Urdu Poetry Forum

**naz** · #1 01-07-2007, 10:02 AM

17 June/2006

Aaj khilaf-e-ma�amool bohot gehma gehmi thi us ke ghur main. Ghur kiya, aik khoobsooret resort tha, sheher ki tungi aur shor se door, is khoobsooret puhaar ke damun main, mugur aaj wahan afra tefree see thi. Aur us ki wejha bhi wohi tha.

Pehli nuzur main to munzer apni zubaan aap saare halaat beyaan ker reha tha, mugur waheen aik pecheedgi bhi thi, ke aakhir yeh huwa kaise�Mugur, experts kissi bhi zawiye se undaza nahin luga seke they, na hi wahan kissi doosre ke hone ke koi imkanaat they�

Shayed un ke sawalon ka jawaab, us ki diary main tha, jo ab bhi us ki wheel chair ke paas hi peri thi�jahan use hona chahiye tha.

��

Diary se:

Aaj bhi sochta hoon, aur phir sochta hi rehta hoon�Kuch lumhon ki baat thi�aur wohi lumhe meri saari zindagi ka jaise nisaab bun gaye�.jaise aik class hai�aur main aik talibilm�aur her roz, zindagi ki aankh mere saamne whiteboard per wohi lecture dohraati hai�agle lecture main phir wohi sabaq�aur issi terha aik na khutum hone wala tasalsul�aik aisa sufer jis ka ikhtitaam�shayed meri awwaleen aarzoo bun chuki hai�shayed�

Muqadder ki aik thoker tub lugi thi�.aur aik us waqt�aur ab bhi mehv-e-hairet hoon�zindagi mujh se rooth jaaye�bus�

Mugur kub�.aakhir kub.

��

Buchpun, aur tungdesti ki thokerain�Baap ki sharaab peene ki lutt�maan kub ki rooth geyi us se aur us ki is beemar duniya se� Aur woh� hosh abhi sunbhle bhi nahin they ke baap ki maar aur roti� bus do hi shoq they us ke�Baap ki maar se her sooret buch nikelna, aur kaheen se bhi do niwaale pait main daalna�kabhi kabhi woh bhi naseeb nahin hota tha, baap ke fuzl-o-kerem se�her cheez aur yaqeenan her cheez ko chora ja sekta hai�per peene main nagha�qabahet nahin to kiya hai�us ka baap keha kerta tha�

Sochta tha ke school ki chaar deewari kaisi hoti ho gi�kaisi kushish thi us duniya main�jo woh dekh to sekta tha, bus aage burh ker choone ki himaaqt nahin ker pata tha�dil main kabhi aag, kabhi rushk�kabhi aandhi�kabhi paani�yeh haath burhaaon to kaise�in qudmon ki zanjeer toroon to kaise�.kaise�

�Ya Allah, kiya main itna hi gaya guzra hoon��.use humesha shikayet rehti��Kiya yehi hai mera muqadder��aur issi terha us ke din guzerte gaye ke aik raat�

Woh apne kuch saathiyon ke humrah aik khoobsooret park se guzer rehe they ke kuch dair park main hunste khelte buchon ko dekhne main mugun ho gaye�aur kuch hi lumhon ba�d�chokeedar ki laathi un per chabuk ki terha toot peri�qasoor�wohi�jo un ke kupron se ayan thi�wohi jo un ke chehron per chuspaan thi�wohi ghulti jo un ke muqadder per mohar thi�un ka khusta haal�merte kiya na kerte�aankhon main nufret aur dil main gaaliyon ka toofan liye woh wahan se bhaag nikle, abhi thore door chok per hi pohonche they key� aik gaari taizi se un ki teref burhi..�aur ba�d main jo bhi kuch huwa�woh sub kuch aik puluk jhupukne ki dair thi�

Use phir kissi cheez ka hosh nahin reha�bus ussi terha beech suruk jamid aur sakit khura reha�aas paas ke log shor mucha rehe they aur woh kaheen bohot door tha�dil kaheen dumaagh main uter gaya tha, dhurkenain kaan phaar rehi theen, aur kissi awaaz ka hosh nahin reha tha, ahista ahista aik duniya us ke gird ikutha ho chuki thi�Aur waheen kuch door, us ke do dost, kuchli huwi halut main......

Shayed waheen kaheen use hairet bhi thi�ke aakhir wohi kiyoon�.jisse aik khuraash tuk nahin aayi�
Woh raat ghur nahin gaya�bus us sheher-e-matum ko chor gaya�

��

Diary se�

Aaj muddet ba�d mujhe aik khiyaal nain chonkne per majboor ker diya. Aik hi duger per ghurri ki tik tik bhi giraan si lugti hai, aur apni aur haqeeqat ki yaari bhi kafir�phir use is terha, uchanuk dekh ker�.Shayed mere wehum mere behukte huwe hawaas ki eejaad hain�.shayed meri aankhain dhoka kha rehi hain�aik dilfaraib khulish see hai shayed in ya�as ki khokli aur puthreeli nigaahon main�.

Shayed.

��

29 Jan/2006

�Seen beta! Chor do, khuda ke liye chor do, nahin to neend ke saath saath apne gurdon se bhi haath dho betho ge�

Ab un ke suber ka paimana labraiz ho chukka tha, per kiya kerte, samjha hi to sekte they, aur phir, Seen koi un ka beta to tha nahin, mugur is ka mutlab yukser yeh nahin tha ke woh us ki azziyet nuzur undaaz ker sekte�jo huwa tha, ho chukka tha, mugur woh kissi bhi terha Seen ko apni purani dugur per nahin laa pa rehe they�

Woh siref muskurane per hi iktifa kerta�humesha ki terha�naan hoon, na hi koi hami�bus muskuraahut�.aur khumaar aankhain.

