 Re: Urdu writer - Abdul Basit | |
- Tanha -
Kaiee dinoon say kashmakash mein hoon.. guthee hai koi ulajh gaiee hai.. zindagi say haray jawaari ke tarhaan... umeed kay sabhee diyeah bujha diyeah hain.. shanoon mein sar rakhay janay kiss soch mein hoon... koi khawb nahi hai... bus dhuwaan dhuwaan say khayaal hein baki.. andhairay zia dai rahay hain... !!
Yaddoon ke barkha hai.. bheegta badan hai... gaiee sa'atoon say aati... madham madham see awazain.. kanoon mein rus ghooltay... shehad say lehjay.. aur mairay chaar soo phayla.. ik gehra sanata... !!
Kamray ke har shai bikharee paree hai.. samaitna chahta hoon sab bikharta chala jaata hai.. kaiee rooz say khirkee bhee khool rakhee hai.. janay kab woh jhonka dar aye.. jissay hum baad e saba kehtay hain.. umeed koi nahi hai.. haan ik aas hai baqi.. kissi kay rasta bhool jaanay kee.. wapis loout aanay ke..!!
Yeh dil e nashaad magar.. jaanta nahi... beech raah jo choor jaatay hain.. gharz ke gathree sar pay uthaye.. jo door bohat door nikal jaatay hain... woh gar loout bhee ayain... tu rishtay nahi jurtay... yeah dil nahi miltay... !!
Yeah alag baat hai laykin... jab rishtay ganthay jaatay hain... shehad see booli hooti hai... wafa ke baat chaltee hai.. kaiee waday.. kaiee kasmain.. qadamoon ko bandh laytay hain... zara see bay'atnayee pay... shikway hazar hootay hain... zara see choot lagtee hai.. tu dil mein dard hoota hai... koi girnay jab lagta hai... tu barh kay thaam laytay hain... shaam o sehar kay sabhee pal... sang beetaye jaatay hain.. naz uthaye jaatay hain.. !!
In rishtoon ke hai qeemat kaya... ? kabhi soochoon haqeeqat kaya... ? musafir thai musafir hain.. musafir ke hai manzil kaya ? musafir ka musafir say.. umar bhar ka rishta kiyon.. ? paraoo tha woh jis mein hum... millay thai bus pal do pal... pal do pal kay rishtoon ko... rishta kehna pagal pan.. !!
Chaltay rehna jeevan hai.. Iss mein sab kuch hota hai... koi hansta hai koi roota hai.. koi meethi battein karta hai.. koi wadday kasmain daita hai.. par saath kahaan koi chalta hai.. haan chalta hai par utna hee.. jitna uss nay chalna hai... yeah kasmain wadday payaar wafa... yeah saari jhooti battein hain.. !!
Mein tanha hoon.. tum tanha hoo.. hum sab he tanha tanha hein... hum zaat ke wehshat kay maray... hum khawb nagar mein bastay hain... hum saath kissi kay hootay hain.. par rasta apna chaltay chaltay hain.. yeah saath wahaan tuk rehta hai... bus moor jahaan pay hoota hai.. rasta koun badalta hai.. apni manzil ko paanay... sab apnee rah pay chaltay hain.. !!
Par iss rah pay chaltay chaltay hum... waqat guzaree ke khatir.. bus waqat guzaree ke khatir.. anay walay waqtoon ka.. qayaas lagaya kartay hain.. rishtay bandha kartay hain.. aisay kachay rishtoon ke... moor judaiee wallay pay... haqeeqat sab khul jaati hai... bay'qeemat hoo jatay hain.. yeah apni moout mar jaatay hain.. !!
Haan moor judai wallay baad.. kuch peechay mur kay tuktay hain.. kuch apnee rah hoo latay hain.. mein peechay mur kay takta hoon.. na hansta hoon.. na roota hoon.. na rukta hoon.. na cahlta hoon.. haan tanha tha.. bus tanha hoon.. !!
 |