 Chemistry Ke ustaad per Izhar-e-khiyal ...! | |
Jis kee paidaish ke sabab, Einstien ki ho gayi wafaat
Jis kee serperesti main, bechari chemistry ho gayi unaat
Jise nahin de seka koi bhi akulmundi main maat
kiya kehiye ke duniya-o-ma feeha ki kum hain ma'loomat
Hain aik aise hi tees maar khan, naam hai jin ka Beerdi Pehelwaan
Perhaate hain humain chemistry aur kerte hain humari saat pushton per ehsaan
Bunte hain bure taiz, chalak , zaheen aur hoshiyaar
Jaise rehe hon kisi zumane main jamez bond ke lungotiye yaar
Shukel daikh ker lugta hai ke jaise hon bilkul be-ser-o-samaan
Aur batain bunate hain aisi jaise ta'meer kiya ho qil'a-e-shahjehan
Theoriyan to aisi hain piyare jaise technical hi nahin koi baat
Sun ke lugta hai jaise chemistry ko maari ho aik zoor daar laat
Jo kerta hai un se budtameezi, woh ker dete hain us ghareeb ko fail
Humesha rehte hain us se terhe, jaise doggie ki kutti huwi tail
Baat suno na un ki to yeehhh lumbi chori gaaliyan
Aur sujte sunwarte aise hain jaise do derjun hon in ki saaliyan
Apni hurketon main kahen na kahen, kerte thora ghuror hain
Bewaqoof to khair hurgiz nahin, pur thore ehmuq zaroor hain
Saare chemistry ke ustadon main bus woh hi hain nirale
Thore kale kale jaise khaad ke piyaale
Aisa teacher ab tek nuzron main aaya nahin
Kiyoon bunaya hai rub nain us ko, yehi samajh aaya nahin
Kabhi kabhi khure khure, woh daant nikaal dain ge aise
Jaise abhi abhi mile hon, tunkhuwah ke poore paise
Bure churche hain un ke school main, her class main, her zubaan per
Issi shohret ke bais, khuda bhi pareshan hai, aasman per
Kabhi bhi lurkhurana ho class main baghair piye sharaab
Yaan lena ho chemistry main apna result kharaab
Yaan duniya main hi bund kerna ho apni akhiret ka baab
To shauq se perhiye chemistry , mere teacher se janaab
|