Thori dair ba�d woh bhojul qadem liye apni gari ki teref burh reha tha, raaste main hi use us ke driver nain sahara diya aur gari main bethaya. Gari chulana to us nain shayed, ussi din se chor di thi�.

��

25 July/1999

�Doctor!!!�
Aur woh khamosh rehe, Sikander nain phir aur koi sawal na kiya, woh achi terha is ka mutlab samajh chukka tha.

Huspitaal main bheer thi mugur woh apni hi sochon main kuta kuta sa, ward number 23 ki teref chulne luga. Aas paas se bekhuber sa, woh usi
Wuqt chonka jub wohus ke kumre ke qareeb pohoncha tha. Phir aik jhijek ke ba�d, us nain kumre ka derwaza khol diya�

Woh so reha tha, aik pursukoon neend. Siref ECG machine se musalsal nikelti, hulki hulki si awaaz thi, aur woh.

Koi cheez kaheen gir ker tooti thi, shayed koi aaina tha, yaan koi sheeshe ka burtun, haan kuch toota zaroor tha, mugur koi awaaz nahin aayi thi, siref us ki kirchiyaan theen, jo woh apne dil per mehsoos ker reha tha, jaise huzaaron tunnon ka puhaar us ke dil per rukh diya gaya ho. Jaise koi zindagi ki door se lutka huwa oonchaaiyon se gir reha ho. Us se under jaane ki himmat ja�maa nahin ho rehi thi. Kuch dair ba�d jub us ki behaal si saansain qaabu main huween, tub woh ahista ahista dubbe paon us ke qareeb kursi per beth gaya, aur us ke uthne ka intizaar kerne luga. Us se aik aakhri mulaqaat thehri. Us se aakhri baar kuch kehne ke liye�

Mugur�

Mugur use woh aakhri mo�qaa kabhi naseeb nahin ho seka�

��

Diary se:

Ab tum se kiya chupana, laiken yahan ilfaaz mera saath nahin de paa rehe�kaise kehoon, kis terha khud ko samjhaaon, mugur, woh yaheen tha, mere paas�haan�itna ke haath burha loon to use choo jaaon�.mugur woh himmet kahan se laata�khauf se mere ausaan khata ho chuke they�.
Aur woh muskura reha tha�meri hairet per�

Shayed us ki aankhon main sharaaret thi�yaan afsos�main yaqeen se nahin keh sekta�

��

19 July/1999

Office main siref woh akela betha, undhere main apni balcony se duniya ke nuzaare main gum tha�

Yeh tim tim kerte tare�rung burange, chulte huwe, daurte huwe�zameen ke tare�kitne khoobsooret hain yeh�.woh apni dhun main soch reha tha, �kuch ghum�kuch mudhoshi�aur phir kuch behki huwi si us ki sansain�us ki mukhmoor aankhon main jahan aik khalish see thi�waheen nufret ki aandhiyaan bhi muchul rehi theen�

Aur phir us nain sharaab ki botel ke aakhri ghoont liye aur bottle fersh per de maari�aur ussi halut main apne office se nikel pera�Elevator ke aaine main apne huliye ko durust kerne ki nakaam si koshish kee, aur jub tuk woh ground floor per pohoncha, us ki aankhon main khoon uter aaya tha�aur koi bhi us ki halut dekh ker bakhoobi undaza luga sekta tha ke, woh na siref nushe main hai bulke, junoon main bhi�

Mugur aaj use kissi ki perwah nahin thi�raat ke kale badul mundla rehe they, aur woh aaj hi kissi faisle per pohonchna chahta tha�issi afra tefree main us nain apni gaari parking se nikaali�aur serkain naapne luga�.

Apni munzil se kuch door hi tha ke, us nain jeldbaazi main aik mor mora�aur murte huwe apni gaari ke drawer se apni gun nikaal ker use check kerne hi wala tha ke�koi cheez zor se us ke bumper ke saath tukraayi�

Us nain aik dum brakes per apne paaon jamaa diye�aur phuti phuti aankhon se gaari ke aaine main peeche ka jaiza lene luga�.Kuch dair to use yaqeen hi nahin aaya, ke yeh kabhi us ke saath bhi ho sekta hai...mugur quismet main shayed kuch aur hi likha tha...

Aik min ba�d woh sheher ke national hospital ki teref rawaan tha� aur us ki zindagi yukser budul chuki thi.

��

Similar Threads
Thread	Thread Starter	Forum	Replies	Last Post
muqaddar	khawab	Ashaar - Misc	6	02-08-2008 06:25 PM
chot lagti hay	nazsweet	Ashaar - Misc	14	10-16-2007 06:56 PM
chot lagti hai	khamosh_lehrain	Ashaar - Misc	10	10-12-2007 12:03 AM
____ Muqaddar ki Chot - I ____	Aas	Urdu Writer's Club	32	07-04-2006 12:50 PM
Har Ghadi Khud Se Ulajhna Hai Muqaddar Mera	flaver	Nazam	0	11-26-2005 08:58 PM

Urdu Poetry Forum

Muqaddar ki Chot...!

Muqaddar ki Chot...!