Tuloo-e-shams-e-mafariqat
purani kirnein naye makanon ke aganon mein laraz rahi hein
faseel-e-shehar-e-wafa ke rozan chamaktey zarron se bhar gaye hein
gaye dinon ke aziz batein,nigar subhein,gulab ratein
bisat-e-dil bhi ajeeb shey hay,hazar jeetein,hazar matein
judaiyon ki hawaein lamhon ki khushk mitti ura rahi hein
gayee rutoon ka malal kab tak
chalo ke shakhein to toot_ti hein
chalo ke qabroon pe khoon roone se
apni aabkhein hi phoot_ti hein
ye mor wo hay jahan se mere tumhare rastey badal gaye hein
purani rahon ko lotana bhi hamaro qatadar mein nahi
ke rastey bhi hamare qadmon ke saath agey nikal gaye hein
Tuloo-e-shams-e-mafariqat hay
tum apni aankhon mein jhilmilatey hoye sitaroon ko mout dedo
gayee rutoon ke tamam pholon,tamam kharoon ko mout de do
naye safar ko hayat bakhsho
le pichli rahon pe sabt jitne naqoosh-e-pa hein
wo baar honge
hawa uraye ke tum urao