khud apney liye beth key sochain gein kisi key din
yuun hey key tujhey bhool key dekhein gein kisi din

bhatkey hoye phirtey hein kaii lafz jo dil main
duniya ney diya waqt to likhein gein kisi din

hil jaiengein aik baar ro arshoon key dar-o-baam
yeh khaak nashin loog jo bolain gein kisi din

apaas ki kisi baat ka milta hi nahi waqt
her baar yeh kehtey hein keh “bethein gein kisi din”

aye jaan teri yaad key bey naam parendey
shakhoon per merey dard ki utrain gein kisi din?

Jati hey kisi jheel ki gehraii kahan tak
Ankhoon main teri doob key dekhein gein kisi din

Khushboo sey bhari shaam main jugnoo key qalam sey
Aik nazam terey wastey likhein gein kisi din

Soayein gein teri ankh ki kalwat main kisi din
Saye main teri zulf key jagein gein kisi din

Sehraye khrabi ki issi gard safa sey
Phoolon sey bharey rastey niklein gein kisi din

Khushboo ki terhan masl-e-saba khuwab numa sey
Galiyuun sey terey sheher key guzrain gein kisi din

Amjad~ hey yahi abb keh kafaan bandh key sir per
Issi sheher sitam gaar main jaien gein kisi din !!!