 Meri MehFiL...! | |
Mujh se poochti hai, meri mehfil
Ae but't, dil udaas hai kiyoon ker
Simti Simti si hai teri perchaayi
Ae But't, yeh payaas hai kiyoon ker
Duniya ki rungeeniyon main uljhe huwe
Zun-o-zer ke khazaane pare hain
Teri aankh main chubti hai jo tesweer
Use bhool ja, ke ye tarane tere hain
Uth ae But't, yeh jamood tor de
Jisse teri qader nahin, ehsaas nahin
Duniya suji hai dulhun ki terha
Us ka kiya, jo tere paas nahin
Khiyaal they but't ke rawan rawan
Magar aankhain thi haal main mugun
kehne lugeen mehfil se ke ae dost
Teri baat main hai bohot wuzun
Musti chuluk rehi hai teri zubaan se
Teri baat main hai zindagi ki khushboo
Teri muthi main hai meri nujaat
Teri sada main hai dhunuk chaar soo
Per ae dost, main kiya keroon
Ke dil ki yehi to uljhun hai
Tu kehta hai, bhool ja usse
Meri kaainaat Jis main mugun hai?
Roshun hain meri veeraaniyaan
Jo mehekti hai her soo, us ki yaad hai
Is duniya ki ghulami mubarak tujhe
Meri duniya, us ke dum se abaad hai
Mujhe chor do mere haal pe
Ke, ab to yehi apna dhun hai
Woh jis ke aas main hain hum
Ab woh, iss Aas ki dulhun hai
|