ke phir se wapis lout aayein.face.gif[/img]

33) aapki zindagi ka khobsoorat tareen hissa?

ahaa.....school ka zamana... mazay karte they... befikri ka dour.

34) zindagi ka koi na'khushgawar waqaiyaa tehreer karein.

nakhush'gawar batein...cheezain... loog.. main yaad nahi rakhti...

35) zindagi andherron se ujaloon ki taraf kab ati hai?

light jalanay se ......aur seriously..jab apko roshni ki kiran mil jaye...koi jugnu miljaye... jo andhairoon main roshni ki naveed ban ke chamkay... bas phir sarey gham,,,sarey dukh,,, sab andaishay aur andhairey ujaloon main badal jatey hain. face.gif[/img]

36) zindagi ko lafzoon main dhaleingi to woh kaisi lage gi?

hmmm zindagi ki jab bhi baat hoti hai to mujhey yehi chand ashaar yaad aaatey hain... ap bhi sunein...

zindagi ne apni umer di hai hum ko qarzay main
hum is liye apna ik ik lamha zindagi ko dete hain
umer paii hai hum ne zindagi nahi paii
umer khatum hone peer zindagi ko payein ge hum

to abhi zindagi ko samajhna,,,usay jeena...aur mehsoos karna baqi hai... itni jaldi zindagi ke barey main kuch kehna mushkil hai... abhi usay mukammil samajh to lain...face.gif[/img]

37) khushi milti hai to kaisa lagta hai. aur uska izhaar kaise karti hain?

roti hon khoob zor zor se......gif[/img]..obviously khushi main waise hi jaise aam normal loog khush hote hain...hansti muskurati hoon... khush ho gati hon... jo bhi koi kaam kehta hai jaldi se kar deti hon.. zada nakhre nahi hote us waqt ..:D

38) apni koi aisi tareef jo hameesha yaad rehi ho.

nahi aisii koi nahi hai... .. saab hi gisaay pittay (tum bohot achi hoo)..hunh

39) jazboon ka izhar karna asaan lagta hai ya mushkil?

hmmm...depend karta hai ke banda koon hai... kitna janti hoon...waise mushkil hi lagta hai...isi liye poetry ke zariye izhar'e khayal karti hon..

40) apne aap ko teen lafzon main bayaan karein.

.gif[/img]......aub main khud ke barey main kiya kahoon.... itni batein hain aur baas 3 lafzoon main.....not fair......waise phir bhi koshish karti hoon... stubborn,,,loving... trustworthy .gif[/img]

41) ideal per yaqeen rakhti hain? agar haan to apne ideal ki kuch khasosiyat ginwayein.

nahi bilkul bhi nahi rakhti..

42) bachay is dunya main khobsoorsti ka ehsaas hote hain. apki kiya raye hain inkay barey main.

bilkul hote hain...khobsorti ka ehsaas...nannhay farishte...unki muskaan pe hi aap sarey jahan ke gham bhool jatey hain...piyare se...

43) agar aap likhtein na to kaise apne aap ko express karna pasand kartein?

hmmm,,, agar na likhti to painting karti ..face.gif[/img]

44) faisla karte huye dil'o dimagh ki jang ho to aap kis ki baat maneingi?

jang hoti hai... bohot bar hoti hai.... aur faislay zada tar dil se hi karti hoon...gif[/img].

45) subha ka saab se pehla ehsaas.

Allah ka shukar adaa karti hoon ke usne mujhey yeh khobsorat din dekhne ka sharf bakhsha...

46) apni zindagi main islam ko kis had tak lago karti hain?

Alhamdolillah bohot had tha,,,yeh zindagi humari Allah ki ata karda hai aur humara deen uska pasandeeda tareen deen to insaan ko chahye ke Allah se qurb hasil karna hai to deen ko apnaeye... us pe amal karey... had'darja koshish karti hoon ke apne deen per chaloon...Allah hidayat dein bas ke hameesha aisa hi rahey....ameen summa ameen

47) ghar ka konsa kaam shouq se karti hain. koon sa kaam karne jaan jati hai?

kaam to sarey hi main karti hoon to shouq se hi karti hoon...aub bezari se karnay ka faida nahi ke jis kaam ko dil se na kiya jaye woh itna acha nahi lagta...aur jab karna hi thehra to piyar se kare banda... kabhi kabhi loundry karne se bohot jaan jati hai.. magar karna parti hai

48) apki kis adat se dost aur ghar walay bezaar rehte hain?

hmmm,,,,ghar walay to kahili ki waja se ke apna khayal nahi rakhti zada...aur dost...hmm yeh doston se pochein face.gif[/img]

49) buzurgon ki, ki hui koi aisi naseehat jo hamesha yaad rehti hai.

hmmmm........ still.....nahi koi aisi yaad nahi aa rahi .

