It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here 
Welcome to Urdu Community & Poetry/Shayari Forum
This is a discussion on La'HasiL...! within the Aaina forums, part of the Collection of HG Writer's Work category; ...
| |||||||
| Poetry | Video | Photo | Books | Games | Register | Groups | FAQ | Calendar | Mark Forums Read | Chat [8] |
|
#1
03-27-2006, 05:02 PM
| |||||
| |||||
... La'Hasil ... aaj main usay paa kar bohot khush tha...kanoon ko uski jal'tarang si hansii bohot khush'kun mehsoos ho rahi thi,,,sarey jahan ke manzer jaise nikhra se gaye they...sabhi subhain roshan roshan...sari hijr ki ratein jaise noor noor phoot'ti thein...udaasii jaise mayre ghar ki khali deewaroon se khurach ke utar gai thi... woh gul'daan jo zamanay se kisi phool ko taras gaye they..aj bagh se chun chun ker rang birangi pholoon ki kaliyon se saj gaya tha... sarey dhanak ke rang jaise her soo hi chaey the... dunya kitni haseen thi yeh aaj tumhain paa kar mehsoos kar raha tha main... yeh husn ki jalkan to shayad kaheen mayri ankhoon ke pardon se oojhal kaheen zaman’o makaan ki qaid se azaad kisi weeraan gooshay main simti hui thi...faqat mayri ankhoon main be'yaqeeni ke saeye hi lehrate they... tum se pehlay main ne muhabbat ko jana hi kahaan tha... uskay lafz se shanasaii to barsoon poorani thi... magar lafz jazbay to nahi hua karte na... tum kehti thi ke muhabbat kab lafzon ki muhtaaj hua karti hai... main kehta tha, her jazbay ki aik zubaan hua karti hai, usay lafz darkaar hua karte hain, bina lafzoon ke muhabbat to goonge kiya karte hain.... aur tumhari batein to itni haseen hoti hain ke main pehroon baithey tumhain sunnay ki hasraat main ghantoon online rehta ke tum se kisi tour to guftagu raha karey... tumhari awaz na sahi to tumahrey lafz to suna karoon...unhain parha karoon... tum kehti thi ke muhabbat andhii hoti hai to isay isharoon se samajhna chaeheye...magar tumse shikwa raha ke tum mayri muhabbat ke isharoon ko kab samjhein...bil'akhir muhabbat ko izhar ki hajaat thehri... agar aaj bhi mayri zubaan pe chup ka qufl rehta to main tumhain khoo detaa... apna sapna khoo detaa.. aaj main tumhain paa kar zamanay bher ki khushiyaan hasil kar baitha hoon... "Ishq be'ghar karey, ishq be'dar karey, ishq ka sach hai koi thikana nahi kal talak ham jo thikanay ke they admee, aap se mil ke kaise thikanay lagay." magar janaaN tumhain pata hai main anjaan rastoon ka rahi hoon... main kab tak tumharey sath chal sakoonga.. mujhey kuch khabar nahi...mujhey gumaan hota hai main kisi band gali ke andeeshoon ka dasa hua hoon... yaqeen ur be'yaqeeni ke baiss banti hui khuaboon ki kirkiyaan ankhoon ke khulnay pe nishtaar ki chubhan deingi... tumhara diya hua aitbaar kab bad'gumani ke zehr main dooba hua teer sabit hoga yeh main nahi janta... magar itna janta hon ke aitbaar ka rishta jab be'yaqeeni ke badloon main gumm ho jaye to ham tum jaisi hi kahaniyaan janam laitii hain... kitni ankhein is kahani ko parh rahi hongi... woh sab lafz parheinge.. magar us main chupa mayra karb woh jalan, woh tarap koi mehsoos nahi kar sakayga... kirdar ki takleef ko koon sehta hai.. janaaN... main janta hoon ke aaj tum jo mayri zindagi main bahar ki namood ban kar ai hoo... kal hath churaa ke chali jaoogi... tumharey janay se pehlay hi main apne dil ko tumhari firaaq ka addi bana loonga........ mujhey ilm hai, kisi din tum aa kar keh doogi, "mujhey khouf hai woh nibha ke kisi marhalay pe yeh aa ke keh de ke aub nahi mayre dil ko aub teri talab nahi" aur mayer hath pe good bye, hameesha khush rehna... aur yeh ke likhna kabhi nahi choorna, mayri yaad ko nazmoon main dhalte rehna...yeh sab autograph de kar chali jaoo gi... aur main khud se door hoti hui tumharey paoon main nazuk si sandle ki heel ki khaTt khaTt ko pehlay kareeb...aur phir door hote huye sunta khara rahoonga.....phir woh awaz ahista hote huye sannatoon main gumm ho jayegi... jaisey tum kaheen mayre dil main gumm ho jaoogi.
__________________                    |
|
#2
03-27-2006, 08:23 PM
| |||||
| |||||
 V.NICE WORK DEAR
__________________ Signature Removed - Only One Image is Allowed |
 |
| Tags |
| lahasil |
| Thread Tools | |
| |
La'HasiL...! 
Re: La'HasiL...! 
