 Khaak'tan...! | |
main aik khaak'tan
mayri auqaat hi kiya ?
main apna raiza raiza wajood liye
usii safar pe phir se gamzan hon
jahaan qatra qatra lahoo ki bond bond tapki thi
badan main jaan nahi
rooh main koi armaan nahi
be'samar arzoun ke mehel
phir se khakstar honay ko kharey huye hain
khaak ki tammam cheezon ko
khaak hi to hona hai...
yeh din raat ke mael main
aik awaargi ke khail main
mayri shairi ke be'kal harfoon ko
kisi nazneen ke lab'e sheereen se adaa hona hai
chaar soo phaili hui tareekiyon ke jaal main
ray'egaan justaju ki nanhi umedoon ko
sehr honay pe ray'egaan hi to hona hai
be'samar hi to hona hai...
khaak hi to hona hai...
|