-Bonus-
yaad'e mazi azaab hai ya Rub!.... apka is barey main kiya khayal hai?

yeh depend karta hai yadoon pe... kisi ke pas kaisi yadon ka khazana hai... achi yadein hoon to azaab nahi hoti...balkay sarmaya'e hayat hoti hain... aur yehi yadein jab kisi ke jeene ka asraa hon aur achi bhi na hon to azaab hi hoti hain...koi kaise jiye phir..face.gif[/img]

-aaina dekh ker kiya khayal ata hai?

haii Allah..... .gif[/img] main kitni khoobsoorat hoon...

-kabhi bohot rone ko dil kare aur rona bhi na aye to kiya kareingi ap?

rona aa jata hai...

-zindagi zinda'dili ka naam hai. apka is barey main kiya khayal hai?

haan bilkul... zindagi aik baar mili hai...Allah ki naimaat hai... us ka shukar ada karte huye usay ehsaan tareeqe se jeena chahye....khud bhi khush rahein aur dosroon main bhi hameesha khushiyaan bant'ne ki koshish karein... face.gif[/img]

-koi jannay wala ap ke samnay aye aur kahey ke usay ap se muhabbat hai (apko us sey nahi hai). to is waqt apke ehsaasat kiya honge..apka radde amal kiya hoga.

hmmmm.... main kahongi..... sorry...:(..zabardas ti ke rishte nahi nibha sakti main...isliye muazraat kar lena behtar hai.

-koi jannay wala apke samnay aye aur kahey ke usay ap se muhabat hai (apko bhi woh acha lagta hai) to phir apke ehsasaat aur radde amal kiya hoga?

bilkul aisa :D

-agar apko 3 khawahishat waala jin mil jaye to apki khwahishat kiya kiya hongi.

hmmmm... saab se pehli khwahish to saudia arabia main dobara se rehne ki hai...hameesha ke liye ho jaye to bohot bahtareen .. aur dosrey kahongi ke aik bohot bara hospital bana doo... aur aik bohot bara school.

-muhabbat aur jang main sab jaiz hota hai..kiya yeh sahi hai aur kiun? wizahat se jawab dein.

hmmm... nahi muhabbat aur jang main saab jaiz nahi hota... aap muhabbat ko muhabbat se jeet sakte hain jang se hergiz nahi...aur jang muhabbat se nahi jeeti ja sakti... dono ko unke apne apne dairoon main rakh ke dekhna chaheye... muhabbat main jang'o jadal to nahi kar sakte na...phir woh muhabbat to na rahi. face.gif[/img]

-khawab ,saraab aur azaab main kiya farq hota hai..kiya in teeno ka farq aik ghazal ki soorat main likh saktein hain?

inka farq Basit ke sawalon main mil jaye ga... aur mujhse ghazals to likhi hi nahi jati hain...aik kaifiyat main likhti hon...abi woh mehsoos nahi ho rahi :(

-farz karein shaam dhalay ka samaaN hai, sahil ka kinara hai, samandar khamoosh hai, barish ho rahi hai, door tak koi nahi hai, aise main aik khawahish angrai laiti hai...zara bateye to kiya?

Ice Cream khani haiiiiiiiiiiiiiiiiii iiii

50) HG ke sathiyoon ke naam koi naseehat , paigham,dua.

naseehat karne ki haisiya to bilkul nahi hai... bas muhabbat ka paigham hai... is ghar ko.. HG ko muhabbat se araasta rakhein... face.gif[/img] ... saab khush rahein...ameen

Similar Threads
Thread	Thread Starter	Forum	Replies	Last Post
Nazm:Aaina dar Aaina	mobi91	Himayat Ali Shair	3	02-07-2008 01:32 AM
Aaina Hoon Main Mere Saamne Aakar Dekho..	redidentity	Ghazal	13	01-03-2008 11:41 PM
^^^ Aaina ^^^	naz	Jokes n Jokes	7	08-02-2007 09:40 AM
jab aaina dekhtay hein to....................	sawera khan	Gup Shup	57	05-29-2007 07:45 PM

Urdu Poetry Forum

Aaina

Aaina